ഇടതു സുനാമിയില്‍ കോണ്‍ഗ്രസ് കടപുഴകി; ഒടുവില്‍ കേരളത്തില്‍ താമര വിരിഞ്ഞു (കുര്യന്‍ പാമ്പാടി)
Published on 19 May, 2016
കേരളത്തില്‍ പ്രവചനങ്ങള്‍ക്ക് അടിവരയിട്ടുകൊണ്ട് ഇടതു
ജനാധിപത്യമുന്നണിക്ക് അനുകൂലമായി തകര്‍പ്പന്‍ ജനവിധി (91/47).
ചരിത്രത്തില്‍ ആദ്യമായി ഭാരതീയ ജനതാ പാര്‍ട്ടിക്ക് ഒ. രാജഗോപാലിലൂടെ
നേമത്ത് അക്കൗണ്ട് തുറക്കാനായി. എല്ലാ കക്ഷികളും ഒന്നിച്ചെതിര്‍ത്തിട്ടും
പൂഞ്ഞാറിലെ സീറ്റ് വന്‍ ഭൂരിപക്ഷത്തോടെ (27,821) വീണ്ടും പിടിച്ചെടുക്കാന്‍
പി.സി. ജോര്‍ജിനു കഴിഞ്ഞു. കോണ്‍ഗ്രസിനെ ഞെട്ടിച്ചുകൊണ്ട് നാലു മന്ത്രിമാര്‍
ഒന്നൊന്നായി പരാജയം രുചിച്ചപ്പോള്‍ മത്സരിച്ചതില്‍ ഭൂരിഭാഗം സീറ്റും
നേടിക്കൊണ്ട് ഇന്ത്യന്‍ യൂണിയന്‍ മുസ്ലിം ലീഗ് ശക്തമായി നിലയുറപ്പിച്ചു.
2011ല്‍ യു.ഡി.എഫ് 73ഉം എല്‍.ഡി.എഫ് 67ഉം സീറ്റാണു
നേടിയിരുന്നത്.
ഇടതുപക്ഷത്ത് മുഖ്യമന്ത്രിപദത്തിലേക്കു നടന്നടുക്കുന്ന പിണറായി വിജയന്‍ (72) ധര്‍മടത്ത് വമ്പിച്ച ഭൂരിപക്ഷം (36,958) നേടിയപ്പോള്‍ വി.എസ്. അച്യുതാനന്ദന്‍ മലമ്പുഴയില്‍ ഭൂരിപക്ഷം നേരിയ തോതില്‍ ഉയര്‍ത്തി (21,421). അവരോടൊപ്പം തോമസ് ഐസക് (ആലപ്പുഴ), സുരേഷ്കുറുപ്പ് (ഏറ്റുമാനൂര്‍), ഇ.പി. ജയരാജന്‍ (മട്ടന്നൂര്‍), കെ.കെ. ഷൈലജ (കൂത്തുപറമ്പ്), എം. സ്വരാജ് (തൃപ്പൂണിത്തുറ) തുടങ്ങിയവരും പതിന്നാലാം നിയമസഭയിലെത്തി. ഇതുവരെ കേരളം 15 തെരഞ്ഞെടുപ്പുകളാണ് അഭിമുഖീകരിച്ചത്. ഒരുതവണ നിയമസഭ വിളിച്ചുകൂട്ടിയതേയില്ല.
യു.ഡി.എഫില്‍ ഉമ്മന്‍ചാണ്ടി (പുതുപ്പള്ളി), കെ.സി. ജോസഫ് (ഇരിക്കൂര്‍), തിരുവഞ്ചൂര്‍ രാധാകൃഷ്ണന്‍ (കോട്ടയം), വി.കെ. ഇബ്രാഹിംകുട്ടി (കളമശേരി), കെ.എം. മാണി (പാലാ), പി.ജെ. ജോസഫ് (തൊടുപുഴ), രമേശ് ചെന്നിത്തല (ഹരിപ്പാട്), വി.എസ്. ശിവകുമാര്‍ (തിരുവനന്തപുരം), അടൂര്‍ പ്രകാശ് (കോന്നി), കെ.പി. അനില്‍കുമാര്‍ (വണ്ടൂര്‍), പി.കെ. കുഞ്ഞാലിക്കുട്ടി (വേങ്ങര), എം.കെ. മുനീര്‍ (കോഴിക്കോട് സൗത്ത്), മഞ്ഞളാംകുഴി അലി (മലപ്പുറം), പി.കെ. അബ്ദുറബ് (തിരൂരങ്ങാടി) എന്നിവരും വിജയം കണ്ടു. ചെങ്ങന്നൂരില്‍ പി.സി. വിഷ്ണുനാഥും ആറന്മുളയില്‍ ടി. ശിവദാസന്‍ നായരും യുഡിഎഫിനു നഷ്ടമായി. പക്ഷേ, അവരുടെ ശക്തനായ വി.ഡി. സതീശന്‍ (പറവൂര്‍) കടന്നുകൂടി.
പെരുമ്പാവൂരില്‍ ജിഷയുടെ കൊലപാതക കേസില്‍ അമ്മയുടെ ആരോപണത്തിനിരയായ സിപിഎം നിയമസഭാംഗം സാജു പോളിനെ യുഡിഎഫിലെ എല്‍ദോസ് കുന്നപ്പള്ളി കെട്ടുകെട്ടിച്ചതാണ് പ്രത്യേകതയുള്ളൊരു വിജയം. നിയമസഭയെ അലങ്കോലപ്പെടുത്തുന്നതില്‍ മുണ്ടുമുറുക്കിയുടുത്തു നടമാടിയ വി. ശിവന്‍കുട്ടിയെ നാട്ടുകാര്‍ കൈവിട്ടപ്പോള്‍ അതേ മേളയില്‍ ഒപ്പം നിന്ന ഇ.എസ്. ബിജിമോള്‍ പീരുമേട്ടില്‍ കഷ്ടിച്ചു കടന്നുകൂടി. തൃശൂരില്‍ പത്മജ വേണുഗോപാലിനെ തോല്പിച്ച സിപിഐയുടെ വി.എസ്. സുനില്‍കുമാര്‍ ആണ് മറ്റൊരു താരം.
കേരളം കണ്ടിട്ടുള്ള ഏറ്റവും മികച്ച പാര്‍ലമെന്റേറിയന്മാരില്‍ ഒരാളായ ഒ. രാജഗോപാല്‍ (കേന്ദ്ര റെയില്‍വേ സഹമന്ത്രിയായിരിക്കുമ്പോള്‍ അമൃത എക്‌സ്പ്രസ് ഉള്‍പ്പെടെ ഒരുപാടു നല്ല കാര്യങ്ങള്‍ നടപ്പാക്കിയ ആളാണ്) നേമത്ത് വിജയിച്ചുകൊണ്ട് ഒരിക്കല്‍ക്കൂടി ദേശീയശ്രദ്ധയാകര്‍ഷിച്ചു. 86ലെത്തിയ അദ്ദേഹം ഇതു തന്റെ അവസാനത്തെ മത്സരമായിരിക്കുമെന്നു പ്രഖ്യാപിച്ചതാണ്. ബിജെപിയുടെ കൊടിപിടിക്കാന്‍ സിനിമാതാരം സുരേഷ് ഗോപിയെ രംഗത്തിറക്കിയിരുന്നെങ്കിലും രാജഗോപാല്‍ നേടിയ 8600ല്‍പരം വോട്ടിന്റെ ഭൂരിപക്ഷത്തിലധികവും സ്വന്തം വ്യക്തിപ്രാഭവംകൊണ്ടു നേടിയതാണെന്നതില്‍ സംശയമില്ല.
വട്ടിയൂര്‍ക്കാവില്‍ മുന്‍ പാര്‍ലമെന്റംഗം ടി.എന്‍. സീമയെ മൂന്നാം സ്ഥാനത്തേക്കു പിന്തള്ളിക്കൊണ്ട് ബി.ജെ.പി പ്രസിഡന്റ് കുമ്മനം രാജശേഖരന്‍ സമാഹരിച്ച വോട്ടുകള്‍ പ്രതീക്ഷകള്‍ക്കതീതമായിരുന്നു. കെ. മുരളീധരനുമായി ശക്തമായ മത്സരം നടത്താന്‍ കുമ്മനത്തിനായി. ""ഇവിടെ നില്‍ക്കുന്നതു വലിയ റിസ്കായിരിക്കുമെന്ന് എന്റെ വീട്ടുകാര്‍ തന്നെ പറഞ്ഞതാണ്. പക്ഷേ, ജനം എന്റെകൂടെ നിന്നു; നന്ദിയുണ്ട്'' - ഫോട്ടോഫിനിഷ് വിജയത്തെക്കുറിച്ചു മുരളി ആഹ്ലാദം പൂണ്ടു.
സിനിമാതാരങ്ങളില്‍ മുകേഷും (കൊല്ലം) കെ.ബി. ഗണേഷ്കുമാറും (പത്തനാപുരം) അനായാസം ജയിച്ചപ്പോല്‍ ജഗദീഷും ഭീമന്‍ രഘുവും രാഷ്ട്രീയത്തില്‍ താരങ്ങളല്ലാതായി. ഒപ്പം, ബിജെപി ടിക്കറ്റില്‍ മത്സരിച്ച രാജസേനന്റെ പൊടിപോലും കണ്ടില്ല. മാധ്യമപ്രതിഭകളില്‍ നികേഷ്കുമാര്‍ അഴിക്കോട്ട് ഇഞ്ചോടിഞ്ചു പോരാടി കെ.എം. ഷാജിയോടു പരാജയം വാങ്ങിയപ്പോള്‍, ആറന്മുളയില്‍ വീണാ ജോര്‍ജ്, പ്രാമാണികനായ കെ. ശിവദാസന്‍ നായരെ തറപറ്റിച്ചുകൊണ്ട് ശ്രദ്ധേയയായി. പറവൂരില്‍ മുന്‍ മുഖ്യമന്ത്രി പി.കെ. വാസുദേവന്‍ നായരുടെ മകള്‍ ശാരദാ മോഹനെ തോല്പിച്ച വി.ഡി. സതീശനും, ഉദുമയില്‍ കെ. സുധാകരനോടു പടവെട്ടി ജയിച്ച സിറ്റിംഗ് എംഎല്‍എ കെ. കുഞ്ഞിരാമനും ശ്രദ്ധിക്കപ്പെട്ടു. സി.കെ. നാണു ജയിച്ച വടകരയില്‍ കെ.കെ. രമ 20,504 വോട്ടു പിടിച്ചതാണ് ഒഞ്ചിയത്തെ കണ്ണീരിന്റെ ശക്തി.
കൊല്ലം, ആലപ്പുഴ ജില്ലകളില്‍ യു.ഡി.എഫ് പാടേ തകര്‍ന്നു. ഈ തെരഞ്ഞെടുപ്പ് ആര്‍.എസ്.പി.യുടെയും പുതുതായി പൊട്ടിമുളച്ച ജനാധിപത്യ കേരള കോണ്‍ഗ്രസിന്റെയും കഥകഴിച്ചു. യു.ഡി.എഫിന്റെ കോട്ടയായിരുന്ന വയനാട് കൈവിട്ടുപോയി. മാനന്തവാടിയില്‍ പി.കെ. ജയലക്ഷ്മിയും കല്‍പ്പറ്റയില്‍ ശ്രേയാംസ്കുമാറും പരാജയപ്പെട്ടപ്പോള്‍ സി.കെ. ജാനു മത്സരിച്ച സുല്‍ത്താന്‍ബത്തേരിയില്‍ ടി.സി. ബാലകൃഷ്ണന്‍ ഒരിക്കല്‍ക്കൂടി യുഡിഎഫിന്റെ മാനം കാത്തു.
എസ്എന്‍ഡിപിയുടെ ആസ്ഥാനമായ കൊല്ലത്തും, അവര്‍ക്ക് അംഗബലമുള്ള ആലപ്പുഴയിലും തൃശൂരിലെ പോക്കറ്റുകളിലും മറ്റും ബിജെഡിഎസിന് യാതൊരു സ്വാധീനവും പ്രകടിപ്പിക്കാനായില്ല. ഉദാഹരണത്തിന്, കുമരകവും തിരുവാര്‍പ്പും അടങ്ങിയ ഏറ്റുമാനൂര്‍ മണ്ഡലത്തില്‍ സുരേഷ്കുറുപ്പാണ് ഉജ്വലവിജയം നേടിയത്.
ഈ തെരഞ്ഞെടുപ്പില്‍ കണ്ട മറക്കാനാവാത്ത ദൃശ്യങ്ങളിലൊന്ന് ആലപ്പുഴയിലും വയനാട്ടിലും പുതിയ വോട്ടര്‍മാരെ ആകര്‍ഷിക്കാന്‍ പ്ലാവിന്‍തൈകളും മറ്റു ഫലവൃക്ഷത്തൈകളും പോളിംഗ് ദിവസം വിതരണം ചെയ്തു എന്നതാണ്. തൃക്കാക്കരയില്‍ സെബാസ്റ്റ്യന്‍ പോളിനെ തോല്പിച്ച പി.ടി. തോമസ് വോട്ടെടുപ്പു കഴിഞ്ഞയുടന്‍ മണ്ഡലത്തിലുടനീളമുള്ള പോസ്റ്ററുകളും ഫ്‌ളെക്‌സ് ബോര്‍ഡുകളും നീക്കി നഗരം ശുചിയാക്കി മാതൃക കാട്ടി. എതിരാളിയുടെ ബോര്‍ഡുകളും അക്കൂട്ടത്തില്‍ പെട്ടുവെന്നതു വേറെ കാര്യം.
പശ്ചിമബംഗാളില്‍ മമതയുടെ തൃണമൂല്‍ കോണ്‍ഗ്രസ്, സിപിഎം- കോണ്‍ഗ്രസ് സഖ്യത്തിന്റെ മോഹങ്ങള്‍ കടപുഴക്കുകയും തമിഴ്‌നാട്ടില്‍ ജയലളിതയുടെ എഐഎഡിഎംകെ ശക്തമായി നിലയുറപ്പിക്കുകയും ചെയ്തതോടെ കമ്യൂണിസ്റ്റ് പാര്‍ട്ടിക്ക് ഇന്ത്യയില്‍ കേരളം മാത്രമാണ് ഇനിയൊരു പിടിവള്ളി. കേരളത്തില്‍ മന്ത്രിസഭാ രൂപീകരണത്തിനുള്ള ചര്‍ച്ചകള്‍ക്കായി പാര്‍ട്ടി ജനറല്‍ സെക്രട്ടറി സീതാറാം യെച്ചൂരിയും മുന്‍ സെക്രട്ടറി പ്രകാശ് കാരാട്ടും തിങ്കളാഴ്ച എത്തിച്ചേരും. ""ഇനിയെല്ലാം പാര്‍ട്ടി നിശ്ചയിക്കുംപോലെ'' -വി.എസ്. അച്യുതാനന്ദന്‍ അങ്ങനെയൊരു മുന്‍കൂര്‍ ജാമ്യമെടുത്തിട്ടുമുണ്ട്.
ഇടതുപക്ഷത്ത് മുഖ്യമന്ത്രിപദത്തിലേക്കു നടന്നടുക്കുന്ന പിണറായി വിജയന്‍ (72) ധര്‍മടത്ത് വമ്പിച്ച ഭൂരിപക്ഷം (36,958) നേടിയപ്പോള്‍ വി.എസ്. അച്യുതാനന്ദന്‍ മലമ്പുഴയില്‍ ഭൂരിപക്ഷം നേരിയ തോതില്‍ ഉയര്‍ത്തി (21,421). അവരോടൊപ്പം തോമസ് ഐസക് (ആലപ്പുഴ), സുരേഷ്കുറുപ്പ് (ഏറ്റുമാനൂര്‍), ഇ.പി. ജയരാജന്‍ (മട്ടന്നൂര്‍), കെ.കെ. ഷൈലജ (കൂത്തുപറമ്പ്), എം. സ്വരാജ് (തൃപ്പൂണിത്തുറ) തുടങ്ങിയവരും പതിന്നാലാം നിയമസഭയിലെത്തി. ഇതുവരെ കേരളം 15 തെരഞ്ഞെടുപ്പുകളാണ് അഭിമുഖീകരിച്ചത്. ഒരുതവണ നിയമസഭ വിളിച്ചുകൂട്ടിയതേയില്ല.
യു.ഡി.എഫില്‍ ഉമ്മന്‍ചാണ്ടി (പുതുപ്പള്ളി), കെ.സി. ജോസഫ് (ഇരിക്കൂര്‍), തിരുവഞ്ചൂര്‍ രാധാകൃഷ്ണന്‍ (കോട്ടയം), വി.കെ. ഇബ്രാഹിംകുട്ടി (കളമശേരി), കെ.എം. മാണി (പാലാ), പി.ജെ. ജോസഫ് (തൊടുപുഴ), രമേശ് ചെന്നിത്തല (ഹരിപ്പാട്), വി.എസ്. ശിവകുമാര്‍ (തിരുവനന്തപുരം), അടൂര്‍ പ്രകാശ് (കോന്നി), കെ.പി. അനില്‍കുമാര്‍ (വണ്ടൂര്‍), പി.കെ. കുഞ്ഞാലിക്കുട്ടി (വേങ്ങര), എം.കെ. മുനീര്‍ (കോഴിക്കോട് സൗത്ത്), മഞ്ഞളാംകുഴി അലി (മലപ്പുറം), പി.കെ. അബ്ദുറബ് (തിരൂരങ്ങാടി) എന്നിവരും വിജയം കണ്ടു. ചെങ്ങന്നൂരില്‍ പി.സി. വിഷ്ണുനാഥും ആറന്മുളയില്‍ ടി. ശിവദാസന്‍ നായരും യുഡിഎഫിനു നഷ്ടമായി. പക്ഷേ, അവരുടെ ശക്തനായ വി.ഡി. സതീശന്‍ (പറവൂര്‍) കടന്നുകൂടി.
പെരുമ്പാവൂരില്‍ ജിഷയുടെ കൊലപാതക കേസില്‍ അമ്മയുടെ ആരോപണത്തിനിരയായ സിപിഎം നിയമസഭാംഗം സാജു പോളിനെ യുഡിഎഫിലെ എല്‍ദോസ് കുന്നപ്പള്ളി കെട്ടുകെട്ടിച്ചതാണ് പ്രത്യേകതയുള്ളൊരു വിജയം. നിയമസഭയെ അലങ്കോലപ്പെടുത്തുന്നതില്‍ മുണ്ടുമുറുക്കിയുടുത്തു നടമാടിയ വി. ശിവന്‍കുട്ടിയെ നാട്ടുകാര്‍ കൈവിട്ടപ്പോള്‍ അതേ മേളയില്‍ ഒപ്പം നിന്ന ഇ.എസ്. ബിജിമോള്‍ പീരുമേട്ടില്‍ കഷ്ടിച്ചു കടന്നുകൂടി. തൃശൂരില്‍ പത്മജ വേണുഗോപാലിനെ തോല്പിച്ച സിപിഐയുടെ വി.എസ്. സുനില്‍കുമാര്‍ ആണ് മറ്റൊരു താരം.
കേരളം കണ്ടിട്ടുള്ള ഏറ്റവും മികച്ച പാര്‍ലമെന്റേറിയന്മാരില്‍ ഒരാളായ ഒ. രാജഗോപാല്‍ (കേന്ദ്ര റെയില്‍വേ സഹമന്ത്രിയായിരിക്കുമ്പോള്‍ അമൃത എക്‌സ്പ്രസ് ഉള്‍പ്പെടെ ഒരുപാടു നല്ല കാര്യങ്ങള്‍ നടപ്പാക്കിയ ആളാണ്) നേമത്ത് വിജയിച്ചുകൊണ്ട് ഒരിക്കല്‍ക്കൂടി ദേശീയശ്രദ്ധയാകര്‍ഷിച്ചു. 86ലെത്തിയ അദ്ദേഹം ഇതു തന്റെ അവസാനത്തെ മത്സരമായിരിക്കുമെന്നു പ്രഖ്യാപിച്ചതാണ്. ബിജെപിയുടെ കൊടിപിടിക്കാന്‍ സിനിമാതാരം സുരേഷ് ഗോപിയെ രംഗത്തിറക്കിയിരുന്നെങ്കിലും രാജഗോപാല്‍ നേടിയ 8600ല്‍പരം വോട്ടിന്റെ ഭൂരിപക്ഷത്തിലധികവും സ്വന്തം വ്യക്തിപ്രാഭവംകൊണ്ടു നേടിയതാണെന്നതില്‍ സംശയമില്ല.
വട്ടിയൂര്‍ക്കാവില്‍ മുന്‍ പാര്‍ലമെന്റംഗം ടി.എന്‍. സീമയെ മൂന്നാം സ്ഥാനത്തേക്കു പിന്തള്ളിക്കൊണ്ട് ബി.ജെ.പി പ്രസിഡന്റ് കുമ്മനം രാജശേഖരന്‍ സമാഹരിച്ച വോട്ടുകള്‍ പ്രതീക്ഷകള്‍ക്കതീതമായിരുന്നു. കെ. മുരളീധരനുമായി ശക്തമായ മത്സരം നടത്താന്‍ കുമ്മനത്തിനായി. ""ഇവിടെ നില്‍ക്കുന്നതു വലിയ റിസ്കായിരിക്കുമെന്ന് എന്റെ വീട്ടുകാര്‍ തന്നെ പറഞ്ഞതാണ്. പക്ഷേ, ജനം എന്റെകൂടെ നിന്നു; നന്ദിയുണ്ട്'' - ഫോട്ടോഫിനിഷ് വിജയത്തെക്കുറിച്ചു മുരളി ആഹ്ലാദം പൂണ്ടു.
സിനിമാതാരങ്ങളില്‍ മുകേഷും (കൊല്ലം) കെ.ബി. ഗണേഷ്കുമാറും (പത്തനാപുരം) അനായാസം ജയിച്ചപ്പോല്‍ ജഗദീഷും ഭീമന്‍ രഘുവും രാഷ്ട്രീയത്തില്‍ താരങ്ങളല്ലാതായി. ഒപ്പം, ബിജെപി ടിക്കറ്റില്‍ മത്സരിച്ച രാജസേനന്റെ പൊടിപോലും കണ്ടില്ല. മാധ്യമപ്രതിഭകളില്‍ നികേഷ്കുമാര്‍ അഴിക്കോട്ട് ഇഞ്ചോടിഞ്ചു പോരാടി കെ.എം. ഷാജിയോടു പരാജയം വാങ്ങിയപ്പോള്‍, ആറന്മുളയില്‍ വീണാ ജോര്‍ജ്, പ്രാമാണികനായ കെ. ശിവദാസന്‍ നായരെ തറപറ്റിച്ചുകൊണ്ട് ശ്രദ്ധേയയായി. പറവൂരില്‍ മുന്‍ മുഖ്യമന്ത്രി പി.കെ. വാസുദേവന്‍ നായരുടെ മകള്‍ ശാരദാ മോഹനെ തോല്പിച്ച വി.ഡി. സതീശനും, ഉദുമയില്‍ കെ. സുധാകരനോടു പടവെട്ടി ജയിച്ച സിറ്റിംഗ് എംഎല്‍എ കെ. കുഞ്ഞിരാമനും ശ്രദ്ധിക്കപ്പെട്ടു. സി.കെ. നാണു ജയിച്ച വടകരയില്‍ കെ.കെ. രമ 20,504 വോട്ടു പിടിച്ചതാണ് ഒഞ്ചിയത്തെ കണ്ണീരിന്റെ ശക്തി.
കൊല്ലം, ആലപ്പുഴ ജില്ലകളില്‍ യു.ഡി.എഫ് പാടേ തകര്‍ന്നു. ഈ തെരഞ്ഞെടുപ്പ് ആര്‍.എസ്.പി.യുടെയും പുതുതായി പൊട്ടിമുളച്ച ജനാധിപത്യ കേരള കോണ്‍ഗ്രസിന്റെയും കഥകഴിച്ചു. യു.ഡി.എഫിന്റെ കോട്ടയായിരുന്ന വയനാട് കൈവിട്ടുപോയി. മാനന്തവാടിയില്‍ പി.കെ. ജയലക്ഷ്മിയും കല്‍പ്പറ്റയില്‍ ശ്രേയാംസ്കുമാറും പരാജയപ്പെട്ടപ്പോള്‍ സി.കെ. ജാനു മത്സരിച്ച സുല്‍ത്താന്‍ബത്തേരിയില്‍ ടി.സി. ബാലകൃഷ്ണന്‍ ഒരിക്കല്‍ക്കൂടി യുഡിഎഫിന്റെ മാനം കാത്തു.
എസ്എന്‍ഡിപിയുടെ ആസ്ഥാനമായ കൊല്ലത്തും, അവര്‍ക്ക് അംഗബലമുള്ള ആലപ്പുഴയിലും തൃശൂരിലെ പോക്കറ്റുകളിലും മറ്റും ബിജെഡിഎസിന് യാതൊരു സ്വാധീനവും പ്രകടിപ്പിക്കാനായില്ല. ഉദാഹരണത്തിന്, കുമരകവും തിരുവാര്‍പ്പും അടങ്ങിയ ഏറ്റുമാനൂര്‍ മണ്ഡലത്തില്‍ സുരേഷ്കുറുപ്പാണ് ഉജ്വലവിജയം നേടിയത്.
ഈ തെരഞ്ഞെടുപ്പില്‍ കണ്ട മറക്കാനാവാത്ത ദൃശ്യങ്ങളിലൊന്ന് ആലപ്പുഴയിലും വയനാട്ടിലും പുതിയ വോട്ടര്‍മാരെ ആകര്‍ഷിക്കാന്‍ പ്ലാവിന്‍തൈകളും മറ്റു ഫലവൃക്ഷത്തൈകളും പോളിംഗ് ദിവസം വിതരണം ചെയ്തു എന്നതാണ്. തൃക്കാക്കരയില്‍ സെബാസ്റ്റ്യന്‍ പോളിനെ തോല്പിച്ച പി.ടി. തോമസ് വോട്ടെടുപ്പു കഴിഞ്ഞയുടന്‍ മണ്ഡലത്തിലുടനീളമുള്ള പോസ്റ്ററുകളും ഫ്‌ളെക്‌സ് ബോര്‍ഡുകളും നീക്കി നഗരം ശുചിയാക്കി മാതൃക കാട്ടി. എതിരാളിയുടെ ബോര്‍ഡുകളും അക്കൂട്ടത്തില്‍ പെട്ടുവെന്നതു വേറെ കാര്യം.
പശ്ചിമബംഗാളില്‍ മമതയുടെ തൃണമൂല്‍ കോണ്‍ഗ്രസ്, സിപിഎം- കോണ്‍ഗ്രസ് സഖ്യത്തിന്റെ മോഹങ്ങള്‍ കടപുഴക്കുകയും തമിഴ്‌നാട്ടില്‍ ജയലളിതയുടെ എഐഎഡിഎംകെ ശക്തമായി നിലയുറപ്പിക്കുകയും ചെയ്തതോടെ കമ്യൂണിസ്റ്റ് പാര്‍ട്ടിക്ക് ഇന്ത്യയില്‍ കേരളം മാത്രമാണ് ഇനിയൊരു പിടിവള്ളി. കേരളത്തില്‍ മന്ത്രിസഭാ രൂപീകരണത്തിനുള്ള ചര്‍ച്ചകള്‍ക്കായി പാര്‍ട്ടി ജനറല്‍ സെക്രട്ടറി സീതാറാം യെച്ചൂരിയും മുന്‍ സെക്രട്ടറി പ്രകാശ് കാരാട്ടും തിങ്കളാഴ്ച എത്തിച്ചേരും. ""ഇനിയെല്ലാം പാര്‍ട്ടി നിശ്ചയിക്കുംപോലെ'' -വി.എസ്. അച്യുതാനന്ദന്‍ അങ്ങനെയൊരു മുന്‍കൂര്‍ ജാമ്യമെടുത്തിട്ടുമുണ്ട്.
പിണറായിയുടെ ചുവപ്പുകോട്ടയില് താമര വിരിയിച്ച ഒ. രാജഗോപാല്‍.
ജനനായകര് പിണറായിയും വി.എസും.
ജനവിധി മാനിക്കുന്നു: ഉമ്മന്ചാണ്ടിയും കുഞ്ഞാലിക്കുട്ടിയും.
ഞാന്‍ പാവങ്ങളുടെ പടത്തലവന്: പൂഞ്ഞാറില് പി.സി. ജോര്‍ജ്.
താരോദയം: മുകേഷും വീണാ ജോര്‍ജും.
വട്ടിയൂര്‍ക്കാവില്‍ ഫോട്ടോ ഫിനിഷ്: കെ. മുരളീധരന്.
വനിതകളുടെ ശബ്ദം: കെ.കെ. ഷൈലജ.
തൃപ്പൂണിത്തുറയില് കെ. ബാബുവിനെ തറപറ്റിച്ച എം. സ്വരാജ്; വൈക്കത്തെ പുതുമുഖം സി.കെ. ആശ.
ഈ കടക്കെണിയില്നിന്നെങ്ങനെ കരകയറും: തോമസ് ഐസക്.
പുതുവോട്ടര്മാര്ക്ക് ഫലവൃക്ഷത്തൈകള്: ആലപ്പുഴയിലും വയനാട്ടിലും.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala