തമിഴിലെ തിരക്കേറിയ നടിമാരിലൊരാളാണിപ്പോള് കീര്ത്തി സുരേഷ്. ബാല താരമായി മലയാള സിനിമയില് എത്തിയ കീര്ത്തി സുരേഷ് ഗീതാഞ്ജലി, റിങ് മാസ്റ്റര് എന്നീ മലയാള സിനിമകള്ക്ക് ശേഷമാണ് തമിഴിലേക്ക് പോയത്. ഇത് എന്ന മായം ആയിരുന്നു ആദ്യ തമിഴ് ചിത്രം. അതിനിടയില് ഒരു തെലുങ്ക് ചിത്രത്തിലും അഭിനയിച്ചിട്ടുണ്ട്. എങ്കിലും തമിഴില് സജീവമാകാനാണ് നടിയുടെ തീരുമാനം. വിജയ് യുടെ 60ാം ചിത്രം ഉള്പ്പടെ കീര്ത്തി നായികായി എത്തുന്ന നാല് ചിത്രങ്ങളാണ് ഇപ്പോള് പുറത്തിറങ്ങാനിരിക്കുന്നത്.
അന്യഭാഷയിലാണ് നടിക്ക് തിളക്ക കൂടുതലെങ്കിലും തനിക്ക് കംഫര്ട്ടബിളാണെന്ന് തോന്നുന്ന വേഷങ്ങള് മാത്രമെ കീര്ത്തി തിരഞ്ഞെടുത്തിട്ടുള്ളു. അന്യഭാഷയിലേക്ക് ഓഫര് വന്നപ്പോള് അമ്മ മേനക സുരേഷ് പറഞ്ഞതും അതായിരുന്നു. ഗ്ലാമര് വേഷങ്ങള് ആകാം, പക്ഷേ വള്ഗറാകരുത്.