ലാനയുടെ പല സമ്മേളനങ്ങളിലും നിറ സാന്നിദ്ധ്യമായിരുന്ന കഥാകാരന്‍, അക്ബര്‍ കക്കട്ടിലിന്റെ നിര്യാണത്തില്‍ ലാനയുടെ അനുശോചനം. 2014 ല്‍ ലാന നടത്തിയ കേരള കണ്‍വന്‍ഷന്‍ വിജയിപ്പിക്കുവാന്‍, കേരള സാഹിത്യ അക്കാദമി വൈ.പ്രസിഡന്റ് എന്നനിലയില്‍ അദ്ദേഹം നല്‍കിയ പിന്തുണയും, സഹകരണവും ഇവിടെ നന്ദിപൂര്‍വ്വം സ്മരിക്കുന്നു. പ്രിയ സുഹൃത്തിന്റെ ദേഹവിയോഗത്തില്‍ അത്യധികം വ്യസനം രേഖപ്പെടുത്തുന്നു. അദ്ദേഹത്തിന്റെ വേര്‍പാട് ലാന കുടുംബത്തിന്റെ നഷ്ടമായ് ഞങ്ങള്‍ കരുതുന്നു. സരസമായ ആഖ്യാന ശൈലിയിലൂടെ വായനക്കാരേയും, ശ്രോതാക്കളേയും വളരെ വേഗം സ്വന്തമാക്കുവാന്‍ അക്ബര്‍ മാഷിന് പ്രത്യേകമായ കഴിവ് ഉണ്ടായിരുന്നുയെന്നത് ഇവിടെ സ്മരിക്കുകയാണ്. ലാനാ കുടുംബാംഗങ്ങളുടെ കൂട്ടായ അനുശോചനം ഒരിക്കല്‍ക്കൂടി നേരുന്നു. ലാന പ്രസിഡന്റ് ജോസ് ഓച്ചാലില്‍, സെക്രട്ടറി ജെ.മാത്യൂസ്, ട്രഷറര്‍ ജോസന്‍ ജോര്‍ജ് എന്നിവര്‍ ചേര്‍ന്ന് അറിയിക്കുന്നു.