Image

യാത്ര തുടരുന്നു.. (പ്രണയം)- ശ്രീ പാര്‍വ്വതി

ശ്രീ പാര്‍വ്വതി Published on 25 February, 2012
യാത്ര തുടരുന്നു.. (പ്രണയം)- ശ്രീ പാര്‍വ്വതി
ഒരു മയില്‍പീലി പോലെ നിന്റെ പ്രണയം…
ആരും കാണാതെ പുസ്തകത്താളില്‍ എന്നോ ഒതുക്കി വച്ചിരുന്നു ഞാനൊരെണ്ണം. ഒരിക്കലും എടുക്കാതെ ആ പുസ്തകം ഇന്നും എന്റെ അലമാരിയിലെ മുകളിലത്തെ തട്ടില്‍
നിര്‍വ്വികാരയായി, തനിയെ കഴിയുന്നു. നിന്റെ വീര്‍പ്പുമുട്ടല്‍ എന്നെ പൊള്ളിക്കുന്നുണ്ട്. വാക്കുകള്‍ മൗനത്തിലൂടെ എന്നിലേയ്‌ക്കെത്തുമ്പോള്‍ ഞാനും എന്റെ മയില്‍പ്പീലിയൊപ്പിച്ച പുസ്തകം പോലെ വികാരങ്ങളില്ലാതെ, എന്നെപ്പോലും മറന്ന്, ആള്‍ക്കൂട്ടത്തിനിടയില്‍ നിന്നെ മാത്രം കണ്ട്, നമ്മുടെ പ്രണയത്തിലേയ്ക്ക് കണ്ണുനട്ട്…അങ്ങനെ..
നീ മൗനത്തിലങ്ങനെ ഉലാത്തുമ്പോള്‍ എന്നെ കടന്നു പോകുന്ന തണുത്ത കാറ്റിന്, പറയാനേറെ. നിന്നെ ആദ്യമായി കാണുമ്പോള്‍ ഞാനെടുത്തു വച്ച മയില്‍പ്പീലിയുടെ കഥ വരെ ഈ കിറുക്കന്‍ കാറ്റിന്, കാണാപാഠം. ഇന്നു ഒരിക്കല്‍കൂടി പുസ്തകത്താളുകള്‍ക്കിടയില്‍ കുരുങ്ങിക്കിടന്ന എന്റെ ഓര്‍മ്മകളെ താലോലിച്ചു. നിറം പോലും മങ്ങാതെ, കാലം അരിയ്ക്കാതെ, നിറങ്ങള്‍ വിടര്‍ത്തി എന്റെ മുന്നില്‍ ഒരു മയില്‍ ആടുന്നു. അതിന്റെ പീലികളില്‍ എനിക്ക് നിന്നെ കാണാം. മഴപെയ്യാനുള്ള വട്ടം കൂട്ടലുണ്ട് പ്രകൃതിയ്ക്ക്. നമ്മുടെ പ്രണയവും പെയ്തു തോരുമോ…
മഴയ്ക്ക് എന്നെ അലിയിക്കാനാകില്ല, നിന്നിലേയ്ക്ക് ഉരുക്കി തീര്‍ക്കാനല്ലാതെ..
യാത്ര തുടരുന്നു.. (പ്രണയം)- ശ്രീ പാര്‍വ്വതി
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക