ലഹരിമരുന്ന് നിറച്ച കാപ്സ്യൂള് വിഴുങ്ങി ഒമാനിലേക്ക് കടന്ന ഏഷ്യക്കാരന് അറസ്റ്റില്
Published on 22 February, 2012
മസ്കറ്റ്: മയക്കുമരുന്ന് നിറച്ച 134 കാപ്സ്യൂളുകള് വിഴുങ്ങി ഒമാനിലേക്ക്
കടത്താന് ശ്രമിച്ച ഏഷ്യക്കാരനെ മസ്കത്ത് അന്താരാഷ്ട്ര വിമാനത്താവളത്തില്
അറസ്റ്റ് ചെയ്തു. വന്തോതില് ലഹരിമരുന്നുമായി ചിലര് ഒമാനിലേക്ക് കടക്കാന്
ശ്രമിക്കുന്നുവെന്ന രഹസ്യവിവരത്തിന്റെ അടിസ്ഥാനത്തില് രാജ്യത്തെ ഡ്രഗ്
കണ്ട്രോള് എന്ഫോഴ്സ്മെന്റ് അഡ്മിനിസ്ട്രേഷനും എയര്പോര്ട്ടിലെ ഡ്രഗ്
കണ്ട്രോള് വകുപ്പും സൂക്ഷ്മനിരീക്ഷണത്തിലായിരുന്നു.
സംശയം തോന്നി
പിടികൂടിയ ഏഷ്യന് രാജ്യത്ത് നിന്നുള്ള യുവാവിനെ ആശുപത്രിയിലെത്തിച്ച്
ആമാശയത്തിന്റെ എക്സ്റേ എടുക്കുകയായിരുന്നു. എക്സ്റേയില് ഇയാള് വിഴുങ്ങിയ
കാപ്സ്യൂളുകളത്രയും വ്യക്തമായി കാണാമായിരുന്നു. ഹെറോയിന് നിറച്ച 134
കാപ്സ്യൂളുകള് ഇയാളുടെ വയറ്റില് നിന്ന് പുറത്തെടുത്തതായി റോയല് ഒമാന് പൊലീസ്
അറിയിച്ചു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല