ന്യൂഡല്ഹി: ഇന്ധന കുടിശ്ശിക നല്കാത്തതിനെത്തുടര്ന്ന് എയര് ഇന്ത്യയ്ക്ക് ഇന്ധനം നല്കുന്നത് പൊതുമേഖലാ എണ്ണക്കമ്പനികള് നിര്ത്തിവെച്ചു. വൈകിട്ട് നാലുമണിമുതലാണ് രാജ്യത്തെ ആറു വിമാനത്താവളങ്ങളിലെ ഇന്ധന വിതരണം എണ്ണക്കമ്പനികള് നിര്ത്തിവെച്ചത്. തിരുവനന്തപുരം, കൊച്ചി വിമാനത്താവളങ്ങളും ഇതില് ഉള്പ്പെടുന്നു.
ഇന്ധനമില്ലാത്തതിനെത്തുടര്ന്ന് വൈകിട്ട് 5.30ന് പുറപ്പെടേണ്ടിയിരുന്ന ഡല്ഹി-കൊച്ചി എയര് ഇന്ത്യാ വിമാനം ഇനിയും യാത്ര പുറപ്പെട്ടിട്ടില്ല. കേന്ദ്രസര്ക്കാരിന്റെ അഭ്യര്ഥനയെത്തുടര്ന്ന് എയര് ഇന്ത്യയ്ക്ക് പൊതുമേഖലാ എണ്ണക്കമ്പനികള് 90 ദിവസത്തെ ക്രെഡിറ്റ് പീരിയഡ് അനുവദിച്ചിട്ടുണ്ട്. ഇതും ലംഘിക്കപ്പെട്ട സാഹചര്യത്തിലാണ് ഇന്ധനവിതരണം നിര്ത്താന് നിര്ബന്ധിതരായതെന്നാണ് എണ്ണക്കമ്പനികളുടെ നിലപാട്.