കളമശേരി: കളമശേരിയില് വീണ്ടും ഭൂകമ്പ പ്രതീതിയുണ്ടാക്കി പൊട്ടിത്തെറി. രണ്ടാഴ്ച മുന്പ് സമാനമായ സംഭവമുണ്ടായ കൈന്റിക്കര ഭാഗത്താണ് വീണ്ടും ഈ പ്രതിഭാസം അനുഭവപ്പെട്ടത്. വീടുകളുടെ ഭിത്തികളില് വിള്ളലും ഉണ്ടായിട്ടുണ്ട്. കഴിഞ്ഞ തവണയും നിരവധി വീടുകളുടെ ഭിത്തികളില് വിള്ളല് ഉണ്ടായിരുന്നു. വിശദമായ പരിശോധനയ്ക്കായി ജിയോളജി വകുപ്പ് ഉദ്യോഗസ്ഥര് സ്ഥലത്തെത്തി. കഴിഞ്ഞ ദിവസം ജിയോളജി വിഭാഗം നടത്തിയ പരിശോധനയില് ഭൂചലനമല്ലെന്ന് വ്യക്തമായിരുന്നു.