ന്യൂഡല്‍ഹി: ശിക്ഷാ കാലാവധി പൂര്‍ത്തിയാക്കിയ 54 പാക്കിസ്ഥാന്‍ തടവുകാരെ ഉടന്‍ മോചിപ്പിക്കണമെന്ന് സുപ്രിംകോടതി. ഒരു മാസത്തിനുള്ളില്‍ ഇവരുടെ വിടുതല്‍ നടപടികള്‍ പൂര്‍ത്തിയാക്കണമെന്ന് ജസ്റ്റീസ് ആര്‍.എല്‍.ലോധ, എച്ച്.എല്‍ ഗോഖലെ എന്നിവരടങ്ങിയ ഡിവിഷന്‍ ബഞ്ച് ഉത്തരവിട്ടു. 

ഭരണഘടനയുടെ 21-ാം ആര്‍ട്ടിക്കിള്‍ പ്രകാരവും യുഎന്‍ മനുഷ്യാവകാശ നിയമ പ്രകാരവും തടവുകാര്‍ക്ക് മാനുഷിക പരിഗണന നല്‍കുകയും അവരുടെ വ്യക്തി സ്വാതന്ത്യത്തെ മാനിക്കുകയും ചെയ്യണമെന്നും സുപ്രീംകോടതി വ്യക്തമാക്കി. ഈ ഉത്തരവ് മറ്റു രാജ്യങ്ങളില്‍ നിന്നുള്ള വിചാരണ തടവുകാര്‍ക്കും ബാധകമാണ്.

കഴിഞ്ഞ വര്‍ഷം സര്‍ക്കാര്‍ പുറത്തുവിട്ട കണക്കനുസരിച്ച് 365 പാക്കിസ്ഥാന്‍ തടവുകാരാണ് ഇന്ത്യന്‍ ജയിലുകളിലുള്ളത് ഇതില്‍ പലരുടെയും ശിക്ഷാകാലവധി നേരത്തെ പൂര്‍ത്തിയായതാണ്.