ഋഷി എന്നതുകൊണ്ട്‌ വേദമന്ത്രങ്ങളുടെ കര്‍ത്താവ് അഥവാ സൃഷ്ടാവ്  സാക്ഷാത്കാരം സിദ്ധിച്ച കവി അല്ലെങ്കില്‍ താപസന്‍ എന്ന് മാത്രമല്ല അർത്ഥമാക്കുന്നത് ഋഷിധര്‍മങ്ങളായ (1. ബ്രഹ്മചര്യം, 2. സദാസത്യം, 3. ജപം, 4. ജ്ഞാനം, 5. നിയമം, 6. ധര്‍മബോധം എന്നീ ഷഡ്ധര്‍മങ്ങള്‍ എന്നിവ പാലിക്കുന്നവരായിരിക്കണം.  ഇവർ സാമൂഹ്യ പരിഷ്ക്കർത്താക്കൾകൂടി ആയിരിക്കണം.  മനുഷ്യന്റെ ചിന്തകളെ ഉദ്ദീപിപ്പിച്ചു, ചിന്തിപ്പിച്ചു സമൂഹത്തിൽ മാറ്റം വരുത്തുവാൻ തക്കവണ്ണം ഇവരുടെ വാക്കുകൾക്ക് ശക്തിയുണ്ടായിരിക്കണം .  അതുകൊണ്ടാണ് ഇന്നും അവരെക്കുറിച്ച് നാം എഴുതുകയും പറയുകയും ചെയ്യുന്നത്  ഷഡ്ധര്‍മങ്ങള്ളേയും സാമൂഹ്യപ്രതിബദ്ധതേയും മാറ്റി നിറുത്തി ഋഷി എന്ന വാക്കിന്റെ അർത്ഥത്തെ നിർവചിക്കാൻ ഞാൻ ഒരുക്കമല്ല.  ഇന്നത്തെ എഴുത്തുകാരും കവികളും ഒരു തെറ്റായ മാനദണ്ഡത്തെ ആസ്പദമാക്കിയാണ് അവരുടെ രചനകൾ നടത്തുന്നത്.  അവരിൽ  ഷഡ്ധര്‍മങ്ങള്‍പോയിട്ട് ഒരു ധർമ്മം പോലും കാണാനില്ല.  ആധുനീകോം ഉത്തരാധുനീകോം കൊണ്ടുവന്ന് സാമൂഹത്തിൽ നിന്ന് സ്വയം മാറ്റി നിറുത്തി എന്തൊക്കയോ പിച്ചും പേയും പറയന്നവരായി മിക്ക എഴുത്തുകാരും.  ജീവിത സുഖസൗകര്യങ്ങളുടെ നടുവിൽ ജീവിക്കുമ്പോളാണ് ഇത്തരം പ്രസ്ഥാനങ്ങൾ ഉടലെടുക്കുന്നത്.  അമേരിക്കയിലെ ഇത്തരക്കാരെ കാണുന്നതിൽ അത്ഭുതപ്പെടാനില്ല.  അമേരിക്കയിലെ സാഹിത്യകാരന്മാർ അവരുടെ ഉൽപ്പന്നങ്ങളായ രചനകളെ വായനക്കാരുടെ ഇടയിൽ പ്രചരിപ്പിക്കാൻ ശ്രമിക്കുന്നത് ഒരു വിപണന മനോഭാവത്തോടെയാണ്. അതിനായി അവർ സാങ്കേതിക വിദ്യകൾ ഉപയോഗിക്കുന്നു.  ആ ശ്രമത്തിൽ അവരുടെ ഉൽപ്പന്നങ്ങളിൽ പലതരത്തിലുള്ള മായം ചേരുന്നു.  നിങ്ങളെപോലെ ഭാഷാ സാഹിത്യത്തിൽ പ്രവീണരായവർ ഒരു ഋഷി മനോഭാവത്തോടെ നിലകൊള്ളുമ്പോൾ കള്ളകമ്മട്ടങ്ങളായ സാഹിത്യകാർന്മാർക്ക് അതൊരു വലിയ തടസ്സമായി വരും.  നാട്ടിൻ പുറങ്ങളിലെ വയലിലെ ഒരു നോക്ക്കുത്തിപോലെ നിന്നാൽ മതി ഇവറ്റകൾ വഴിമാറി പൊയ്ക്കൊള്ളും 

അടിക്കുറിപ്പ്.  ശ്രീനാരായണ ഗുരു ഋഷി തുല്യനായ വ്യക്തിയായിരുന്നു. അദ്ദേഹത്തിൻറെ സാഹിത്യ സൃഷ്ടികളും പ്രവർത്തികളും സാമൂഹ്യ പരിവർത്തനവുംമായി ബന്ധപ്പെട്ടിരുന്നു.