Image

കാരുണ്യത്തിന്റെ നിറകുടമായി മാര്‍ത്തമറിയം സമാജം

രാജു പള്ളത്ത്‌ Published on 20 August, 2016
കാരുണ്യത്തിന്റെ നിറകുടമായി മാര്‍ത്തമറിയം സമാജം
ന്യൂജേഴ്‌സി: നോര്‍ത്ത്­ഈസ്റ്റ് അമേരിക്കന്‍ ഭദ്രാസനത്തിന്റെ, ന്യൂജേഴ്‌സി­സ്റ്റാറ്റന്‍ ഐലന്റ് ഏരിയായുടെ കീഴിലുള്ള മാര്‍ത്ത മറിയം സമാജത്തിന്റെ പ്രവര്‍ത്തകരാണ് യേശു ദേവന്റെ, നിന്നേ പോലെ നിന്റെ അയല്‍ക്കാരനേയും സ്‌നേഹിക്കുക എന്ന വാക്കുകള്‍ അന്വര്‍ത്ഥമാക്കി മാതൃകയായത്. ആഗസ്റ്റ് 13 ­ ആം തീയതി ഹില്‍ സൈഡിലുള്ള കമ്മ്യൂണിറ്റി ഫുഡ് ബാങ്കില്‍ നോര്‍ത്ത് ഈസ്റ്റ് അമേരിക്കന്‍ ഭദ്രാസത്തിന്റെ കീഴിലുള്ള വിവിധ ദേവാലയങ്ങളില്‍ നിന്നും 60­ ഓളം മാര്‍ത്ത മറിയം സമാജം പ്രവര്‍ത്തകര്‍ പാക്കറ്റ് ഭക്ഷണ സാധനങ്ങള്‍ നല്‍കി മാതൃകയായി.

സമൂഹത്തിലെ താഴേക്കിടയിലുള്ളവര്‍ക്ക് ഭക്ഷണ സാധനങ്ങള്‍ എത്തിക്കുന്നതിന് വേണ്ടി പൊതുജനങ്ങള്‍ നല്‍കുന്ന ഭക്ഷണ സാധങ്ങള്‍ അവശ്യാനുസരണം നല്‍കുന്ന സംഘടനയാണ് ഫുഡ് ബാങ്ക്. കഴിഞ്ഞ നാലു വര്‍ഷങ്ങളായി ഭദ്രാസന അധിപതി സഖറിയാസ് മാര്‍ നിക്കോളവോസ് മെത്രാപ്പോലീത്തയുടെ നേതൃത്വത്തില്‍ മാര്‍ത്ത മറിയം സമാജം ഫുഡ് ബാങ്കില്‍ ഭക്ഷണ സാധനങ്ങള്‍ നല്‍കി വരുന്നു. ചാരിറ്റി പ്രവര്‍ത്തനങ്ങള്‍ക്ക് നേതൃത്വം നല്‍കുന്നത് കോ­ഓര്‍ഡിനേറ്റര്‍ ഡോ: അമ്മുക്കുട്ടി പൗലോസ്, ജനറല്‍ സെക്രട്ടറി ശാന്ത വര്‍ഗ്ഗീസ്, വൈസ് പ്രസിഡന്റ് ഫാ. റ്റി. എ. തോമസ്, ഏരിയാ കോ­ഓര്‍ഡിനേറ്റര്‍ സോഫി വില്‍സണ്‍, ഏരിയാ റെപ്രസന്റേറ്റീവ് അനി നൈനാന്‍ എന്നിവരാണ്.

ഈ വര്‍ഷം ഫാ. സണ്ണി ജോസഫ്, ശോഭാ ജോക്കബ്, ബിനി ജോസഫ് എന്നിവരുടെ നേതൃത്വത്തില്‍ സെന്റ് മേരീസ് ഓര്‍ത്തഡോക്‌സ് ചര്‍ച്ച് ലിന്‍ഡനില്‍ നിന്നും, സുജ ജോസ്, ഷൈനി രാജു എന്നിവരുടെ നേതൃത്യത്തില്‍ സെന്റ് ജോര്‍ജ് ഓര്‍ത്തഡോക്‌സ് ചര്‍ച്ചില്‍ നിന്നും, ജയ ദാസിന്റെ നേതൃത്വത്തില്‍ സെന്റ് സ്റ്റീഫന്‍സ് ഓര്‍ത്തഡോക്‌സ് ചര്‍ച്ചില്‍ നിന്നും, സെന്റ് ഗ്രിഗോറിയോസ് ചര്‍ച്ചില്‍ നിന്നും കൊച്ചമ്മ ജോര്‍ജും കമ്മ്യൂണിറ്റി ഫുഡ് ബാങ്ക് പരിപാടിയില്‍ പങ്കെടുത്തു. ഭക്ഷണ സാധനങ്ങള്‍ പായ്ക്ക് ചെയ്യുന്നതിലും സമാജം പ്രവര്‍ത്തകര്‍ പങ്കെടുത്തിരുന്നു.
Join WhatsApp News
Vayanakkaran 2016-08-20 20:55:31
നാല് പാവപ്പെട്ടവർക്കു ഭക്ഷണം കൊടുത്തിട്ടു ഇത്രയും വലിയ വാർത്ത പത്രത്തിൽ കൊടുക്കുന്നതാണോ ക്രിസ്തീയ ധർമം? കോഴി മുട്ട ഇട്ടാൽ നാടു മുഴുവൻ കൂവി അറിയിക്കും എന്നാൽ ആന പ്രസവിച്ചാൽ ആരും അറിയാറില്ല. നിങ്ങൾ ചെയ്യുന്ന നല്ല പ്രവർത്തുകൾക്കു ദൈവം പ്രതിഫലം തരും. ഇങ്ങനെ ചീപ്പ് പബ്ലിസിറ്റി നിങ്ങൾക്കു വേണോ?
ബൈബിൾ 2016-08-22 11:11:13
Haven't you read Bible?

മത്തായി 6:3 വലംകൈ ചെയ്യുന്നതു എന്തു എന്നു ഇടംകൈ അറിയരുതു. രഹസ്യത്തിൽ കാണുന്ന നിന്റെ പിതാവു  നിനക്കു പ്രതിഫലം തരും.
Donald 2016-08-22 11:37:37
"മത്തായി 6:3 വലംകൈ ചെയ്യുന്നതു എന്തു എന്നു ഇടംകൈ അറിയരുതു. രഹസ്യത്തിൽ കാണുന്ന നിന്റെ പിതാവു  നിനക്കു പ്രതിഫലം തരും"  I like Mathai.  He is just like me; tells everything straight forward. When I filed six bankruptcy my right hand did not know what left hand did. You have to be very secretive when you deal with money.  God bless you to fulfill your American dream.
യഥാർത്ഥ മത്തായി 2016-08-23 06:14:03
നിങ്ങളൊക്കെ ബൈബിൾ വായിച്ചു എന്നാ നന്നാവുക അമേരിക്കൻ ക്രിസ്ത്യാനികളെ? ഇതേ പോലത്തെ വസ്ത്രധാരികളെ S.N.D.P. ജാഥയിലും കണ്ടിരുന്നു.
Anthappan 2016-08-22 19:28:53
Mathai was a tax collector and finally he released his tax returns to Jesus. But Trump is still refusing to do it.  The only difference between Trump and Mathai are that Mathai was a crook and Trump is a crook.  
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക