പൃഥ്വിരാജ് നായകനായി എത്തുന്ന പുതിയ ചിത്രം എസ്രയുടെ ചിത്രീകരണം കൊച്ചിയില് ആരംഭിച്ചു. പ്രിയ ആനന്ദാണ് ചിത്രത്തില് പൃഥ്വിയുടെ നായികയായി എത്തുന്നത്. ബോളിവുഡ്, തമിഴ് ചിത്രങ്ങളിലൂടെ ശ്രദ്ധേയയായ പ്രിയ ആനന്ദിന്റെ ആദ്യ മലയാള ചിത്രമാണിത്. ടോവിനോ തോമസും ചിത്രത്തില് പ്രധാന വേഷത്തില് ചിത്രത്തിലുണ്ട്. ജയ് കെ ആദ്യമായി സ്വതന്ത്ര സംവിധാനം നിര്വഹിക്കുന്ന ചിത്രമാണിത്.
കൊച്ചിക്കു പുറമേ മുംബൈ, ശ്രീലങ്ക, ദുബായ് എന്നിവിടങ്ങളില് കൂടി എസ്രയ്ക്ക് ചിത്രീകരണമുണ്ട്. മൂന്നു ഷെഡ്യൂളുകളായി ചിത്രം പൂര്ത്തിയാക്കാനാണ് പദ്ധതിയിടുന്നത്. മട്ടാഞ്ചേരിയിലെ ജൂത പാരമ്പര്യത്തിന്റെ പശ്ചാത്തലത്തില് പറയുന്ന ഒരു കഥയാണ് എസ്രയുടേത്.