ജോര്ജ് മണ്ണിക്കരോട്ടിന്റെ പുതിയ പുസ്തകം `മാറ്റമില്ലാത്ത മലയാളികള്' പ്രകാശനം ചെയ്തു.
എ.സി. ജോര്ജ്Published on 08 May, 2015
ഹ്യൂസ്റ്റന്: പ്രസിദ്ധ അമേരിക്കന് മലയാളി സാഹിത്യകാരനായ ജോര്ജ്
മണ്ണിക്കരോട്ടിന്റെ ഏറ്റവും പുതിയ കൃതിയായ `മാറ്റമില്ലാത്ത മലയാളികള്' പ്രകാശനം
ചെയ്തു. അദ്ദേഹത്തിന്റെ പുതിയ പത്തൊന്പത് ചിന്തോദ്ദീപകങ്ങളും പഠനാര്ഹവുമായ
ലേഖനങ്ങളുടെ ഒരു സമാഹാരമാണ് ഈ കൃതി. കഴിഞ്ഞ ഏപ്രില് 27ന് തിരുവനന്തപുരത്ത്
നടന്ന ലളിതമായ ചടങ്ങില് കേരള സാഹിത്യ അക്കാദമി ചെയര്മാന് പെരുമ്പടവം ശ്രീധരന്
പുസ്തകത്തിന്റെ കോപ്പി ഭരത് ഭവന് സെക്രട്ടറി സതീഷ് ബാബു പയ്യന്നൂരിന് നല്കി
പ്രകാശനം നിര്വഹിച്ചു.
ജോര്ജ് മണ്ണിക്കരോട്ട് വളരെ കഴിവുള്ള
ഒരെഴുത്തുകാരനാണെന്നും പ്രത്യേകിച്ച് അദ്ദേഹത്തിന്റെ `അമേരിക്കയിലെ മലയാള സാഹിത്യ
ചരിത്രം' എന്ന പുസ്തകം അമേരിക്കയില് മാത്രമല്ല കേരളത്തില് വളരെ
ശ്രദ്ധിക്കപ്പെട്ടിട്ടുണ്ടെന്നും അത് ഒരു റഫറന്സ് ഗ്രന്ഥമായി
ഉപയോഗിക്കുന്നുണ്ടെന്നും പെരുമ്പടവം അഭിപ്രായപ്പെട്ടു. മണ്ണിക്കരോട്ടിന്റെ
`മാറ്റമില്ലാത്ത മലയാളി'കളിലെ ലേഖനങ്ങള് ഓരോന്നും ഓരോ അന്വേഷണങ്ങളും പഠനങ്ങളും
വസ്തുതകളുമാണെന്നും, അതൊക്കെ ചര്ച്ച ചെയ്യപ്പെടുമെന്നും വിമര്ശിക്കപ്പെടുമെന്നും
സതീഷ് ബാബു പയ്യന്നൂര് അഭിപ്രായപ്പെട്ടു. ഗ്രെയിറ്റര് ഹ്യൂസ്റ്റന് നിവാസിയായ
ജോര്ജ് മണ്ണിക്കരോട്ട് നിലവില് ഹ്യൂസ്റ്റന് കേന്ദ്രമായി പ്രവര്ത്തിക്കുന്ന
മലയാളം സൊസൈറ്റിയുടെ പ്രസിഡന്റു കൂടിയാണ്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല