പഠിച്ചത് അക്കൗണ്ടന്സി.
പക്ഷെ ചെറുപ്പം മുതല് കുക്കിംഗിനോടുള്ള അഭിനിവേശത്തില് ജാപ്പനീസ്
ഷെഫിന്റെ വേഷിമിട്ടു. ഇപ്പോള് ജൈവ ക്രുഷിയില് ഒരു കൈ നോട്ടം- ജോസഫ്
കൂവള്ളൂരിന്റെ കാര്ഷികവ്രുത്തിയും യുവതലമുറയുടെ വ്യത്യസ്ഥ ചിന്താഗതികളുടെ
സുചന നല്കുന്നു.
ജസ്റ്റിസ്
ഫോര് ഓള് ചെയര് തോമസ് കൂവള്ളൂരിന്റെ പുത്രനായ ജോസഫ് കൂവള്ളൂര്
മുഴുവന് സമയവും അപ്സ്റ്റേറ്റ് ന്യൂയോര്ക്കിലെ കൃഷിത്തോട്ടത്തില്
കൃഷിപരിചരണത്തിലാണ്. പച്ചക്കറികള് നട്ടുപരിപാലിച്ചും വിത്തുകള് ചെടിയായി
മാറുന്നതും കോഴിമുട്ടകള് കുഞ്ഞുങ്ങളായി വിരിയുന്നതുംകണ്ടറിഞ്ഞും
തോട്ടവിളവുകള് ഭക്ഷണമേശയിലേക്കെത്തുന്നത് നോക്കിയിരുന്നും അദ്ദേഹത്തിന്റെ
ദിനങ്ങള് തിരക്കിലാണ്.
പച്ചക്കറികളും
കോഴിക്കുഞ്ഞുങ്ങളുമൊക്കെ ഫാമുകളില് നിന്നെത്തി ഭക്ഷണമേശയിലെ സ്വാദേറിയ
വിഭവങ്ങളായി വിളമ്പപ്പെടുന്നത് ഷെഫായിരിക്കെ കൂവള്ളൂരില് കൗതുകം
നിറച്ചിരുന്നു. ജാപ്പനീസ് റസ്റ്ററന്റില് നിന്നുള്ള സുഹൃത്തുക്കളുടെ
സഹായത്തോടെ ജപ്പാനിലെ കൃഷിത്തോട്ടത്തില് വളന്റിയറായിപ്രവര്ത്തിച്ച
പരിചയവുമായി ന്യൂയോര്ക്ക് ഗെന്റിലെ ലിബര്ട്ടി ഫാമില് അപ്രന്റീസായി ജോലി
ചെയ്യുകയാണിപ്പോള് ജോസഫ് കൂവള്ളൂര്.
ഞായറാഴ്ചകളില്
പച്ചക്കറികളും കോഴികളുമൊക്കെ സ്റ്റുയ്ഡന്റ് ടൗണിലെ ഗ്രീന്
മാര്ക്കറ്റില് ജോസഫ് കൂവള്ളൂരിന്റെ പക്കല് നിന്നു വാങ്ങാം.ഫാമില്
ഓര്ഗാനിക് കൃഷിരീതി പിന്തുടരുന്നതിനാല് വാങ്ങാന് നല്ല തിരക്ക്.
കീടനാശിനികള്ക്ക് പകരം പ്രകൃതിവസ്തുക്കളാണ് വിളകളില് പ്രയോഗിക്കുന്നത്.
ഇക്കോ സിസ്റ്റങ്ങള് പ്രവര്ത്തിക്കുന്ന രീതിയില് ഓരോ വിളവും മൃഗങ്ങളും
മണ്ണും മറ്റ് വസ്തുക്കളും ഇവിടെ പരസ്പരം ബന്ധപ്പെട്ട് ജീവിക്കുന്നു.
ലിബര്ട്ടി ഫാമിലെ തന്റെ ദിനങ്ങള് തിരക്ക് പിടിച്ചതാണന്ന് പറയുന്ന കൂവള്ളൂര്, ഫാമിലെ മൃഗങ്ങളുമായും നല്ല ബന്ധത്തിലാണ്.
പക്ഷെ ക്രുഷി ഒരു സ്ഥിരം ജോലി ആക്കണൊ എന്നതിനെപറ്റി ആലോചിച്ചിട്ടില്ലെന്നു ജോസഫ് പറയുന്നു.
യോഗാ അധ്യാപകന്, കളരി മര്മ്മ ചികിത്സാ വിദഗ്ദന് എന്നീ നിലകളിലും ജോസഫ് ശ്രദ്ധേയനാണ് ജസ്റ്റീസ് ഫോര് ഓള് ചെയര് തോമസ് കൂവള്ളൂരിന്റെയും സിസിലിയുടെയും പുത്രനാണു ജോസഫ്.