എന്ന് നിന്റെ മൊയ്തീന് എന്ന ചിത്രത്തിന് ശേഷം ആര് എസ് വിമലും പൃഥ്വിരാജും ഒന്നിയ്ക്കുന്ന ചിത്രത്തില് സായി പല്ലവി നായികയായെത്തുന്നു എന്ന് വാര്ത്തകളുണ്ടായിരുന്നു. എന്നാല് വാര്ത്ത സംവിധായകന് നിഷേധിച്ചു.
പൃഥ്വിരാജ് ഉറപ്പായും സിനിമയില് ഉണ്ടെന്നും നായിക സായി പല്ലവി അല്ല എന്നും വിമല് പറയുന്നു. തന്റെ കാഴ്ചപ്പാടിലെ മഹാഭാരത കഥയാണ് സിനിമയില് പറയുന്നതെന്നും വിമല് പറഞ്ഞു.
സിനിമയുടെ കഥ വികസിപ്പിയ്ക്കാനായി ചരിത്ര വഴികളിലൂടെ ഞാന് യാത്ര നടത്തിയിരുന്നു. അവിടെ പഴമയുടെ ശേഷിപ്പുകളോ അടയാളങ്ങളോ ഒന്നും തന്നെയില്ല. കൃഷ്ണന് ഗീതോപദേശം നടത്തിയെന്ന് പറയപ്പെടുന്ന സ്ഥലത്ത് ഒരു ആല്മരം മാത്രമാണുള്ളത്.