ഭുവനേശ്വര്: ഒഡീഷ്യയില് വിവാദമായ കൂട്ടബലാത്സംഗ കേസിലെ പ്രതികളെ
സംരക്ഷിക്കുന്നുവെന്ന് ആരോപണം ഉയര്ന്ന കൃഷി മന്ത്രി പ്രദീപ് മഹാരതി
രാജിവെച്ചു. മുഖ്യമന്ത്രി നവീന് പട്നായിക്കിന്റെ നിര്ദേശത്തെ
തുടര്ന്നാണ് രാജി. കഴിഞ്ഞ നവംബര് 28ന് അര്ജുനഗോഡ ഗ്രാമത്തില് ഒരു
പെണ്കുട്ടി കൂട്ടബലാത്സംഗത്തിനിരയായ സംഭവമാണ് രാജിയിലേക്ക് നയിച്ചത്.
പ്രദീപ് മഹാരതി പ്രതിനിധാനം ചെയ്യുന്ന പിപിലി മണ്ഡലത്തില് പെടുന്നതാണ്
അര്ജുനഗോഡ. കുറ്റക്കാരായ പ്രതികളെ മന്ത്രി സംരക്ഷിക്കുന്നുവെന്ന്
ആരോപിച്ച് പ്രതിപക്ഷം കടുത്ത പ്രതിഷേധം ഉയര്ത്തിയിരുന്നു. കുറ്റക്കാരായവരെ
മാസങ്ങള് കഴിഞ്ഞിട്ടും പിടികൂടാത്തതും പീഢനത്തിനിരയായി ആസ്പത്രിയില്
കഴിയുന്ന പെണ്കുട്ടിക്ക് മെച്ചപ്പെട്ട ചികിത്സ പോലും നിഷേധിക്കുന്നതായി
ആരോപണം ഉയര്ന്നിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല