പമ്പായും അതിന്റെ മണൽത്തരികളും  പുണ്യമെന്നു കവികൾ  ഒരിക്കല്‍ പാടിപ്പുകഴ്‍ത്തിയ പമ്പയെ ഇന്നു അങ്ങനെ പറയാനാകില്ല. ഓരോ മണ്ഠലകാലവും മാരാമൺ കൺവെൻഷനും  പുണ്യം ചോരുന്ന പമ്പയെ  കൂടുതല്‍ മലിനമാകുന്നു. മകരവിളക്ക് കാലത്ത് നൂറ് മില്ലിലിറ്റര്‍ ജലത്തില്‍ മൂന്ന് ലക്ഷത്തിലധികം കോളിഫോം ബാക്ടീരിയ ആണ് കണ്ടെത്തയത്. മനുഷ്യവിസര്‍ജ്ജ്യങ്ങളില്‍ നിന്നാണ് കോളിഫോംബാക്ടീരിയ ഉണ്ടാകുന്നത്. പമ്പയെ മലീമസമാക്കുന്നതില്‍ പ്രധാനവും മനുഷ്യവിസര്‍ജ്ജ്യം തന്നെ. മില്ലിലിറ്റര്‍ ജലത്തില്‍ ഒരു കോളിഫോം ബാക്ടീരിയ തന്നെ അപകടകരമാണെന്നിരിക്കെ ഉയര്‍ന്നു വരുന്ന ഈ തോത് പമ്പയും വിഷലിപ്‍തമാണ് എന്ന ആശങ്കയാണ് പങ്കുവെയ്‌ക്കുന്നതും.  ആത്മീയതയുടെ ഭാഗമാണ് ശുചിത്വ ബോധം ഉണ്ടാക്കിയെടുക്കുക എന്നത്.  അതിനു മത നേതാക്കൾ മുൻ കയ്യെടുക്കണം അല്ലെങ്കിൽ അനേകം സാധാരണക്കാർ രോഗബാധിതരായി തീരും. അത് അയ്യപ്പനും യേശുവിനും ഇഷ്ടപ്പെടുമെന്നു തോന്നുന്നില്ല .