chintha-matham

വത്തിക്കാനിലെ വിവാഹാർത്ഥി സംഗമം

Published

on


വിവാഹം നിത്യം നിലനിൽക്കേണ്ട ബന്ധമാണെന്ന് ഫ്രാൻസിസ് പാപ്പ വിവാഹാർത്ഥികളെ ഓർമ്മിപ്പിക്കുന്നു. ഫെബ്രുവരി 14ന് വത്തിക്കാനിൽ വിവാഹാർത്ഥികളുടെ സംഗമത്തില്‍ സംസാരിക്കുകയായിരുന്നു പാപ്പ. ലോകമെമ്പാടും നിന്നെത്തിയ ഇരുപതിനായിരത്തിലേറെ വിവാഹാർത്ഥികൾ സംഗമത്തില്‍ പങ്കെടുത്തു. 
ജീവിത കാലം മുഴുവൻ നീണ്ടു നിൽക്കേണ്ട പവിത്രബന്ധമാണ് വിവാഹം. അതിന്‍റെ അടിസ്ഥാനം യഥാർത്ഥ സ്നേഹമാണ്. ക്ഷണിക വികാരമോ, ശാരീരികമോ മാനസികമോ ആയ അവസ്ഥയോ അല്ല സ്നേഹം. അതൊരു പരസ്പര ബന്ധമാണ്. പരസ്പരം സഹായിച്ചും തണലേകിയും അനോന്യം വളർത്തുന്ന മനോഹരമായൊരു ബന്ധം. ഒരുഭവനം നിർമ്മിക്കുന്നതുപോലെ സാവധാനവും സൂക്ഷമതയോടു കൂടിയും പടുത്തുയർത്തേണ്ട പരസ്പരബന്ധമാണത്. ക്ഷണിക വികാരങ്ങളാകുന്ന മണലിലാണ് ഈ ഭവനം പണിയുന്നതെങ്കില്‍ അത് താമസിയാതെ തകർന്നു തരിപ്പണമാകും. അതേസമയം, ദൈവിക ദാനമായ യഥാർത്ഥ സ്നേഹത്തിന്‍റെ പാറമേൽ ഈ ഭവനം നിർമ്മിക്കുകയാണെങ്കില്‍ അത് ശാശ്വതമായി നിലനിൽക്കും. ദൈവാശ്രയ ബോധവും പരസ്പര സഹായവും വൈവാഹിക ബന്ധത്തിന്‍റെ കെട്ടുറപ്പിന് അത്യന്താപേഷിതമാണ്. 
സഹജീവനം ക്ഷമാപൂർവ്വം അഭ്യസിക്കേണ്ട ഒരു കലയാണ്. കുടുംബ ജീവിതം സമാധാനകരവും ആനന്ദപ്രദവുമാക്കാന്‍ സഹായിക്കുന്ന 3 വാക്കുകളുണ്ട്; “അനുവാദം, നന്ദി, ക്ഷമിക്കണം” എന്നിവയാണവ. ആദരവോടും സ്നേഹത്തോടും കൂടി ഒരു വ്യക്തിയുടെ ജീവിതത്തിലേക്കു പ്രവേശിക്കാൻ നാം അനുവാദം ചോദിക്കേണ്ടതുണ്ട്. "ഞാൻ ഇങ്ങനെ ചെയ്യട്ടേ"? "നമ്മൾ ചെയ്യുന്ന ഈ കാര്യം നിനക്ക് ഇഷ്ടമാണോ"? എന്നിങ്ങനെ പരസ്പരം അനുവാദം ചോദിക്കാൻ ജീവിത പങ്കാളികൾ പരിശീലിക്കണം. അനുവാദം ചോദിക്കാൻ കുട്ടികളെയൊക്കെ പഠിപ്പിക്കുമെങ്കിലും അതു സ്വയം പരിശീലിക്കുന്നതില്‍ നാം വിമുഖരാണ്. 
'നന്ദി' എന്ന പദം വളരെ ലളിതമാണെങ്കിലും അതും വേണ്ട വിധം ഉപയോഗിക്കാൻ നാം മറന്നുപോകുന്നു. ജീവിത പങ്കാളിയെ നൽകിയ ദൈവത്തിന് നാം ആദ്യം നന്ദി പറയണം. ജീവിത പങ്കാളിയോടും നാം നന്ദി പ്രകടിപ്പിക്കണം. സഹജീവനത്തില്‍ അഭിവൃദ്ധിപ്രാപിക്കാൻ ഏറെ സഹായകമായ ഒരു പദമാണ് നന്ദി. ചെറിയ കാര്യങ്ങൾക്കുപോലും പരസ്പരം നന്ദി പ്രകടിപ്പിക്കാൻ ദമ്പതികൾ പരിശീലിക്കണം. 
തെറ്റുപറ്റാത്ത മനുഷ്യരില്ല. കുറ്റങ്ങളും കുറവുകളുമുള്ളവരാണ് നാമെല്ലാവരും. അതുകൊണ്ട് 'ക്ഷമിക്കണം' എന്ന പദത്തിന്‍റെ ആവശ്യകത വർദ്ധിക്കുന്നു. പൊതുവേ മറ്റുള്ളവരെ കുറ്റപ്പെടുത്താനും സ്വയം ന്യായീകരിക്കാനും എല്ലാവരും തയ്യാറാണ്. അതിനു വിപരീതമായി സ്വന്തം വീഴ്ച്ചകൾ അംഗീകരിക്കാനും ക്ഷമ ചോദിക്കാനും തയ്യാറാകണമെന്ന് പാപ്പ വിവാഹാർത്ഥികളെ ആഹ്വാനം ചെയ്തു. 
വിവാഹചടങ്ങളുടെ പ്രാധാന്യത്തെക്കുറിച്ച് ആരാഞ്ഞ വിവാഹാർത്ഥികളോട് വിവാഹാഘോഷത്തിന്‍റെ പ്രസക്തിയെക്കുറിച്ചും പാപ്പ പ്രതിപാദിച്ചു. ക്രൈസ്തവർ ക്രൈസ്തവ വിശ്വാസത്തിന്‍റെ അരൂപിയിലാണ് വിവാഹം ആഘോഷിക്കേണ്ടത്, ലൗകികമായ ഒരാഘോഷമായി അതു മാറ്റരുത്. ലളിതവും മനോഹരവുമായിരിക്കണം വിവാഹ ചടങ്ങ്. ബാഹ്യമോടികൾക്കോ, വസ്ത്രധാരണത്തിനോ, ഫോട്ടോഗ്രാഫിക്കോ, അമിത പ്രാധാന്യം നൽകാതെ, വിവാഹിതരാകുന്നതിന്‍റെ സന്തോഷം, തികച്ചും ലളിതമായി പങ്കുവയ്ക്കാൻ വേണ്ടിയുള്ള അവസരമായി പരിഗണിക്കണം വിവാഹാഘോഷം. തങ്ങളുടെ സ്നേഹം ദൈവം അനുഗ്രഹിച്ചതിലുള്ള ആനന്ദമായിരിക്കണം ഈ ആഘോഷത്തിലൂടെ പ്രകടിപ്പിക്കേണ്ടതെന്ന് പാപ്പ അവരെ ഉത്ബോധിപ്പിച്ചു.




Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഐഎസില്‍ ചേരാനായി ഇന്ത്യ വിട്ട നാല് മലയാളികള്‍ കൂടി കൊല്ലപ്പെട്ടു

സത്യജ്വാല July, 2017

ഇടവകയിലെ പത്ത് കുടുംബങ്ങള്‍ക്കെങ്കിലും ശൗചാലയം നിര്‍മ്മിച്ചുനല്‍കാതെ പുതിയ പള്ളിമേടയില്‍ താമസിക്കില്ലെന്ന് ഒരു വൈദികന്‍

റോക്ക് ലാന്‍ഡ് സെന്റ് മേരീസില്‍ ഫാ. ജോസ് മുളങ്ങാട്ടില്‍ നയിക്കുന്ന ധ്യാനം 7,8,9 തീയതികളില്‍

സത്യജ്വാല December 2015

Women’s ordination, moot question, what? reason or sentiment?

Laity Voice, October 2015

സത്യജ്വാല ജൂലൈ ലക്കം: കത്തോലിക്ക സഭയെ നന്നാക്കാന്‍ ഒട്ടേറെ ലേഖനങ്ങള്‍

Laity Voice-July

Synod: No Indian Bishop responds to Papal Call?

സത്യജ്വാല-ജൂണ്‍, 2015

Laity Voice-June

Church or mammon of iniquity worshp? reactions

Laity Voice-May

Who destroys Indian Christian families? Peddlers of pure blood: deadly virus

വംശഹത്യാ പരാമര്‍ശം: വത്തിക്കാന്റെ വെബ്‌സൈറ്റ് ഹാക്ക് ചെയ്തു

Laity Voice-April

കാലാവധിക്കു മുമ്പേ സ്ഥാനത്യാഗം ചെയ്യാനുള്ള സാധ്യത തള്ളിക്കളയാനാവില്ല: പാപ്പാ ഫ്രാന്‍സീസ്‌

ലെയിറ്റി വോയിസ്-March

Missionaries of Charity says RSS chief misinformed

സഭ കല്‍പിച്ചതും മോദി ഇച്ഛിച്ചതും ഒന്ന്

ഇഗ്‌നാത്തിയോസ് അഫ്രേം ദ്വിതീയന്‍ പാത്രിയര്‍ക്കീസ് ബാവയുമായി സിബിസിഐ ലെയ്റ്റി കമ്മീഷന്‍ ചെയര്‍മാന്‍ മാത്യു അറയ്ക്കല്‍ കൂടിക്കാഴ്ച നടത്തി

വിശ്വാസ തര്‍ക്കങ്ങള്‍ക്ക് കോടതികളിലൂടെ പരിഹാരം ഉണ്ടാകില്ല

NY Times editorial continues pattern of disparaging Hindus: HAF

French Muslims seek positive image post Paris attacks

Hindus in Malaysia slam cleric's views on garlanding PM

Pope Opines On Spanking

ലെയിറ്റി വോയിസ്-ഫെബ്രുവരി ലക്കം

What was Gandhi’s Evaluation of RSS?

വിവേകത്തിന്‍െറ ശബ്ദം

View More