ലണ്ടന്: യുക്മ ചലഞ്ചര് കപ്പിനായുള്ള നാലാമത് ഓള് യുകെ മെന്സ് ഡബിള്സ് നാഷണല് ഷട്ടില് ബാഡ്മിന്റണ് ടൂര്ണമെന്റ് ജൂലൈ 16നു (ശനി) നടക്കും. യുക്മ സൗത്ത് വെസ്റ്റ് റീജണിലെ ശക്തരായ സാലിസ്ബറിയിയാണ് ഈ വര്ഷത്തെ ടൂര്ണമെന്റിന് ആതിഥേയത്വം വഹിക്കുന്നത്. ആദ്യം രജിസ്റ്റര് ചെയ്യപ്പെടുന്ന 32 ടീമുകള്ക്കായിരിക്കും ടൂര്ണമെന്റില് മത്സരിക്കാനുള്ള അവസരം ലഭിക്കുക.
ക്വാര്ട്ടര് ഫൈനലില് കടക്കുന്ന എല്ലാ ടീമുകള്ക്കും ട്രോഫിയും കാഷ് അവാര്ഡും ലഭിക്കും. ടീമിലെ രണ്ടു കളിക്കാര്ക്കും ട്രോഫികള് സമ്മാനിക്കും.
ഒന്നാം സ്ഥാനക്കാര്ക്ക് 401 പൗണ്ടും ചാമ്പ്യന്സ് ട്രോഫിയും രണ്ടാം സ്ഥാനക്കാര്ക്ക് 301 പൗണ്ടും ഫസ്റ്റ് റണ്ണര് അപ്പ് ട്രോഫിയും സമ്മാനിക്കും. മൂന്നും നാലും സ്ഥാനക്കാര്ക്ക് യഥാക്രമം 201 പൗണ്ടും സെക്കന്റ് റണ്ണര് അപ്പ് ട്രോഫിയും 101 പൗണ്ടും തേര്ഡ് റണ്ണര് അപ്പ് ട്രോഫിയും സമ്മാനിക്കും. ക്വാര്ട്ടര് ഫൈനലില് പ്രവേശിക്കുന്ന മറ്റു ടീമുകള്ക്ക് പ്രോത്സാഹന സമ്മാനമായി 50 പൗണ്ടും ട്രോഫിയും ലഭിക്കും.
രജിസ്ട്രേഷന് ഫീസ് ടീമിനു മുപ്പത് പൗണ്ട് ആയിരിക്കും. രജിസ്റ്റര് ചെയ്യാനുള്ള അവസാന ദിവസം ജൂലൈ മൂന്നാണ്.
ടൂര്ണമെന്റിന്റെ വിജയത്തിനായി വിപുലമായ ക്രമീകരണങ്ങള് നടന്നുവരുന്നതായി യുക്മ നാഷണല് സെക്രട്ടറി സജീഷ് ടോം അറിയിച്ചു.
വിവരങ്ങള്ക്ക്: തോമസ് മാറാട്ടുകളം 07828126981, ടിറ്റോ തോമസ് 07723956930. വിലാസം: Brian Whitehead Sports Cetnre, Wick Lane, Downton, Salisbury, Wilshire SP5 3NF.