നോര്ത്ത് അമേരിക്കയിലെ പ്രമുഖ സംഘടനകളായ ഫൊക്കാനയുടെയും ഫോമയുടെയും
ലക്ഷ്യമില്ലാത്ത കോണ്ഫ്രന്സുകളുടെ തിരശ്ശീല ഉയരാന് ഇനിയും ദിവസങ്ങള്
മാത്രം . അതിന്റെ സാരഥികളാകാന് പലരും മുമ്പോട്ട് വന്നിട്ടുണട് . ഫോക്കാനയുടെ
നേത്രുത്വ നിരയിലേക്ക് വരാന് ആഗ്രഹിക്കുന്ന ശ്രീ മാധവന് നായര് - ഫിലിപ്പ്
പീലിപ്പോസ് ടീമിന് പ്രവര്ത്തന പരിചയം കൈമുതലാണെന്ന് തെളിയിക്കുന്ന
നീക്കങ്ങള് മനസ്സിലാക്കാന് സാധിച്ചിട്ടുണ്ട്. ശ്ലാഘനീയം..
അതേ സമയം
ഫോമയുടെ നേതാക്കള് ആകാന് ശ്രമിക്കുന്നവരില് പ്രത്യേകിച്ച് എടുത്തു
പറയത്തക്ക തൊന്നും മനസ്സിലാക്കാന് സാധിക്കുന്നില്ല . അതിനാ ല് തന്നെ
കേരളത്തില് നിന്നും കരസ്ഥമാക്കിയിട്ടുള്ള വിവാദ പ്രചരണ തന്ത്രം,
മാധ്യമങ്ങളുമായി അവര് ആരംഭിച്ചിട്ടുണ്ട്. പക്ഷെ അതൊന്നുമല്ല , മലയാളി
കമ്യൂണിറ്റിക്ക് ആവശ്യം എന്ന തിരിച്ചറിവ് ഇവരിലാരിലു മില്ല . വെറും ചീപ്പ്
പബ്ലിസിറ്റിക്ക് വേണ്ടിയുള്ള പാഴ്ശ്രമം മാത്രം !
എന്നാല് പാഴ്
ശ്രമങ്ങള്ക്ക് മറുപടി കണ്ടെത്തേണ്ടത് ഈ കാലഘട്ടത്തിന്റെ ആവശ്യമാണ്.
കുടിയേറ്റക്കാരുടെ ഇടയില് ആശയ വിനിമയം സാധ്യമാക്കി അനീതികള്ക്കെതിരെ
വിരല്ചൂണ്ടുക , മാധ്യമങ്ങളുടെ കടമയാണ് . പ്രധാനപ്പെട്ട ചോദ്യം ഈ
മാധ്യമങ്ങള്ക്ക് പ്രത്യേകിച്ച്, കുടിയേറ്റക്കാരോടൊപ്പം കുടിയേറിയ
പത്രധാരാ മാധ്യമങ്ങള്ക്ക് ഈ സംഘടനകള് എന്തു പ്രാധാന്യമാണ്
നല്കുന്നതെന്നുുള്ളതാണ്.
ഫെയ്സ് ബുക്ക് , ട്വിറ്റര് തുടങ്ങിയ മാസ്
മീഡിയകളുടെ കടന്നു കയറ്റത്തോടെ ഫോട്ടോ പ്രേമികളായ, സ്വയം,
നേതാവെന്നവകാശപ്പെടുന്ന , അല്പന്മാര് പ്രിന്റ് മീഡിയെ പൂര്ണ്ണമായും
തഴയാനുള്ള ശ്രമത്തിലാണ്. കാരണം , ഒരു സംഘന കൊണ്ട് ഉദ്ദേശിക്കുന്നത്,
കണ്വന്ഷന് നടത്തുക മാത്രമാണെന്നും,അതോടൊപ്പം വരുന്ന കോമാളി വേഷങ്ങള്
യാതൊരു ഉളിപ്പും കൂടാതെ ഫെയ്സ് ബുക്കിലോ മറ്റു മാസ് മീഡിയകളിലൊ അപ്പ് ലോഡ്
ചെയ്ത് നാട്ടിലെ എട്ടും പൊട്ടും തിരിയാത്ത അത്താഴ പട്ടിണിക്കാരെ കാണ്ച്ച്,
അച്ചായന്, അമേരിക്കയില് എന്തോ വലിയ പ്രസിഡന്റാണെന്ന് വരുത്തി തീര്ക്കുക
മാത്രമാണ് അവരുടെ ലക്ഷ്യം.
മറ്റൊന്ന് വിമര്ശനങ്ങളെ അതീ ജീവിക്കാനോ,
അതുവഴി മാറ്റങ്ങള് ഉള്ക്കൊള്ളാനോ വേണ്ട ഉള്പ്രാപ്തി, ഈയ്യാം പാറ്റകളായ ഈ ഛോ
ട്ടകള്ക്ക് കരഗതമല്ല. ഇക്കൂ ട്ടര് മനസ്സിലാക്കേണ്ട ഒരു സംഗതി , എല്ലാ
മാസ് മീഡിയകളുടെയും ഉല്ഭവം , അമേരിക്കയിലാണെങ്കിലും, പ്രിന്റ് മീഡിയക്ക്
നല്കുന്ന പ്രാധാന്യത്തിന് ഇന്നും കുറവില്ല. ചാനലുകളില് വാര്ത്തകളുടെ
ചെറിയൊരംശം വന്നെങ്കിലും , പിറ്റേ ദിവസം രാവിലെയോ ആഴ്ചകളുടെ അവസാനമോ
പ്രിന്റ് മീഡിയകള് എങ്ങനെ പ്രതികരിച്ചു എന്നതാണ് അമേരിക്കയിലാണെങ്കിലും
ലോകത്തെവിടെയാണെങ്കിലും നേതാക്കള് ഉറ്റുനോക്കുന്നത് . ട്വിറ്ററില്
കുറിച്ചതും , ഫേസ്ബുക്കില് അപ്പ്ലോഡ് ചെയ്തുമെല്ലാം, ഇന്നലത്തെ മഴയത്ത്
കിളിര്ത്ത പുല്ലിനു തുല്യമാണ്. അടുത്ത വെയ്ലില്് അതു നിശേഷം പോയിരിക്കും .
എന്നാല് പ്രിന്റ് മീഡിയയൊ? അതിന്റെ പെയ്പ്പര് കട്ടിംഗ്വരെ നേതാക്കന്മാര്
സൂക്ഷിക്കുന്നു. ഇ്രതെല്ലാം, കര്മ്മോന്മുഖരായ നേതാക്കന്മാര്ക്കും, ഒപ്പം
അവര് പ്രതിനിധാനം ചെയ്യുന്ന സമൂഹത്തിനും എന്നും
വിലപ്പെട്ടതായിരിക്കുമെന്ന് മനസ്സി ലാക്കുക.
ഏതാണ്ട് ആറു
പതിറ്റാണ്ടുകള്ക്ക് മുമ്പ് ആരംഭിച്ച കുടി യേറ്റം, വളര്ച്ചയും തളര്ച്ചയും
ഒരുപോലെ വ്യവഹരിക്കുന്ന, വലിയ പ്രവാസി സമൂഹമായി മാറിയിരിക്കുന്നു . അങ്ങനെ
വരാന് പോകുന്ന പ്രശ്നങ്ങളെ മുന്നില് കണ്ട്,സംഘടിച്ച് ശക്തരാകണം എന്ന ലക്ഷ്യം
ഉള്ക്കൊണട്കൊണ്ട് മുന് കാല നേതാക്കള് ഫൊക്കാന പോലുള്ള അസ്സോസിയേഷനു
കള്ക്ക് തുടക്കം കുറിച്ചു. പക്ഷെ തിരിഞ്ഞു നോക്കുമ്പോള് വള്ളം
തിരുനക്കരത്തന്നെ ! മലയാളികളുടെ ഉന്നമന ത്തിനായി ഒരു ചെറുവിരല്
അനക്കാന് പോലും ഈ അ സ്സോസിയേഷനുകള്ക്ക് സാധിച്ചിട്ടില്ല. എന്.എ.എ.സി.പി
പോലുള്ള ഒരു വലിയ വടവ്രുക്ഷമായി മാറേണ്ട ഈ അസ്സോസിയേഷന് ഇന്നും മൂഷിക
സ്ത്രീയുടെ പരുവത്തി ലല്ലേ ?
ഓര്ക്കുക , തേനിച്ചകൂട്ടിലും റാണിയുണ്ട്
. റാണി പറയും പോലാണ് മറ്റുള്ള ഈച്ചകള് പ്രവര്ത്തി ക്കുന്നത് . ഉറുമ്പിന്റെ
കൂട്ടിലും അതു തന്നെ. എന്നാല് ബുദ്ധി മാനെന്ന് അഭിമാനിക്കുന്ന
മനുഷ്യക്കൂട്ടിലൊ?
്നമ്മുടെ ചെറിയ സമൂഹം ഇനിയെങ്കിലും
അവസരത്തിനൊത്ത് ഉയരാന് പഠിക്കണം— - പിന്തലമുറക്ക് വേണ്ടി എങ്കിലും !.
പരേതനായ മാര്ട്ടിന് ലൂഥര് കിംഗ് വരുംവരെ, അമേരിക്കയിലെ
ആഫ്രിക്കന് ഗ്രൂപ്പ ,് നിലാവത്ത് അഴിച്ചുവിട്ട കോഴികളെപ്പോലെയായിരുന്നു.
ലക്ഷ്യബോധമില്ലാതെ, അലയുകയായിരുന്നു. കിംഗിന്റേ വരവിനു ശേഷം ആ
സമൂഹത്തില് ചില ചട്ടവട്ടങ്ങള് നിലവില് വന്നു.ഡോ.കിംഗിന്റെ
തിരോധാനത്തോടെ , അദ്ദേഹം തുടങ്ങിവെച്ച നീക്കങ്ങള്ക്ക് അല്പം മങ്ങല്
സംഭവിച്ചെങ്കിലും , ഒബാമയുടെയും , മിശേല് ഒബാമയുടെയും വരവോടെ അവര്
കൂടുതല് ശക്തി പ്രാപിച്ചിരിക്കുകയാണ് . ഈ മാറ്റം ഇന്ഡ്യന് സമൂഹവും
മനസ്സിലാക്കണം.
അമേരിക്കയിലെ രണടാം തല മുറയ്ക്ക് വിദ്യാഭ്യാസം
നല്കാ ന് നമുക്ക് സാധിച്ചു. അതുവഴി മറ്റു സമൂഹത്തോടൊപ്പം ഉയര് ന്ന
തലങ്ങളില് വ്യവഹരിക്കാനു ള്ള അവസരം അവര്ക്ക് ലഭിച്ചു. ഇനിയും നമ്മുടെ
ലക്ഷ്യം, അധികാര കസേരകളിലേയ്ക്കായ്ക്കാകണം. പണം ഉണ്ടാക്കിയാല് മാത്രം
പോര,അതു വേണ്ട വിധം പരിരക്ഷിക്കാനും പഠിക്ക ണം. അതു സാധിക്കണമെങ്കില്
അധികാര സോപാനങ്ങളില് വരുന്ന മാറ്റങ്ങള് മനസ്സിലാക്കി വരുത്തേണ്ട
മാറ്റങ്ങള് വരുത്താന് നമുക്കും സാധിക്കണം. സാധിച്ചില്ലെങ്കില്-
"അപകര്ഷത' പിടിപെട്ട് വരും സമൂഹം, നമ്മുടെ കണ്മുന്പില് വെച്ച് നട്ടം
തിരിയുന്ന കാഴ്ച കണ്ട് ദുഖിക്കേണ്ടിവരും.
എന്താണ് പ്രതിവിധി ?
നേത്രുത്വ പാടവമുള്ള ചെറുപ്പക്കാരെ കണ്ടെത്തുക മാത്രമാണ് പോംവഴി. എങ്ങനെ
അതു സാധിക്കും ?
ബ്യൂട്ടീ പേജന്റ് മത്സരത്തിനും, സ്പെല്ലിംഗ് ബി
മത്സരത്തിനും സംവാദ മത്സരങ്ങള്ക്കും, മാറ്റുരക്കാന് കുട്ടികള് മുമ്പോട്ട്
വരുന്നുണ്ട്. അല്ലെങ്കില് ഭരത നാട്യം പഠിക്കാന് മാതാപിതാക്കള് കുട്ടികളെ
നിര്ബന്ധമായി കൊണ്ടു പോകുന്നു. ഇതു തന്നെ ലീഡര്ഷിപ്പ് മത്സരത്തിലും,
പ്രായോഗിക മാക്കാന് സംഘടനകള്ക്ക് സാധിക്കണം.മറ്റൊരു വിധത്തില് കുറിച്ചാല്
, വരുംതലമുറയുടെ ഉന്നമനത്തിനായി പ്രവര്ത്തിക്കുന്ന ഒരു സംഘടനയാണിതെന്ന
തിരിച്ചറിവ് സമൂഹത്തില് ഉണ്ടാക്കാനുള്ള ഒരു ശ്രമം നേതാക്കന്മാരിലുണ്ടാ
കണം. പകരം നാട്ടില് ചെന്ന് അവര്ക്കുള്ള പഴംതുണിയെല്ലാം നല്കി,
ജാഡകാണിക്കുന്ന രീതി ഇനിയെങ്കിലും അവസാനി പ്പിക്കണം. ഈ അസ്സോസിയേ ഷന്
ഇന്ഡ്യന് അമേരിക്കന് സമൂഹത്തിന്റെ നിലനില്പ് ഉറപ്പുവരുത്താന്
മാത്രമാണെന്ന തിരിച്ചറിവ് നേതാക്കളിലുണ്ടാകണം.
സര്വ്വശ്രീ
മാധവന് നായരുടെയും ഫില്പ്പ് പീലിപ്പോസിന്റെയും നേത്രു ത്വത്തില്
ഫൊക്കാനയ്ക്ക് പുതിയ ലക്ഷ്യ ബോധം ഉണ്ടാകുമെന്ന് കരുതുന്നു
ക്യാനഡ
കണ്വന്ഷന് കഴിയു മ്പോഴെ , അടുത്ത കണ്വന് ഷന് ഹാള് ന്യൂജേഴ്സിയില്
കണ്ടെത്തുന്നതിലാകരുത് ശ്രദ്ധ. പകരം കര്മ്മോന്മുഖരാകുക, വരാന് പോകുന്ന
പ്രസിഡന്റ് തെരഞ്ഞെടുപ്പില് നമ്മുടെയും പ്രാതിനിധ്യം ഏതു വിധത്തില്
ഉറപ്പുവരു ത്താമെന്ന് ചിന്തിക്കുക. കഴിവുള്ളടത്തോളം ചെറുപ്പക്കാരെ
എങ്ങനെയും-തെരഞ്ഞെടുപ്പ് പ്രചരണത്തില് പങ്കാളികളാക്കാന് ശ്രമിക്കുക.
റോക്ക്ലാന്റ് കൗണ്ടിയിലും ലോംങ് ഐലന്റിലും,ഡാളസിലും ഈ നീക്കങ്ങള്ക്ക്
തുടക്കം കുറിച്ചി ട്ടുള്ളത് സ്മരിക്കുന്നു. പക്ഷെ അവരിലെ ലീഡര്ഷിപ്പ് ക്വാളി
റ്റി ഇനിയും തെളിയിക്കപ്പെടേണ്ടിയിരിക്കുന്നു. ഇതിനെല്ലാം കൂട്ടായ ശ്രമമാണ്
നമുക്കാവശ്യം.
വരാന്പോകുന്ന ഓണത്തോടനുബന്ധിച്ച് പുത്തന്
ശ്രമങ്ങള്ക്ക് തുടക്കം കുറിക്കാം . ഓണം പല തട്ടിലാക്കാതെ നായരും , നസ്രാണിയും
മറ്റെല്ലാ ഗ്രൂപ്പും ഒന്നിച്ചു നടത്തുന്നതിനുള്ള സംവിധാനം ഉണ്ടാകണം.
പള്ളികളും അമ്പലങ്ങളും വെവ്വൊറെ ഓണം നടത്താതെ കള്ച്ചറല്
അസ്സോസിയേഷകളോടു യോജിച്ചു നടത്താന് തയ്യാറകണം. പണത്തിനുവേണ്ടി
കമ്യൂണിറ്റിയെ മതാടിസ്ഥാനത്തില് വെട്ടിമുറിക്കുന്ന ആള്ദൈവങ്ങളുടെ
നീക്കങ്ങള്ക്കെതിരെ ശബ്ദമുയര്ത്താനും സംഘടനകള്ക്ക് സാധിക്കണം.
ഇവയെല്ലാം സാധിക്കണമങ്കില് ഈ അസ്സോസിയേഷനു ക ളുടെ പ്രവര്ത്തനം
മലയാളി അമേരിക്കന്സിന്റെ ഉന്നമന ത്തിനു വേണ്ടിയുള്ളതാണെന്ന തോന്നല്
മലയാളികളില് ഉണ്ടാകണം. ചുരുക്കത്തില് പ്രസിഡന്റ് പദത്തിന്റെ മഹിമ
മനസ്സിലാക്കി . അതിന്റെ പ്രവര് ത്തന മണ്ഡലം അമേരിക്കയില് തന്നെ
നിറവേറ്റാന്
നേതാക്കള്ക്ക് കഴിയട്ടെ. . മാധവന് നായര് ടീമിന് എല്ലാ
വിധ നന്മകളും നേര്ന്നുകൊണ്ട് ...