ഇറാനില്‍ നിന്ന്‌ എണ്ണ ഇറക്കുമതി തുടരുമെന്ന്‌ ധനമന്ത്രി പ്രണബ്‌ മുഖര്‍ജി

ഷിക്കാഗോ : ഇറാനില്‍ നിന്ന്‌ എണ്ണ ഇറക്കുമതി തുടരുമെന്ന്‌ ധനമന്ത്രി പ്രണബ്‌ മുഖര്‍ജി വെളിപ്പെടുത്തി. അമേരിക്കന്‍ സന്ദര്‍ശനത്തിനിടെ ഷിിക്കാഗോയില്‍ വാര്‍ത്താലേഖകരോട്‌ സംസാരിക്കുകയായിരുന്നു അദ്ദേഹം. ഇറാന്‍ ആണവായുധങ്ങള്‍ വികസിപ്പിക്കുന്നുവെന്നാരോപിച്ച്‌ ഇറാനെതിരേ ഉപരോധനം ഏര്‍പ്പെടുത്തുന്നതിനിടയിലാണ്‌ പ്രണബിന്റെ വെളിപ്പെടുത്തല്‍.

അമേരിക്കന്‍ കമ്പനികള്‍ നല്‍കുന്ന പുറംജോലിക്കരാറുകള്‍ നിര്‍ത്തലാക്കരുത്‌. പുറംജോലിക്കരാര്‍ നിര്‍ത്തലാക്കിയാല്‍ ഇന്ത്യയുടെ മാത്രമല്ല യുഎസിന്റെ സാമ്പത്തിക വ്യവസ്ഥയെയും ബാധിക്കുമെന്നും പ്രണാബ്‌ പറഞ്ഞു.