ഗൊണ്ടാനമൊ - ജയന്‍ കെ.സി
ജയന്‍ കെ.സി Published on 07 February, 2012
ഇവിടെ സമയം
ഇഴയുന്ന ഒച്ചല്ല
മിന്നിപ്പായുന്ന
തേന്‍ കുരുവിയല്ല
ഇലപ്പച്ചകള്‍ക്കിടയില്‍
കുടുര്‍ന്നുജ്വലിക്കുന്ന
പൂവിന്റെ രക്തമല്ല
അടിവയറ്റില്‍ കുടുങ്ങിയുണരുന്ന
ആധിയാണ്
കണ്ണില്‍ നിന്നു
വാര്‍ന്നു പോകുന്ന
കാഴ്ച്ചയാണ്
അത് സൂചികള്‍ക്കും
സൂചകങ്ങള്‍ക്കും
പിടികൊടുക്കാതെ
വെയിലിന്റെ നിലവിളികളിലേക്ക്
ഊര്‍ന്നുപോകുന്നു
ഓര്‍മ്മയുടെ ചതുപ്പ്
ആഴ്ന്നാഴ്ന്നു പോകുന്ന ദൃശ്യങ്ങള്‍
അവയുടെ മണല്‍ സ്വരങ്ങള്‍
ഇഷ്ടികക്കെട്ടില്‍
നിന്നൊലിച്ചിറങ്ങുന്ന
സൂര്യന്‍
വിരലുകളില്‍
നിന്നിളകിയിറങ്ങുന്ന
നഖങ്ങള്‍
ഒരു ശലഭത്തിന്റെ ആയൂരാരോഗ്യ
പ്രതീക്ഷകള്‍
പൊഴിഞ്ഞിഴയുന്ന
ജീവന്റെ പോളകള്‍
മരണം ചുരത്തുന്ന
ഇലട്രിക് മുള്‍വേലിയില്‍
നിന്നുരുകുന്ന പക്ഷികള്‍
പഴുത്ത മോണയില്‍
പല്ലിരുന്ന കുഴികള്‍
രക്തയോട്ടം നിലച്ച്
അഴുകിത്തുടങ്ങിയ ലിംഗം
വരഞ്ഞു വിണ്ട ചുണ്ടുകള്‍
കറക്കെട്ടിക്കനച്ച നാക്ക്
ഇവിടെ സമയം
ഇഴയുന്ന ഒച്ചല്ല
പുറത്ത്
ലോഹമതിലുകളില്‍
തീ പടരുന്നു
പക്ഷികളുടെ 'ബാര്‍ബിക്യൂ'.
ഇഴയുന്ന ഒച്ചല്ല
മിന്നിപ്പായുന്ന
തേന്‍ കുരുവിയല്ല
ഇലപ്പച്ചകള്‍ക്കിടയില്‍
കുടുര്‍ന്നുജ്വലിക്കുന്ന
പൂവിന്റെ രക്തമല്ല
അടിവയറ്റില്‍ കുടുങ്ങിയുണരുന്ന
ആധിയാണ്
കണ്ണില്‍ നിന്നു
വാര്‍ന്നു പോകുന്ന
കാഴ്ച്ചയാണ്
അത് സൂചികള്‍ക്കും
സൂചകങ്ങള്‍ക്കും
പിടികൊടുക്കാതെ
വെയിലിന്റെ നിലവിളികളിലേക്ക്
ഊര്‍ന്നുപോകുന്നു
ഓര്‍മ്മയുടെ ചതുപ്പ്
ആഴ്ന്നാഴ്ന്നു പോകുന്ന ദൃശ്യങ്ങള്‍
അവയുടെ മണല്‍ സ്വരങ്ങള്‍
ഇഷ്ടികക്കെട്ടില്‍
നിന്നൊലിച്ചിറങ്ങുന്ന
സൂര്യന്‍
വിരലുകളില്‍
നിന്നിളകിയിറങ്ങുന്ന
നഖങ്ങള്‍
ഒരു ശലഭത്തിന്റെ ആയൂരാരോഗ്യ
പ്രതീക്ഷകള്‍
പൊഴിഞ്ഞിഴയുന്ന
ജീവന്റെ പോളകള്‍
മരണം ചുരത്തുന്ന
ഇലട്രിക് മുള്‍വേലിയില്‍
നിന്നുരുകുന്ന പക്ഷികള്‍
പഴുത്ത മോണയില്‍
പല്ലിരുന്ന കുഴികള്‍
രക്തയോട്ടം നിലച്ച്
അഴുകിത്തുടങ്ങിയ ലിംഗം
വരഞ്ഞു വിണ്ട ചുണ്ടുകള്‍
കറക്കെട്ടിക്കനച്ച നാക്ക്
ഇവിടെ സമയം
ഇഴയുന്ന ഒച്ചല്ല
പുറത്ത്
ലോഹമതിലുകളില്‍
തീ പടരുന്നു
പക്ഷികളുടെ 'ബാര്‍ബിക്യൂ'.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala