Image

കവി സച്ചിദാനന്ദന്‍ മുഖ്യാഥിതിയാകുന്ന ഫൊക്കാനാ സാഹിത്യ സമിതി വിപുലീകരിച്ചു

പി ഡി ജോര്‍ജ് നടവയല്‍ Published on 08 January, 2018
കവി സച്ചിദാനന്ദന്‍ മുഖ്യാഥിതിയാകുന്ന ഫൊക്കാനാ സാഹിത്യ സമിതി വിപുലീകരിച്ചു
ഫിലഡല്‍ഫിയ: അബ്ദുള്‍ പുന്നയൂര്‍ക്കുളം (ചെയര്‍മാന്‍ 586 994 1805), പി ഡി ജോര്‍ജ് നടവയല്‍ (സെക്രട്ടറി 215 494 6420), പ്രൊഫ. ഡോ. ഷീലാ എന്‍ പി, പ്രൊഫ. ഡോ. ശശിധരന്‍, പ്രൊഫ. കോശി തലയ്ക്കല്‍, മനോഹര്‍ തോമസ്, തമ്പി ആന്റണി,  സാംസി കൊടുമണ്‍, നീനാപനയ്ക്കല്‍, അശോകന്‍ വേങ്ങശ്ശേരി, ജോണ്‍ ഇളമത, റീനി മമ്പലം, ജേക്കബ് കണക്റ്റിക്കട്ട്, വര്‍ഗീസ് തോമസ്, സരോജാ വര്‍ഗീസ്, ജോസ് ചെരിപുറം, ഡോ.നന്ദകുമാര്‍ ചാണയില്‍, മുരളീ നായര്‍, പി ടി പൗലോസ്, സന്തോഷ് പാലാ, സോയാ നായര്‍, ജെയിംസ് കൂരിക്കാട്ടില്‍, ബാബു പാറയ്ക്കല്‍, അനിതാ നായര്‍ എന്നീ എഴുത്തുകാരെ ഉള്‍പ്പെടുത്തി ഫൊക്കാനാ സാഹിത്യ സമിതി വിപുലീകരിച്ചു.

ഫൊക്കാനാ സാഹിത്യ സമ്മേളനങ്ങളില്‍ പ്രശസ്ത മലയാള കവി പ്രൊഫ. കെ. സച്ചിദാനന്ദന്‍ മുഖ്യാഥിതിയാകും. ജൂലയ് 5 മുതല്‍ 7 വരെ ഫിലഡല്‍ഫിയാ വാലീ ഫോര്‍ജ് കണ്‍വെന്‍ഷന്‍ സെന്ററില്‍ നടക്കുന്ന ഫൊക്കാനാ അന്താരാഷ്ട്ര സമ്മേളനമാണ് വേദി.

 ''സാഹിത്യവും സാമൂഹ്യപരിവര്‍ത്തനവും'' എന്ന വിഷയത്തെ ആസ്പദമാക്കി ഫൊക്കാനയില്‍ നടക്കുന്ന സാഹിത്യ സെമിനാറില്‍ സച്ചിദാനന്ദന്‍ മുഖ്യപ്രബന്ധം അവതരിപ്പിക്കും. പ്രൊഫ. ഡോ. ശശിധരനും പ്രൊഫ. കോശി തലയ്ക്കലും ഒന്നാം സാഹിത്യ സെമിനാറില്‍ ചര്‍ച്ചകള്‍ നയിക്കും.
രണ്ടു ദിനരാത്രങ്ങളിലായി കഥ, നോവല്‍, കവിത, നാടകം, സിനിമാസാഹിത്യം, ലേഖനം, ജീവചരിത്രം, ഓര്‍മ്മക്കുറിപ്പുകള്‍, ലോകസാഹിത്യം, മലയാള സാഹിത്യം എന്നിങ്ങനെ വിവിധ വിഷയങ്ങളില്‍ പ്രബന്ധാവതരണങ്ങളും ചര്‍ച്ചകളും പുരസ്‌കാര സമര്‍പ്പണങ്ങളും നടക്കും. ഒരോ ചര്‍ച്ചാ വിഭാഗങ്ങള്‍ക്കും, കവിയരങ്ങ്-ചെറുകഥാ യരങ്ങ് എന്നീ വിഭാഗങ്ങള്‍ക്കും വേറിട്ട് ഉപസമിതികള്‍ രൂപം കൊണ്ട് ഏകോപിച്ച് പ്രവര്‍ത്തിക്കും. സമ്മേളന വിഷയങ്ങളെയും നിഗമനങ്ങളെയും അധികരിച്ച് പിന്നീട് പുസ്തകരചനയും ഉണ്ടാകും.

പുതിയ ഫൊക്കാനാ സാഹിത്യസമിതിയുടെ പ്രവര്‍ത്തനങ്ങളിലൂടെ ഫൊക്കാനയുടെ സാഹിത്യ സമ്മേളനപാരമ്പര്യ മികവ് തിളക്കമേറിയതാകുമെന്ന് ഫൊക്കാനാ പ്രസിഡന്റ് തമ്പി ചാക്കോ, എക്‌സിക്യൂട്ടീവ് വൈസ് പ്രസിഡന്റ് ജോയി പി ഇട്ടന്‍, സെക്രട്ടറി ഫീലിപ്പോസ് ഫിലിപ്, ട്രഷറാര്‍ ഷാജി വര്‍ഗീസ്, കണ്‍വെന്‍ഷന്‍ ചെയര്‍മാന്‍ മാധവന്‍ ബി നായര്‍ എന്നിവര്‍ സംയുക്ത പ്രസ്താവനയില്‍ പറഞ്ഞു. സാഹിത്യ സമിതിയില്‍ കൂടുതല്‍ എഴുത്തുകാരെ ഉള്‍പ്പെടുത്തി മികച്ച സാഹിത്യക്കൂട്ടായ്മയാക്കുക എന്ന ലക്ഷ്യമാണുള്ളത്. കേരളത്തില്‍ നിന്ന് കൂടുതല്‍ സാഹിത്യകാരന്‍മാരെ പങ്കെടുപ്പിക്കും.


കവി സച്ചിദാനന്ദന്‍ മുഖ്യാഥിതിയാകുന്ന ഫൊക്കാനാ സാഹിത്യ സമിതി വിപുലീകരിച്ചു കവി സച്ചിദാനന്ദന്‍ മുഖ്യാഥിതിയാകുന്ന ഫൊക്കാനാ സാഹിത്യ സമിതി വിപുലീകരിച്ചു കവി സച്ചിദാനന്ദന്‍ മുഖ്യാഥിതിയാകുന്ന ഫൊക്കാനാ സാഹിത്യ സമിതി വിപുലീകരിച്ചു കവി സച്ചിദാനന്ദന്‍ മുഖ്യാഥിതിയാകുന്ന ഫൊക്കാനാ സാഹിത്യ സമിതി വിപുലീകരിച്ചു
Join WhatsApp News
Vayanakaaran 2018-01-08 13:20:55
ഒരു മാതിരി എഴുത്തുകാരെയൊക്കെ ഉൾക്കൊള്ളിച്ച് കഴിഞ്ഞു. ഇനി ഹൂസ്റ്റൺ, ഡല്ലാസ്, തുടങ്ങിയ നഗരങ്ങളിൽ നിന്നും രാപാർക്കാൻ എഴുത്തുകാരെ ക്ഷണിക്കുക. അവർ അമേരിക്കൻ മലയാള സാഹിത്യത്തിലെ മാതളം പൂത്തോ തളിർത്തോ എന്ന് പരിശോധിക്കും. അമേരിക്കൻ മലയാള സാഹിത്യമേ വിജയിക്കൂ നീ, പ്രണാമം, പ്രണാമം. മതപരമായ ചർച്ചകളും ആവശ്യമാണ് സമൂഹത്തിനു. അതുകൊണ്ട് മാത്തുള്ള, ആൻഡ്രുസ് എന്നിവരെ വിളിക്കണം. 
വിക്രമൻ 2018-01-08 13:36:56
വായനക്കാരൻ പറഞ്ഞത് ശരിയാണ് .  ഹ്യൂസ്റ്റൺക്കാര് ചില്ലറക്കാരല്ല . സൂര്യനിൽ ഒരു തണൽ വൃഷം നട്ടുപിടിപ്പിച്ച വേന്ദ്രൻന്മാരാണ്  . അവർ ട്രംപിനെക്കാൾ ബുദ്ധിജീവികളാണ് .  ന്യുയോർക്കിലെ തണുപ്പന്മാരെ കൂട്ടി സാഹിത്യവും വൃക്ഷം വച്ചാൽ അത് നിലത്ത് നിന്ന് പൊങ്ങാൻ സാദ്ധ്യത ഇല്ല .  സൂര്യനിൽ വൃക്ഷം വളര്ന്നുണ്ടെങ്കിലും അത് നടാൻ പോയവന്മാരുടെ ചന്തി കത്തി കരിഞ്ഞു പോയെന്നാണ് കേൾവി .
john philip 2018-01-08 15:12:50
ഭാരവാഹികളെ നിങ്ങൾ  മഞ്ജു വാര്യരെയും കാവ്യ മാധവനെയും കൂടി കൊണ്ട് വരണം കാവ്യ കാവ്യങ്ങളൊക്കെ എഴുതീട്ടുണ്ട്  ഇവർ വന്നാൽ എഴുത്തുകാരല്ലാത്തവരും നിങ്ങടെ സമ്മേളനത്തിന് വരും.  രണ്ട് പേരും ഇയ്യിടെ വാർത്തയിൽ ഇടം പിടിച്ച ഒരു നടന്റെ ഭാര്യയായിരുന്നു, ഒരാൾ ആണ്. ഇടതു തിരിയാനെ, വലതു തിരിയാനെ നാട്ടിൽ പോയി അവരെയൊക്കെ ആനപ്പുറത്തിരുത്തി വാ ആ നെ  ...പിന്നെ പറയാതെ വയ്യ ഡോക്ടർ ശശിധരന്റെ പടം കലക്കി. ആ
ഹിറ്റ്‌ലർ സ്റ്റയിൽ മീശാ തന്നെ സമ്മേളനത്തിൽ വരാൻ ഒരാകർ ഷണമാണ്.
സരസമ്മ 2018-01-08 15:48:07
കൊള്ളാം, എല്ലാവരും നല്ല മീശ മിടുക്കന്‍ മാര്‍ 
ആരെങ്കിലും സിംഗിള്‍ ആണോ ?
# ൩ ഓര്‍ 2 ആണ് എനിക്ക് നോട്ടം .
എതായാലും ഞാന്‍ വരും  
മീശ സൈക്കോളജിസ്റ് 2018-01-08 16:04:49
മീശ സൈക്കോളജി 

മീശ പല വിധത്തിലുണ്ട് സ്നേഹിത 

മീശയുടെ പേര് കൃതാർത്ഥൻ എന്നാണ് . പകുതി മീശ ഉള്ളവനും കൃതാവ് പകുതിയുള്ളവനും 
ഇദ്ദേഹം ഒരു കാര്യവും മുഴുമിപ്പിക്കില്ല . എല്ലാം പകുതിയിൽ ആക്കിയിട്ട് പോകും .  പലതിലും തലയിടും പക്ഷെ ഒന്നും ശരിയാകില്ല 

'ഹിറ്റ്' ചെയ്യാൻ ആള് മിടുക്കനാണ് .അത് കഴിഞ്ഞ് ഒരലർച്ചയുണ്ട്  അതുകൊണ്ടാണ് ഹിറ്റ്‌ലർ എന്ന പേര് വന്നത്  അദ്ദേഹത്തിനും പരിപാടികൾ ഒന്നും മുഴുമിപ്പിക്കാൻ കഴിഞ്ഞില്ല 

കൃതകിർത്യൻ - മീശയും കൃതാവും ഒരെ ലൈനിൽ നില്കുന്നവൻ  ഇവരെ വിശ്വസിക്കാം കൊള്ളാം . ഏൽപ്പിച്ച കാര്യങ്ങൾ കൃത്യമായി ചെയ്യും 

അധഃകൃതൻ =  കൃതാവ് മീശയുടെ താഴെ വന്നു നിൽക്കുന്നവർ - ഇവർ വിധേയന്മാരാണ് .  അടിമകൾ - സ്വന്തമായിട്ട് ഒരുഭിപ്രായം ഇല്ലാത്തവർ - ഇങ്ങോട്ട് വരാൻ പറഞ്ഞാൽ ഇങ്ങോട്ട് വരും അങ്ങോട്ട് പോകാൻ പറഞ്ഞാൽ അങ്ങോട്ട് പോകും - 

കൊമ്പൻ മീശ - വീരനാം അദ്ദേഹം ഇദ്ദേഹം എന്ന മട്ടിലാണ് നടപ്പെങ്കിലും -പാവങ്ങളാ - ഒരു ചെറിയ ശബ്ധം കേട്ടാൽ മതി നിക്കറിൽ മൂത്രം ഒഴിക്കും -

മീശമാധവൻ - കള്ളനാ - ആരുടെ മുതലും അടിച്ചുകൊണ്ടുപോകും വിശ്വസിക്കാൻ കൊള്ളില്ല - കാവ്യ -സന്ധ്യയിൽ ഇവനെ കാണാം . കാരണം കയ്യിൽ ഇരിക്കുന്നത് അവന്റെ അല്ലല്ലോ -അതുകൊണ്ടു ഉടയൻ അതിനെ എപ്പോഴെങ്കിലും  അടിച്ചുകൊണ്ടു പോകുമെന്നുള്ള ഭയമുണ്ട് 

ആശമിനുങ്ങുന്നവർ - ഇവരെ മീശ അനങ്ങുന്നവർ എന്ന് തിരിച്ചും വായിക്കാം- ഉറപ്പില്ലാത്തവന്മാരെ -സച്ചിതനന്ദമല്ല ഏത് സാഹിത്യകാരന്മാരു വന്നാലും അവരുടെ മുന്നിൽ എന്തെങ്കിലും ഒന്ന് പറഞ്ഞു വിലസണമെന്ന ഒരു ആഗ്രഹം മാത്രമേയുള്ളു -ഇവന്മാരുടെ മീശ അനങ്ങികൊണ്ടേയിരിക്കും -നാഡി സംബന്ധമായ ഒരു രോഗമാണ് - ഞരമ്പു രോഗികൾ എന്നും വിളിക്കാറുണ്ട് - മിക്കാവാറും സാഹിത്യ സമ്മേളനത്തിൽ സ്ത്രീകളെ ചുറ്റി പറ്റി നില്ക്കും -സത്രീകളുടെ രചനക്ക് മാത്രമേ അഭിപ്രായം  പറയുകയുള്ളൂ - മീശ എപ്പോഴും അനങ്ങികൊണ്ടിരിക്കുന്നതുകൊണ്ടു ഇവന്മാർക്ക് മീശ ഇല്ലാതിരിക്കാനും സാദ്ധ്യതയുണ്ട് -
ചിലപ്പോൾ മുതുകാളയുടെ മാതിരി മുക്ര ഇടും -  ഇവരുടെ നീക്കങ്ങളും ചേഷ്ടകളും നോക്കിയാണ് തിരിച്ചറിയുന്നത് 
അറിയിപ്പ് 2018-01-08 16:15:20
ഫോക്കാന സാഹിത്യ സമിതിയിൽ ഉൾപെട്ടുപോയെന്ന് പല എഴുത്തുകാരും അറിഞ്ഞത് ഈ ലേഖനം വഴിയാണ്. ഇനിയിപ്പോൾ ലാനയുടെ എല്ലാ മെമ്പേഴ്സിനെയും സമിതിയിൽ അങ്ങ് ഉൾകൊള്ളിക്കുന്നതല്ലേ മര്യാദ?
അമേരിക്കൻ സാഹിത്യ അക്കാർഡമി 2018-01-08 18:14:21
ഈ സാഹിത്യ സമ്മേളനത്തിന്റെ ഒരു പ്രത്യകത മീശയിലുള്ള ഏകീകരണമാണ് .  താടിയുള്ളവർ അതുവടിച്ചുകളഞ്ഞു മീശ വയ്ക്കണം . മീശ സൈക്കോളജിസ്റ്റ് മീശയുടെ അർഥം എന്താണെന്ന് വിശദ്ധമായി പറഞ്ഞിട്ടുണ്ട് .  മീശ കവിതക്ക് പ്രത്യക അവാർഡ് ഉണ്ടായിരിക്കും . മീശയുള്ള സ്ത്രീകൾ അത് വടിക്കാതെ വന്നാൽ അവർക്ക് മുൻഗണന .   പിന്നെ ഫൊക്കാനയുടെ പുറത്ത് ലാന കേറാൻ സമ്മതിക്കില്ല . 

മീശ മാധവൻ 2018-01-08 22:31:34
മീശക്കാരൻ കേശവന് 
ദോശ തിന്നാൻ ആശ
ആശ മൂത്തു തപ്പി-
നോക്കി കീശ 
ഓട്ട വീണ കീശക്കുള്ളിൽ 
കണ്ടില്ല കാശ് 
മീശ വച്ച ചേട്ടന്മാരെ കണ്ടു
വീണ്ടും മൂത്താശ
മീശ കവിത തട്ടി വിട്ടാൽ 
കാശു കിട്ടും പോലും 
എഴുത്തിനായി ഇരുന്ന നേരം 
കുപിതയായി  ഭാര്യ ആശ
"മീശ ഇല്ല നിങ്ങൾ എങ്ങനെ
എഴുതും മീശ കവിത? "
പോയി വാങ്ങ് കൃത്രിമ മീശയൊന്ന് 
ഹിറ്റ്ലർ മീശയായാൽ ഭേഷ് "
'മീശ വാങ്ങാൻ കാശ് താടി ആശേ?
മുടിച്ചു നിങ്ങൾ ജീവിതം എന്റെ 
നാശം നിങ്ങൾ നിര്ത്തുമോ ഈ എഴുത്ത് 
മോഷ്ടിച്ചോരു കവിത തല്ലി കൂട്ട് 
മീശക്കാർക്കിവർക്കെന്തറിയാം കോപ്പ് . 
 
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക