ആകാശങ്ങളില് അങ്കലാപ്പ്
കരച്ചില്, പല്ലുകടി
ടേക്കോഫ് മുതല് തുടങ്ങിയ
കുഞ്ഞുങ്ങളുടെ രോദനം
ഇരട്ടക്കുട്ടികളുടെ അച്ചനിരുന്നു
തേങ്ങുന്നു
അമ്മയ്ക്കൊരു പകരക്കാരനാവാനയാള്ക്കാവില്ലല്ലോ
കാന്ഡി
കൊടുത്തുനോക്കി- `നോ'
കളിപ്പാട്ടങ്ങള് കൊടുത്തു- `നോ' `നോ'
പട്ടിക്കുട്ടിയുടെ പടം
കാട്ടിക്കൊടുത്തു- `നോ' `നോ' `നോ'
ഒടുവില് നറുപുഞ്ചിരിയുമായി
അവളെത്തി-
ആകാശത്തിലെ ആതിഥേയ
കയ്യില് `ചിക്കാ ചിക്കാ ബൂം ബൂം'
കരച്ചില്
മെല്ലെ കുസൃതിച്ചിരിക്ക് വഴിമാറി
അച്ചന് ലഭിച്ചു ചാച്ചാജിയുടെ `ഡിസ്കവറി ഓഫ്
ഇന്ത്യ'
അടുത്ത സീറ്റിലെ കുറുമ്പിക്ക് കിട്ടി, `ആലീസ് ഇന്
വണ്ടര്ലാന്റ്'
സ്മോളടിച്ചുകൊണ്ടിരുന്നൊരച്ചായന് ചോദിച്ചു വാങ്ങി, `ഗോഡ്
ഓഫ് സ്മോള് തിംഗ്സ്'
അപ്പുറത്തിരുന്നൊരമ്മായിക്ക് വേണ്ടത്
`ഐതിഹ്യമാല'
ആകാശത്തൊരു അക്ഷരസദ്യ
കലവറ ഒരു പുസ്തകപ്പുര
വിളമ്പാന് സഹൃദയ
സുന്ദരി
ആകാശസുന്ദരി.