അഹമ്മദാബാദ്: ഗുജറാത്തിലെ ജുനാഗഥില് ക്ഷേത്രത്തിലുണ്ടായ തിക്കിലും തിരക്കിലും പെട്ട് ആറുപേര് മരിച്ചു. ഭാവ്നാഥ് ശിവക്ഷേത്രത്തിലാണ് ദുരന്തമുണ്ടായത്. ഗിര്നാര് മലയുടെ അടിവാരത്തുള്ള പ്രധാന ശിവക്ഷേത്രമാണിത്. മരിച്ചവരില് മൂന്ന് പേര് സ്ത്രീകളാണ്. ശിവരാത്രി ആഘോഷവുമായി ബന്ധപ്പെട്ട ചടങ്ങിനിടെയാണ് സംഭവം. ഇരുപതോളം പേര്ക്ക് പരിക്കേല്ക്കുകയും ചെയ്തിട്ടുണ്ട്.