അമല പോളിനെതിരെ തമിഴ് സിനിമാ ലോകം
Published on 10 August, 2016
അമല പോളും എ എല്‍ വിജയ്‌യും പരസ്പര സമ്മതത്തോടെ വേര്‍ പിരിയുകയാണ്. കഴിഞ്ഞ ദിവസം ചെന്നൈ കുടുംബ കോടതിയില്‍ വിവാഹമോചന ഹര്‍ജി സമര്‍പ്പിച്ചു. ഇതില്‍ജീ വനാംശം വേണമെന്ന് അമല ആവശ്യപ്പെട്ടിട്ടില്ല. ഇതിനോട് തമിഴ് സിനിമാ ലോകം തീര്‍ത്തും വിമര്‍ശനാത്മകമായാണ് പ്രതികരിക്കുന്നത്. അമലയുടെ ആവശ്യമാണ് വിവാഹമോചനമെന്നതും എത്രയും പെട്ടന്ന് തന്നെ വിജയ്‌യുമായുള്ള ബന്ധം വേര്‍പെടുത്തി സിനിമയില്‍ സജീവമാകുകയാണ് അമലയുടെ ആവശ്യമെന്നും ഉള്ള നിലക്കാണ് ആരോപണങ്ങള്‍ ഉയരുന്നത്.
എന്നാല്‍ ജീവനാംശത്തിന് പുറകെ പോയി ഈ വിഷയത്തില്‍ കൂടുതല്‍ പ്രശ്‌നങ്ങളില്‍ ഏര്‍പെടാന്‍ അമലയ്ക്ക് താല്‍പര്യമില്ലെന്നാണ് അടുത്ത വൃത്തങ്ങള്‍ പറയുന്നത്. സിനിമാലോകത്തുള്ള സുഹൃത്തുക്കള്‍ തന്നെ ഇവര്‍ക്കിടയില്‍ മധ്യസ്ഥം വഹിക്കാന്‍ ശ്രമിച്ചെങ്കിലും അമല താത്പര്യം പ്രകടിപ്പിച്ചില്ലെന്നാണ് റിപ്പോര്‍ട്ടുകള്‍. വിഷയം സംബന്ധിച്ച് വിജയ് പത്രക്കുറിപ്പ് ഇറക്കിയപ്പോഴും അമല പ്രതികരിക്കാതെ മാറി നിന്നു.
2015 മാര്‍ച്ച് മുതല്‍ ഇരുവരും അകന്ന് കഴിയുകയാണെന്നാണ് ഹര്‍ജിയില്‍ പറഞ്ഞിരുന്നതെങ്കിലും കഴിഞ്ഞ വര്‍ഷം അവസാനത്തോടെ മാത്രമാണ് ഇരുവര്‍ക്കുമിടയില്‍ പ്രശ്‌നങ്ങള്‍ ഉടലെടുത്ത് തുടങ്ങിയതെന്നാണ് സൂചനകള്‍. ഇരു കൂട്ടരും നഷ്ടപരിഹാരം ആവശ്യപ്പെട്ടിട്ടില്ല. എങ്കിലും അമല സിനിമാഭിനയം നിര്‍ത്തി കുടുംബിനിയായാല്‍ സ്വീകരിയ്ക്കാന്‍ തയ്യാറാണെന്നാണ് വിജയുടെ കുടുംബാംഗങ്ങള്‍ പറയുന്നത്. വിജയ്‌യുടെ വീട്ടുകാര്‍ തന്നെ മാനസികമായി പീഡിപ്പിച്ചെന്നും സിനിമാ മോഹത്തിന് എതിരാണെന്നും അമലയുടെ അടുത്ത വൃത്തങ്ങള്‍ അറിയിച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala