എക്‌സിറ്റാണ് ഭായി, ഇപ്പോള്‍ താരം! (പകല്‍ക്കിനാവ്-9: ജോര്‍ജ് തുമ്പയില്‍)
Published on 04 July, 2016
ബ്രാ, ബ്രാ, ബ്രി, ബ്രീ... ഹാസ്യസാഹിത്യകാരന്‍ വേളൂര്‍
കൃഷ്ണന്‍കുട്ടിയുടെ ഒരു പുസ്തകത്തിന്റെ പേരാണ് മേല്‍
സൂചിപ്പിച്ചത്. ഇത് ഇപ്പോള്‍ അതീവ പ്രസക്തമായിരിക്കുന്നു. കാരണം,
ഏതാണ്ട് ഇതേ പേരില്‍ തുടങ്ങുന്ന ഒരു പേരാണ് ഇപ്പോള്‍ ലോകത്തെ ആകെ
ഞെട്ടിക്കുകയും ഭീതിപ്പെടുത്തുകയുമൊക്കെ ചെയ്യുന്നത്. സംഭവം
എല്ലാവര്‍ക്കും അറിയാമല്ലോ. എങ്കിലും സംഭവത്തെക്കുറിച്ച് വലിയ ധാരണ
ഇല്ലാത്തവര്‍ക്കായി സംഗതി ഒന്നു പറയുകയാണ്.
ബ്രിട്ടന്‍ യൂറോപ്യന്‍ യൂണിയനില്‍ നിന്നും പുറത്തു പോകണമോ എന്നതു സംബന്ധച്ച് നടത്തിയ ഹിതപരിശോധനയായിരുന്നു ബ്രെക്‌സിറ്റ്. ബ്രിട്ടനും എക്‌സിറ്റും കൂടി ചേര്‍ന്നു നല്ലൊരു പദം ഇംഗ്ലീഷ് ഭാഷയ്ക്ക് കിട്ടി ബ്രെക്‌സിറ്റ്. വേളൂരിന്റെ ഭാഷയില്‍ ബ്രാ, ബ്രാ, ബ്രി, ബ്രീ-യില്‍ തുടങ്ങിയ വേറൊരു പദം കൂടി. അതും അത്യന്തികം അത്യാധുനികമായത്. എന്നാല്‍ സംഗതി അതല്ല. ലോകമാകെ വിസ്മയിപ്പിക്കപ്പെടുന്ന നിലയില്‍ സംഗതി ഇപ്പോള്‍ ഒരു കൊച്ചു കൊടുങ്കാറ്റായി വളരുകയാണ്. എല്ലാവരും ബ്രാ, ബ്രാ, ബ്രി, ബ്രീ മാറ്റി ഇതിനോടു ഓരോ പദങ്ങള്‍ ചേര്‍ത്തു വച്ച് എക്‌സിറ്റ് അടിക്കുന്നതു കാണുമ്പോള്‍ തലയില്‍ കൈവച്ച് ഇരിക്കാനേ തോന്നുന്നുള്ളു.
കോപ്പ അമേരിക്ക ഫുട്‌ബോളില്‍ അര്‍ജന്റീന തോറ്റപ്പോള്‍ അത് അര്‍ക്‌സിറ്റ് ആയി. അതിനു കാരണക്കാരന്‍ ക്യാപ്റ്റന്‍ മെസിയാണെന്നു ധരിച്ച് അത് മെക്‌സിറ്റ് ആയതു ലോകം കണ്ടു. ഇപ്പോള്‍ അതിനോടു പലരും പലതും ചേര്‍ത്തുവയ്ക്കുന്നു. ബ്രെക്‌സിറ്റ്, അര്‍ക്‌സിറ്റ്, മെക്‌സിറ്റ്... അങ്ങനെ അങ്ങനെ സണ്‍ഡേ പള്ളിയില്‍ പോകാതെ മുങ്ങുന്നവര്‍ ചര്‍ക്‌സിറ്റ്. ഗ്രോസറി ഷോപ്പില്‍ പോകാതിരിക്കുന്ന പ്രതിഭാസത്തെ ഗ്രോക്സിറ്റ്. അസോസിയേഷനുകളോടു വെറുപ്പുള്ളവര്‍ക്ക് അക്‌സിറ്റ്. വണ്ടിയില്‍ ഗ്യാസ് അടിക്കാതിരിക്കുന്ന സംഗതിക്ക് ഗ്യാക്‌സിറ്റ്. ഇനി യഥാര്‍ത്ഥ എക്‌സിറ്റ് വരുന്നതേയുള്ള. കൈയില്‍ പത്തിന്റെ കാശില്ലെന്ന നിലയില്‍ ആരെങ്കിലും കടം ചോദിച്ചാലുടന്‍ പറയുകയായി, ഡോക്‌സിറ്റാണ് ഭായി ഡോക്‌സിറ്റ് ! (ഡോളര്‍ എക്‌സിറ്റ് എന്ന ഈ പദമായിരിക്കും വരും കാലത്ത് അമേരിക്കന്‍ മലയാളികള്‍ കൂട്ടത്തോടെ ഉപയോഗിക്കുന്നതെന്ന് ഭാവി പ്രവചനം നടത്തുന്നവര്‍ മുന്‍കൂര്‍ പറഞ്ഞിട്ടുണ്ട്.) ഇനി നാട്ടിലേക്ക് പോകാന്‍ വിമാനടിക്കറ്റ് കിട്ടാത്തപ്പോഴോ, ഇല്ലാത്തപ്പോഴോ ഫ്‌ളൈക്‌സിറ്റ് ആയി എന്നാണ് പറയുക.
ഓടി നടന്നു പണിയെടുത്തു ഒന്നിലും ശ്രദ്ധിക്കാതെ എല്ലാം കുളമാക്കുന്നവരെ എന്തു വിളിക്കും? അങ്ങനെ ഓടിച്ചാടി എല്ലാത്തിലും പേരെടുക്കാന്‍ ശ്രമിച്ചു പരാജയപ്പെടുന്നവരെ എന്തു വിളിക്കും? എല്ലായിടത്തും സ്വന്തം കാര്യം സിന്ദാബാദ് എന്നു മുദ്രാവാക്യം മുഴക്കി ഒന്നും കിട്ടാതെ നാണം കെട്ടു മടങ്ങുന്നവരെ എന്തു വിളിക്കും? അതിനു തല പുകയ്‌ക്കേണ്ടതില്ല. അവര്‍ക്ക് വേണ്ടിയാണ് നിഘണ്ടുവിലെ ഏറ്റവും ശ്രദ്ധേയമായ വാക്ക് തന്നെ ഉണ്ടാക്കിയത് സെല്‍ക്‌സിറ്റ്. (സെല്‍ഫ്+ എക്‌സിറ്റ്= സെല്‍ക്‌സിറ്റ്). ഇങ്ങനെ എക്‌സിറ്റുകളുടെ ഒരു വലിയ പൂരം തന്നെയാണ് ഇപ്പോള്‍ ലോകമെങ്ങും തരംഗമായി കൊണ്ടിരിക്കുകയാണ്. ഇതിലേക്ക് ചെറുതും വലുതുമായ സംഭാവനകള്‍ നല്‍കാന്‍ തയ്യാറുള്ളവര്‍ ഉടന്‍ തന്നെ പദനിഘണ്ടു എടുത്തു ഗവേഷണം തുടര്‍ന്നു കൊള്ളുക. അമേരിക്കയില്‍ ഉണ്ടാവുന്നതും യൂറോപ്പിലുണ്ടാവുന്നതുമായ ഒട്ടുമിക്ക സംഭവങ്ങളുടെയെല്ലാം അലയൊലികള്‍ പടര്‍ന്നു പന്തലിച്ചെത്തുന്ന കൊച്ചു കേരളത്തില്‍ ഇതിന്റെ അലയൊലികള്‍ ഉണ്ടായിട്ടില്ലെന്നു തോന്നുന്നു. ഇതിനു വേണ്ടി ഓണ്‍ലൈന്‍ വാര്‍ത്തകളിലം ടിവി ചാനലുകളിലെ ആക്ഷേപഹാസ്യ പരിപാടികളിലും മുഴുകിയെങ്കിലും സമാനമായ എക്‌സിറ്റുകളൊന്നും തന്നെ അവിടെ നിന്നു പൊന്തി വന്നിട്ടില്ല. കേരളത്തില്‍ ഇപ്പോഴും ജയരാജ മന്ത്രിയുടെ ജോക്കിങ് എക്‌സിറ്റുകളാണ് മുന്നേറിക്കൊണ്ടിരിക്കുന്നത്. അവിടെ വേണമെങ്കില്‍ ജക്‌സിറ്റ് എന്ന പദം പരീക്ഷിക്കാവുന്നതാണ്. ഗവര്‍ണറുടെ നയപ്രഖ്യാപന പ്രസംഗത്തിനിടയില്‍ എല്‍ദോസ് കുന്നപ്പള്ളി എംഎല്‍എ ഇരുന്ന് കൂര്‍ക്കം വലിച്ചുറങ്ങുന്നതും അദ്ദേഹത്തെ വി.ടി ബല്‍റാം എംഎല്‍എ കൊട്ടിവിളിക്കുന്നതുമൊക്കെയായിരുന്നു കേരളത്തിലെ വിശേഷങ്ങള്‍. അങ്ങനെ വേണമെങ്കില്‍ നിക്‌സിറ്റ് എന്ന പദം നമ്മുടെ സാമാജികന്മാര്‍ക്ക് ഉപയോഗിക്കാവുന്നതാണ്. നിയമസഭയില്‍ നിന്ന് എക്‌സിറ്റ് ആകുന്നതിന്റെ കോഡായി അതു പരിഷ്ക്കരിക്കാനുള്ള സാധ്യതയുമുണ്ട്. എന്തായാലും, ഒരു കാര്യം പ്രത്യേകം പറയേണ്ടിയിരിക്കുന്നു. കേരളത്തിലെ ട്രോളന്മാരും പരിവാരന്മാരും ഇതുവരെ അവിടെ ബ്രെക്‌സിറ്റ് അനുകരണ സാധ്യത ഉപയോഗിച്ചിട്ടില്ല. ഇപ്പോഴും ഇതിനൊരു ചാന്‍സ് അവിടെ നിലനില്‍പ്പുണ്ടെന്ന് പ്രത്യേകം വായനക്കാരെ ഓര്‍മ്മിപ്പിക്കുന്നു.
പണ്ട് തീയേറ്ററില്‍ സിനിമ കാണുമ്പോള്‍ പുറത്തേക്കുള്ള വാതിലിന്റെ മുകളില്‍ ചുമന്ന ലൈറ്റ് തെളിഞ്ഞു നിന്നതാണ് എക്‌സിറ്റ് പദത്തെ പരിചിതമാക്കിയത്. അമേരിക്കയില്‍ ഇത് എല്ലായിടത്തുമുള്ള ഒരു സാധാരണ സേഫ്റ്റി സംഗതി മാത്രം. പിന്നീടത് വിദേശനാടുകളില്‍ നിന്നും വിസ എക്‌സിറ്റ് നടത്തുന്ന വിധത്തില്‍ ആ പേര് പിന്നെയും ശരിക്ക് കേട്ടു. പിന്നെ എക്‌സിറ്റുകള്‍ കേള്‍ക്കാത്തയിടമില്ലാതായി. അങ്ങനെ ബ്രിട്ടന്‍ എക്‌സിറ്റായതു മുതല്‍ ബ്രെക്‌സിറ്റും കോപ്പ അമേരിക്ക കഴിഞ്ഞതോടെ മെക്‌സിറ്റും പോപ്പുലറായി. വേളൂര്‍ കൃഷ്ണന്‍കുട്ടി പറഞ്ഞതു പോലെ, ബ്രാ ബ്രാ ബ്രി ബ്രീ പോലെ തൊട്ടതിനു പിടിച്ചതിനുമെല്ലാം .....ക്‌സിറ്റ് വന്നാലത്തെ അവസ്ഥ ഒന്ന് ഓര്‍ത്തു നോക്കൂ. വായിക്കാത്തവരെ നോക്കി റെക്‌സിറ്റ്, രാഷ്ട്രീയമില്ലാത്തവര്‍ക്ക് പെക്‌സിറ്റ്, പണിയില്ലാത്തവര്‍ക്ക് ജെക്‌സിറ്റ് തുടങ്ങിയവ ഉപയോഗിക്കേണ്ടി വരുമ്പോള്‍ ഇതില്‍ നിന്നൊക്കെ എക്‌സിറ്റ് അടിക്കുക മാത്രമേ രക്ഷയുള്ളു..
ബ്രിട്ടന്‍ യൂറോപ്യന്‍ യൂണിയനില്‍ നിന്നും പുറത്തു പോകണമോ എന്നതു സംബന്ധച്ച് നടത്തിയ ഹിതപരിശോധനയായിരുന്നു ബ്രെക്‌സിറ്റ്. ബ്രിട്ടനും എക്‌സിറ്റും കൂടി ചേര്‍ന്നു നല്ലൊരു പദം ഇംഗ്ലീഷ് ഭാഷയ്ക്ക് കിട്ടി ബ്രെക്‌സിറ്റ്. വേളൂരിന്റെ ഭാഷയില്‍ ബ്രാ, ബ്രാ, ബ്രി, ബ്രീ-യില്‍ തുടങ്ങിയ വേറൊരു പദം കൂടി. അതും അത്യന്തികം അത്യാധുനികമായത്. എന്നാല്‍ സംഗതി അതല്ല. ലോകമാകെ വിസ്മയിപ്പിക്കപ്പെടുന്ന നിലയില്‍ സംഗതി ഇപ്പോള്‍ ഒരു കൊച്ചു കൊടുങ്കാറ്റായി വളരുകയാണ്. എല്ലാവരും ബ്രാ, ബ്രാ, ബ്രി, ബ്രീ മാറ്റി ഇതിനോടു ഓരോ പദങ്ങള്‍ ചേര്‍ത്തു വച്ച് എക്‌സിറ്റ് അടിക്കുന്നതു കാണുമ്പോള്‍ തലയില്‍ കൈവച്ച് ഇരിക്കാനേ തോന്നുന്നുള്ളു.
കോപ്പ അമേരിക്ക ഫുട്‌ബോളില്‍ അര്‍ജന്റീന തോറ്റപ്പോള്‍ അത് അര്‍ക്‌സിറ്റ് ആയി. അതിനു കാരണക്കാരന്‍ ക്യാപ്റ്റന്‍ മെസിയാണെന്നു ധരിച്ച് അത് മെക്‌സിറ്റ് ആയതു ലോകം കണ്ടു. ഇപ്പോള്‍ അതിനോടു പലരും പലതും ചേര്‍ത്തുവയ്ക്കുന്നു. ബ്രെക്‌സിറ്റ്, അര്‍ക്‌സിറ്റ്, മെക്‌സിറ്റ്... അങ്ങനെ അങ്ങനെ സണ്‍ഡേ പള്ളിയില്‍ പോകാതെ മുങ്ങുന്നവര്‍ ചര്‍ക്‌സിറ്റ്. ഗ്രോസറി ഷോപ്പില്‍ പോകാതിരിക്കുന്ന പ്രതിഭാസത്തെ ഗ്രോക്സിറ്റ്. അസോസിയേഷനുകളോടു വെറുപ്പുള്ളവര്‍ക്ക് അക്‌സിറ്റ്. വണ്ടിയില്‍ ഗ്യാസ് അടിക്കാതിരിക്കുന്ന സംഗതിക്ക് ഗ്യാക്‌സിറ്റ്. ഇനി യഥാര്‍ത്ഥ എക്‌സിറ്റ് വരുന്നതേയുള്ള. കൈയില്‍ പത്തിന്റെ കാശില്ലെന്ന നിലയില്‍ ആരെങ്കിലും കടം ചോദിച്ചാലുടന്‍ പറയുകയായി, ഡോക്‌സിറ്റാണ് ഭായി ഡോക്‌സിറ്റ് ! (ഡോളര്‍ എക്‌സിറ്റ് എന്ന ഈ പദമായിരിക്കും വരും കാലത്ത് അമേരിക്കന്‍ മലയാളികള്‍ കൂട്ടത്തോടെ ഉപയോഗിക്കുന്നതെന്ന് ഭാവി പ്രവചനം നടത്തുന്നവര്‍ മുന്‍കൂര്‍ പറഞ്ഞിട്ടുണ്ട്.) ഇനി നാട്ടിലേക്ക് പോകാന്‍ വിമാനടിക്കറ്റ് കിട്ടാത്തപ്പോഴോ, ഇല്ലാത്തപ്പോഴോ ഫ്‌ളൈക്‌സിറ്റ് ആയി എന്നാണ് പറയുക.
ഓടി നടന്നു പണിയെടുത്തു ഒന്നിലും ശ്രദ്ധിക്കാതെ എല്ലാം കുളമാക്കുന്നവരെ എന്തു വിളിക്കും? അങ്ങനെ ഓടിച്ചാടി എല്ലാത്തിലും പേരെടുക്കാന്‍ ശ്രമിച്ചു പരാജയപ്പെടുന്നവരെ എന്തു വിളിക്കും? എല്ലായിടത്തും സ്വന്തം കാര്യം സിന്ദാബാദ് എന്നു മുദ്രാവാക്യം മുഴക്കി ഒന്നും കിട്ടാതെ നാണം കെട്ടു മടങ്ങുന്നവരെ എന്തു വിളിക്കും? അതിനു തല പുകയ്‌ക്കേണ്ടതില്ല. അവര്‍ക്ക് വേണ്ടിയാണ് നിഘണ്ടുവിലെ ഏറ്റവും ശ്രദ്ധേയമായ വാക്ക് തന്നെ ഉണ്ടാക്കിയത് സെല്‍ക്‌സിറ്റ്. (സെല്‍ഫ്+ എക്‌സിറ്റ്= സെല്‍ക്‌സിറ്റ്). ഇങ്ങനെ എക്‌സിറ്റുകളുടെ ഒരു വലിയ പൂരം തന്നെയാണ് ഇപ്പോള്‍ ലോകമെങ്ങും തരംഗമായി കൊണ്ടിരിക്കുകയാണ്. ഇതിലേക്ക് ചെറുതും വലുതുമായ സംഭാവനകള്‍ നല്‍കാന്‍ തയ്യാറുള്ളവര്‍ ഉടന്‍ തന്നെ പദനിഘണ്ടു എടുത്തു ഗവേഷണം തുടര്‍ന്നു കൊള്ളുക. അമേരിക്കയില്‍ ഉണ്ടാവുന്നതും യൂറോപ്പിലുണ്ടാവുന്നതുമായ ഒട്ടുമിക്ക സംഭവങ്ങളുടെയെല്ലാം അലയൊലികള്‍ പടര്‍ന്നു പന്തലിച്ചെത്തുന്ന കൊച്ചു കേരളത്തില്‍ ഇതിന്റെ അലയൊലികള്‍ ഉണ്ടായിട്ടില്ലെന്നു തോന്നുന്നു. ഇതിനു വേണ്ടി ഓണ്‍ലൈന്‍ വാര്‍ത്തകളിലം ടിവി ചാനലുകളിലെ ആക്ഷേപഹാസ്യ പരിപാടികളിലും മുഴുകിയെങ്കിലും സമാനമായ എക്‌സിറ്റുകളൊന്നും തന്നെ അവിടെ നിന്നു പൊന്തി വന്നിട്ടില്ല. കേരളത്തില്‍ ഇപ്പോഴും ജയരാജ മന്ത്രിയുടെ ജോക്കിങ് എക്‌സിറ്റുകളാണ് മുന്നേറിക്കൊണ്ടിരിക്കുന്നത്. അവിടെ വേണമെങ്കില്‍ ജക്‌സിറ്റ് എന്ന പദം പരീക്ഷിക്കാവുന്നതാണ്. ഗവര്‍ണറുടെ നയപ്രഖ്യാപന പ്രസംഗത്തിനിടയില്‍ എല്‍ദോസ് കുന്നപ്പള്ളി എംഎല്‍എ ഇരുന്ന് കൂര്‍ക്കം വലിച്ചുറങ്ങുന്നതും അദ്ദേഹത്തെ വി.ടി ബല്‍റാം എംഎല്‍എ കൊട്ടിവിളിക്കുന്നതുമൊക്കെയായിരുന്നു കേരളത്തിലെ വിശേഷങ്ങള്‍. അങ്ങനെ വേണമെങ്കില്‍ നിക്‌സിറ്റ് എന്ന പദം നമ്മുടെ സാമാജികന്മാര്‍ക്ക് ഉപയോഗിക്കാവുന്നതാണ്. നിയമസഭയില്‍ നിന്ന് എക്‌സിറ്റ് ആകുന്നതിന്റെ കോഡായി അതു പരിഷ്ക്കരിക്കാനുള്ള സാധ്യതയുമുണ്ട്. എന്തായാലും, ഒരു കാര്യം പ്രത്യേകം പറയേണ്ടിയിരിക്കുന്നു. കേരളത്തിലെ ട്രോളന്മാരും പരിവാരന്മാരും ഇതുവരെ അവിടെ ബ്രെക്‌സിറ്റ് അനുകരണ സാധ്യത ഉപയോഗിച്ചിട്ടില്ല. ഇപ്പോഴും ഇതിനൊരു ചാന്‍സ് അവിടെ നിലനില്‍പ്പുണ്ടെന്ന് പ്രത്യേകം വായനക്കാരെ ഓര്‍മ്മിപ്പിക്കുന്നു.
പണ്ട് തീയേറ്ററില്‍ സിനിമ കാണുമ്പോള്‍ പുറത്തേക്കുള്ള വാതിലിന്റെ മുകളില്‍ ചുമന്ന ലൈറ്റ് തെളിഞ്ഞു നിന്നതാണ് എക്‌സിറ്റ് പദത്തെ പരിചിതമാക്കിയത്. അമേരിക്കയില്‍ ഇത് എല്ലായിടത്തുമുള്ള ഒരു സാധാരണ സേഫ്റ്റി സംഗതി മാത്രം. പിന്നീടത് വിദേശനാടുകളില്‍ നിന്നും വിസ എക്‌സിറ്റ് നടത്തുന്ന വിധത്തില്‍ ആ പേര് പിന്നെയും ശരിക്ക് കേട്ടു. പിന്നെ എക്‌സിറ്റുകള്‍ കേള്‍ക്കാത്തയിടമില്ലാതായി. അങ്ങനെ ബ്രിട്ടന്‍ എക്‌സിറ്റായതു മുതല്‍ ബ്രെക്‌സിറ്റും കോപ്പ അമേരിക്ക കഴിഞ്ഞതോടെ മെക്‌സിറ്റും പോപ്പുലറായി. വേളൂര്‍ കൃഷ്ണന്‍കുട്ടി പറഞ്ഞതു പോലെ, ബ്രാ ബ്രാ ബ്രി ബ്രീ പോലെ തൊട്ടതിനു പിടിച്ചതിനുമെല്ലാം .....ക്‌സിറ്റ് വന്നാലത്തെ അവസ്ഥ ഒന്ന് ഓര്‍ത്തു നോക്കൂ. വായിക്കാത്തവരെ നോക്കി റെക്‌സിറ്റ്, രാഷ്ട്രീയമില്ലാത്തവര്‍ക്ക് പെക്‌സിറ്റ്, പണിയില്ലാത്തവര്‍ക്ക് ജെക്‌സിറ്റ് തുടങ്ങിയവ ഉപയോഗിക്കേണ്ടി വരുമ്പോള്‍ ഇതില്‍ നിന്നൊക്കെ എക്‌സിറ്റ് അടിക്കുക മാത്രമേ രക്ഷയുള്ളു..
Facebook Comments
Comments
FOKANA Delegate,NY 2016-07-05 11:51:56
പ്രവാചകരും പ്രവചനവും എവിടെ
എന്‍റെ തുംബ്ബയിലെ ?
fokkna പ്രസിഡന്റ്‌ ആരെന്നു
പ്രവചനം പോക്കറ്റില്‍ത്തിരുകി
ഞെളിപിരി കൊള്ളാത്
തുറന്നു വായിക്കു തുമ്പയിലെ
പൌലോ , ഫിലിപ്പ് ,ജോസ്
മാദവന്‍ മുതലായവര്‍
തല തല്ലി ചാവുന്നു
ഇ നേതാക്കള്‍ ഇല്ലേല്‍
അമേരിക്കന്‍ മലയാളിയെ
ആരു കാത്തു സുഷികകും
പ്രവചനം പുറത്ത് എടുക്കു
തുമ്പയിലെ തുമ്പയിലെ
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala