ന്യൂജഴ്സി: സിനിമാ രംഗത്തെ അതുല്യ പ്രതിഭയും മലയാളികളുടെ പ്രിയങ്കരനും അമേരിക്കന്
ഐക്യനാടുകളില് സുപരിചിതനുമായ സുപ്രസിദ്ധ താരം ദിലീപിന്റെ നേതൃത്വത്തില്
ഇരുപതില്പരം കലാകാരന്മാര് ഒന്നിച്ചണിനിരന്നുകൊണ്ട് ഒരുക്കുന്ന ‘ദിലീപ് ഷോ 2017’
അമേരിക്കയിലേയും കാനഡയിലേയും വിവിധ സ്റ്റേജുകളില്
അരങ്ങേറുന്നു.
അമേരിക്കന് മലങ്കര അതിഭദ്രാസനത്തിന്റെ വിവിധ വികസന
പ്രവര്ത്തനങ്ങളായുളള ധനശേഖരണാര്ത്ഥം, 2017 മെയ് 29 (ശനി), ന്യൂജഴ്സിയിലെ
ഫെലീഷ്യന് കോളേജ് ഓഡിറ്റോറിയത്തില് നടക്കുന്ന ‘ദിലീപ് ഷോ 2017’ ന്റെ കിക്ക് ഓഫ്
മലങ്കര ഭദ്രാസന ആസ്ഥാനത്ത് ഇടവക മെത്രാപ്പൊലീത്താ യല്ദൊ മോര് തീത്തോസ്
മെത്രാപ്പൊലീത്താ തിരുമനസു ഫൊക്കാന എക്സിക്യൂട്ടീവ് കൗണ്സില് മെംബറും
എക്സിക്യൂട്ടീവ് വൈസ് പ്രസിഡന്റും കൂടിയായ ജോയി ഇട്ടന് പ്രഥമ ടിക്കറ്റ് നല്കി
കൊണ്ട് നിര്വഹിച്ച ചടങ്ങില് ഹാസ്യ സാമ്രാട്ടും മലയാള ടിവി ചാനലുകളിലെ
നിറസാന്നിധ്യവുമായ രമേശ് പിഷാരടി മുഖ്യാതിഥിയായിരുന്നു.
ഭദ്രാസന സെക്രട്ടറി
റവ. ഫാ. ഗീവര്ഗീസ് ജേക്കബ്, റവ. ഫാ. വര്ഗീസ് പോള്, റവ. ഫാ. ആകാശ് പോള്, റവ. ഫാ.
ജെറി ജേക്കബ്, ചാണ്ടി തോമസ്(ഭദ്രാസന ട്രഷറര്), സിമി ജോസഫ്(ഭദ്രാസന ജോയിന്റ്
ട്രഷറര്) ജോജി കാവനാല് (ജനറല് കണ്വീനര്, ദിലീപ് ഷോ), സുനില്
മഞ്ഞിനിക്കര(മലങ്കര ടിവി) എന്നിവര്ക്ക് പുറമേ ഭദ്രാസന കൗണ്സില് അംഗങ്ങളും
ചടങ്ങില് പങ്കെടുത്തു.
ഭദ്രാസനത്തിന്റെ പുരോഗമന പദ്ധതികള്ക്കും മറ്റു ജന
ക്ഷേമ പ്രവര്ത്തന പരിപാടികള്ക്കുമായുളള ധനശേഖരണാര്ത്ഥം നടത്തപ്പെടുന്ന ഈ
സ്റ്റേജ് ഷോയുടെ വിജയത്തിനായി ഏവരുടേയും ആത്മാര്ത്ഥമായ സഹകരണമുണ്ടാകണമെന്ന്
അഭിവന്ദ്യ മെത്രാപ്പൊലീത്താ ഓര്മ്മിപ്പിച്ചു.
പ്രമുഖ സിനിമാ താരങ്ങളായ
ദിലീപ്, കാവ്യ മാധവന്, നമിദ പ്രമോദ്, നാദിര്ഷാ തുടങ്ങിയവരോടൊപ്പം, ഹാസ്യ
സാമ്രാട്ടായ, രമേശ് പിഷാരടി, ധര്മ്മജന് എന്നിങ്ങനെയുളളവരും ഒരുമിച്ച്
അണിനിരക്കുന്ന ‘ദിലീപ് ഷോ 2017’ അടുത്ത വര്ഷത്തെ ഏറ്റവും മികച്ച സ്റ്റേജ്
പ്രോഗ്രാമായിരിക്കുമെന്നും കിക്ക് ഓഫിസിനോടനുബന്ധിച്ച് തന്നെ പൊതുജനങ്ങളില്
നിന്നും ലഭിച്ചുകൊണ്ടിരിക്കുന്ന അനുകൂല പ്രതികരണം ഏറെ സന്തോഷ ജനകമാണെന്നും ജനറല്
കണ്വീനര് ജോജി കാവനാലും ജോയിന്റ് കണ്വീനര് സിമി ജോസഫും അറിയിച്ചു. അമേരിക്കന്
മലങ്കര അതിഭദ്രാസന പിആര്ഒ കറുത്തേടത്ത് ജോര്ജ് അറിയിച്ചതാണിത്.