മമത കുല്‍ക്കര്‍ണി മയക്കുമരുന്ന് റാക്കറ്റിലെ പ്രധാന കണ്ണി; നടിയ്‌ക്കെതിരെ റെഡ് കോര്‍ണര്‍ നോട്ടീസ് ?
Published on 18 June, 2016
ദില്ലി: മുന്‍ ബോളിവുഡ് നടി മമത കുല്‍ക്കര്‍ണി മയക്കു മരുന്ന് സംഘത്തിലെ പ്രധാന കണ്ണിയെന്ന് പോലീസ്. മമത കുല്‍ക്കര്‍ണ്ണിയും ഭര്‍ത്താവ് വിക്കി ഗോസ്വാമിയും അന്താരാഷ്ട്ര മയക്കുമരുന്നു മാഫിയ നേതാവായ അബ്ദുളളയുമായി അടുത്ത ബന്ധം പുലര്‍ത്തുന്നവരാണന്ന് താനെ പോലീസ് പറഞ്ഞു. മമത കുല്‍ക്കര്‍ണ്ണി അബ്ദുളളയുമായി കൂടിക്കാഴ്ച്ച നടത്തിയ തെളിവുകള്‍ ലഭിച്ചതായും പോലീസ് വ്യക്തമാക്കി.
ഈ കേസില്‍ ഇതുവരെ 10 പേരാണ് അറസ്റ്റിലായിട്ടുളളത്. മമതക്കെതിരായി റെഡ് കോര്‍ണര്‍ നോട്ടീസ് പുറപ്പെടുവിച്ചേക്കുമെന്നാണ് സൂചന. ഈ വര്‍ഷം ഏപ്രിലിലാണ് 2000 കോടിയോളം രൂപയുടെ മയക്കുമരുന്നു നിര്‍മ്മാണത്തിനുപയോഗിക്കുന്ന അസംസ്‌കൃത വസ്തുക്കള്‍ കൈവശം വച്ച സംഘത്തെ പോലീസ് പിടികൂടിയത്. മുംബൈയ്ക്കു സമീപമുള്ള ഫാക്ടറിയില്‍ നിന്ന് 20000 കിലോ മയക്കുമരുന്ന് അസംസ്‌കൃതവസ്തുക്കളും പോലീസ് പിടികൂടിയിരുന്നു.
മുബൈയില്‍ നിന്ന് കെനിയ വഴി അമേരിക്കയിലേക്കു മയക്കുമരുന്നു കടത്തുന്ന സംഘമാണ് പിടിയിലായത്.കെനിയ കേന്ദ്രമാക്കി പ്രവര്‍ത്തിക്കുന്ന ഗോസ്വാമിക്ക് മോംബാസയില്‍ മയക്കുമരുന്നു ഫാക്ടറി നിര്‍മ്മിക്കാന്‍ പദ്ധതിയുണ്ടെന്ന് ഇവരെ ചോദ്യംചെയ്തതില്‍നിന്ന് വ്യക്തമായിരുന്നതായും പോലീസ് പറഞ്ഞു.
2014 നവംബറില്‍ മയക്കുമരുന്ന് കടത്താന്‍ ശ്രമിക്കുമ്പോള്‍ ദുബായ് വിമാനത്താവളത്തില്‍ ഗോസ്വാമിയും മമതയും പിടിയിലായിരുന്നു. മയക്കുമരുന്നു മാഫിയ സംഘത്തില്‍ ബോളിവുഡ് നടി കൂടി ഉള്‍പ്പെട്ടതോടെ കൂടുതല്‍ പേരിലേയ്ക്ക് അന്വേഷണം വ്യാപിപ്പിക്കാന്‍ തീരുമാനിച്ചിരിക്കുയാണ് പോലീസ്. ഗുജറാത്തില്‍ നിന്നുളള കിഷോര്‍ രാത്തോഡിനെതിരെ ലുക്കൗട്ട് നോട്ടീസ് പുറപ്പെടുവിച്ചിട്ടുണ്ട്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala