ന്യൂഡല്‍ഹി: ഇന്റര്‍നാഷനല്‍ കൗണ്‍സില്‍ ഓഫ്‌ നഴ്‌സസില്‍ (ഐസിഎന്‍) ഇന്ത്യ അംഗമായി. നഴ്‌സുമാരുടെ ആഗോള സംഘടനയാണിത്‌. പ്രവാസി നഴ്‌സുമാരുടെ പ്രശ്‌നങ്ങളിലും ഈ മേഖലയില്‍ നടക്കുന്ന ഗവേഷണ നിരീക്ഷണങ്ങളുടെ വിവിരങ്ങള്‍ ഇതോടെ ഇന്ത്യയ്‌ക്കും ലഭ്യമാകും. ആന്റോ ആന്റണി എംപി പാര്‍ലമെന്റില്‍ ഉന്നയിച്ചതിനെത്തുടര്‍ന്നാണ്‌ കേന്ദ്ര സര്‍ക്കാര്‍ ഇതിനു മുന്‍കൈയെടുത്തത്‌. ഡിസംബറില്‍ ഐസിഎന്‍ ചീഫ്‌ എക്‌സിക്യൂട്ടീവ്‌ ഡേവിഡ്‌ ബ്രന്റനുമായി ആന്റോ ആന്റണി ഡല്‍ഹിയില്‍ ചര്‍ച്ച നടത്തിയിരുന്നു.