ന്യൂഡല്‍ഹി: ഡല്‍ഹിയില്‍ സൈനികന്‍ സ്വയം വെടിവെച്ച്‌ മരിച്ചു. രവികുമാറിനെ (28) തെക്കന്‍ ഡല്‍ഹിയിലെ നരെയ്‌നയിലെ ഓഫീസ്‌ മുറിയ്‌ക്കു പുറത്താണ്‌ മരിച്ചനിലയില്‍ കണ്ടെത്തിയത്‌. സ്വന്തം സര്‍വീസ്‌ തോക്ക്‌ ഉപയോഗിച്ച്‌ കഴുത്തില്‍വെടിവച്ചാണ്‌ രവികുമാര്‍ ജീവനൊടുക്കിയതെന്ന്‌ സൈനിക കേന്ദ്രങ്ങള്‍ വ്യക്തമാക്കി. ഗുരുതരമായി പരിക്കേറ്റ ഇയാളെ ആശുപത്രിയില്‍ പ്രവേശിപ്പിച്ചെങ്കിലും മരണമടയുകയായിരുന്നു. സംഭവത്തേക്കുറിച്ച്‌ സൈനിക തലത്തില്‍ അന്വേഷണം ആരംഭിച്ചു.