ജോര്‍ജ്ജിന്റെ സെലിന് തമിഴില്‍ തിരക്കേറുന്നു; തൃഷയോട് മത്സരിക്കാന്‍ ധനുഷിനൊപ്പം മഡോണ
Published on 11 February, 2016
കേരളത്തില്‍ പ്രേമത്തിലെ മലര്‍ മിസ് തരംഗമായപ്പോള്‍ തമിഴ് നാട്ടുകാര്‍ ശ്രദ്ധിച്ചത് സെലിനെയാണ്. മൂന്ന് നായികമാരില്‍ തമിഴകത്ത് ഹിറ്റായതും സെലിനായി എത്തിയ മഡോണ സെബാസ്റ്റിന്‍ തന്നെ.
പ്രേമത്തിന് ശേഷം സെലിന് വന്ന അവസരങ്ങളും തമിഴകത്തു നിന്നാണ്. വിജയ് സേതുപതിയ്‌ക്കൊപ്പം അഭിനയിച്ച 'കാതലും കടന്ത് പോകും' എന്ന ചിത്രം റിലീസിന് തയ്യാറെടുക്കുകയാണ്. അതിന് മുമ്പിതാ അടുത്ത ചിത്രവും.
ധനുഷാണ് ചിത്രത്തിലെ നായകനായി എത്തുന്നതെന്നമാണ് പ്രേക്ഷകരെ ആകാംക്ഷഭരിതരാക്കുന്നത്.ചിത്രത്തില്‍ മറ്റൊരു കേന്ദ്ര കഥാപാത്രത്തെ അവതരിപ്പിയ്ക്കുന്നത് തൃഷയാണ്. നേരത്തെ ഈ റോളിന് വേണ്ടി പരിഗണിച്ചിരുന്നത് ശ്യാമിലിയെയായിരുന്നു.
വണ്ടര്‍ബാര്‍ ഫിലിംസിന്റെ ബാനറില്‍ ധനുഷ് തന്നെയാണ് ചിത്രം നിര്‍മിയ്ക്കുന്നത്. സന്തോഷ് നാരായണന്‍ സംഗീത സംവിധാനം നിര്‍വ്വഹിയ്ക്കുന്ന ചിത്രത്തിന് വേണ്ടി ക്യാമറ ചലിപ്പിയ്ക്കുന്നത് വെങ്കടേഷാണ്.
മലയാളത്തില്‍ ജനപ്രിയ നായകനൊപ്പം കിങ് ലയര്‍ എന്ന ചിത്രത്തിലാണ് മഡോണ ഇപ്പോള്‍ അഭിനയിച്ചുകൊണ്ടിരിയ്ക്കുന്നത്. വര്‍ഷങ്ങള്‍ക്ക് ശേഷം സിദ്ദിഖ് ലാല്‍ കൂട്ടുകെട്ട് വീണ്ടുമൊന്നിയ്ക്കുന്നതാണ് ചിത്രത്തിന്റെ പ്രത്യേകത
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala