അജിത്ത് ചിത്രം കിട്ടി, വിക്രമിന്റെ ഗരുഡ കാജല്‍ അഗര്‍വാള്‍ ഉപേക്ഷിച്ചു!
Published on 03 August, 2016
ഏറെ പ്രതീക്ഷയോടെ എത്തുന്ന വിക്രമിന്റെ അടുത്ത ചിത്രമാണ് ഗരുഡ. നാന്‍ സിഗപ്പു മനിതന്‍, സമര്‍ എന്നീ ചിത്രങ്ങളിലൂടെ ശ്രദ്ധേയനായ തിരു സംവിധാനം ചെയ്യുന്ന ചിത്രം തമിഴ് സിനിമയില്‍ ഒരു പുതിയ അധ്യായം എഴുതും എന്നാണ് കേട്ടത്.
കാജല്‍ അഗര്‍വാളിനെയായിരുന്നു ചിത്രത്തിലെ നായികയായി ആദ്യം പരിഗണിച്ചിരുന്നത്. എന്നാല്‍ ചിത്രത്തിന്റെ ഷൂട്ടിങ് വൈകിയതു കാരണം കാജല്‍ ചിത്രത്തില്‍ നിന്നും പിന്മാറി എന്നാണ് പുതിയ വാര്‍ത്ത.
ജൂണില്‍ ഗരുഡയുടെ ചിത്രീകരണം ആരംഭിക്കാനായിരുന്നു നേരത്തെ പദ്ധതിയിട്ടത്. എന്നാല്‍ ചില സാങ്കേതികത പ്രശ്‌നങ്ങളാല്‍ അത് നടന്നില്ല. അതിനിടയില്‍ കാജല്‍ അജിത്തിന്റെ 57 ആമത് ചിത്രത്തില്‍ കരാറൊപ്പിട്ടിരുന്നു. ഡേറ്റ് ക്ലാഷ് വന്നതോടെ നടി ഗരുഡ ഉപേക്ഷിച്ചു എന്നാണ് വിവരം.
വിക്രമിന് വേണ്ടി പുതിയ നായികയെ തിരയുകയാണ് ഗരുഡ ടീം. തൃഷയെ നായികയായി പരിഗണിച്ചതായി വാര്‍ത്തകളുണ്ട്. നവാഗതനായ സി ഗിരിനന്ദാണ് ചിത്രത്തിന്റെ സംഗീത സംവിധായകന്‍.
ഒമാന്‍ ആണത്രെ ഗരഡുയുടെ പ്രധാന ലൊക്കേഷന്‍. ഇത് കൂടാതെ ലഡാക്ക്, ദില്ലി, അഹമ്മദാബാദ്, ലഖ്‌നൗ, പൊള്ളാച്ചി, കോയമ്പത്തൂര്‍ തുടങ്ങിയ ഇടങ്ങളിലായി ചിത്രം പൂര്‍ത്തീകരിക്കും.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala