'കുമ്മാട്ടി' എന്ന കുട്ടികളുടെ ചിത്രത്തിനു ശേഷം അമേരിക്കന്‍ മലയാളികള്‍ അണിയിച്ചൊരുക്കുന്ന 'മഴയിതള്‍പ്പൂവുകള്‍' എന്ന ഹൃസ്വചിത്രത്തിന്റെ നിര്‍മ്മാണം പൂര്‍ത്തിയായിവരുന്നു. 'Alternane Dimension Studios' നിര്‍മ്മിക്കുന്ന ഈ ചിത്രത്തില്‍ അഭിനയിച്ചിരിക്കുന്നവര്‍  ദൃശ്യ രഘുറാം & അര്‍ച്ചിത് ഭാസ്‌കരന്‍. കഥയും വരികളും എഴുതിയിരിക്കുന്നത് ആര്‍ഷ അഭിലാഷ്. സംഗീതം നിര്‍വ്വഹിച്ചിരിക്കുന്നത് എം. എസ് സുഖി. ഗാനങ്ങള്‍  ആലപിച്ചിരിക്കുന്നത് രാജേഷ് രവീന്ദ്രന്‍, ഇന്ദു രമേഷ് & എം. എസ് സുഖി.

അമേരിക്കയില്‍ വിസ്‌കോണ്‍സിനിലെ പല ഭാഗങ്ങളിലായി ചിത്രീകരിച്ച ഈ ഹൃസ്വചിത്രം സംവിധാനം ചെയ്തിരിക്കുന്നത് രമേഷ് കുമാര്‍. അസ്സോസ്സിയേറ്റ് ഡയറക്റ്റര്‍  റോഷി ഫ്രാന്‍സിസ്. കാമറയ്ക്കു പിന്നില്‍ പ്രവര്‍ത്തിച്ചിരിക്കുന്നതും ഇവര്‍ രണ്ടുപേരും തന്നെ.

പ്രണയവും ദുഃഖവും ഇടകലര്‍ന്ന സംഗീതാത്മകമായ ഈ ചിത്രം നിങ്ങളുടെ കൈരളി TVയില്‍ പ്രക്ഷേപണം ചെയ്യുന്നു... പ്രക്ഷേപണ സമയങ്ങള്‍ February 13th 3:00 pm (EST) & February 14th  7:30 pm (EST).