-->

us

ഫിലാഡല്‍ഫിയായില്‍ ആഗോളപ്രാര്‍ത്ഥനാ ദിനം മാര്‍ച്ച്‌ 8 ശനിയാഴ്‌ച്ച ആചരിക്കുന്നു

ജോസ്‌ മാളേയ്‌ക്കല്‍

Published

on

ഫിലാഡല്‍ഫിയ: എക്യൂമെനിക്കല്‍ ഫെല്ലോഷിപ്‌ ഓഫ്‌ ഇന്‍ഡ്യന്‍ ചര്‍ച്ചസ്‌ ഇന്‍ ഫിലാഡല്‍ഫിയ വനിതാഫോറത്തിന്റെ നേതൃത്വത്തില്‍ വിശാല ഫിലാഡല്‍ഫിയ റീജിയണിലെ ക്രൈസ്‌തവ സമൂഹം മാര്‍ച്ച്‌ 8 ശനിയാഴ്‌ച്ച പ്രാര്‍ത്ഥനാദിനമായി ആചരിക്കുന്നു. സെന്റ്‌ തോമസ്‌ സീറോമലബാര്‍ പള്ളിയില്‍ രാവിലെ പത്തുമുതല്‍ ഒരുമണിവരെ നടക്കുന്ന പ്രാര്‍ത്ഥനാശുശ്രൂഷകള്‍ക്ക്‌ നിരവധി വൈദികരും, ഫെല്ലോഷിപ്‌ ഭാരവാഹികളും, വനിതാ വോളന്റിയര്‍മാരും നേതൃത്വം നല്‍കും.

വിശ്വാസസംഹിതകളിലും, ആചാരാനുഷ്‌ഠാനങ്ങളിലും, പാരമ്പര്യങ്ങളിലും വൈവിധ്യമുള്ള ക്രിസ്‌തീയവനിതകളുടെ ആഗോളതലത്തിലുള്ള ഒരു എക്യൂമെനിക്കല്‍ കൂട്ടായ്‌മയാണ്‌ World Day of Prayer (WDP) എന്നപേരില്‍ അറിയപ്പെടുന്നത്‌. 19ാം നൂറ്റാണ്ടില്‍ പലരാജ്യങ്ങളിലായി ചെറിയരീതിയില്‍ തുടക്കമിട്ട്‌ 1927 ല്‍ ഔദ്യോഗികമായി ആരംഭംകുറിച്ച ഈ ക്രിസ്‌തീയ വനിതാമുന്നേറ്റം ഇന്ന്‌ വളര്‍ന്ന്‌ പന്തലിച്ച്‌ ഇന്ത്യയുള്‍പ്പെടെ 172 ല്‍ പരം രാജ്യങ്ങളിലായി പ്രവര്‍ത്തിക്കുന്നു. വേള്‍ഡ്‌ ഡേ ഓഫ്‌ പ്രെയര്‍ എന്ന
ക്രിസ്‌തീയവനിതകളുടെ ആഗോളപ്രസ്ഥാനത്തിന്റെ 87 ാം വാര്‍ഷികമാണ്‌ ഈ വര്‍ഷം ആചരിക്കുന്നത്‌.

വടക്കേഅമേരിക്കയിലും യു.കെ.യിലും വനിതാചരിത്രമാസമായി എല്ലാവര്‍ഷവും ആചരിക്കുന്ന മാര്‍ച്ചിലെ ആദ്യവെള്ളിയാഴ്‌ചയാണ്‌ ആഗോളതലത്തില്‍ പ്രാര്‍ത്ഥനാദിനം ആചരിക്കുന്നത്‌. അന്നേ ദിവസം ക്രൈസ്‌തവവനിതകളുടെനേതൃത്വത്തില്‍ ലോകത്തിന്റെ എല്ലാ ഭാഗങ്ങളിലും കുട്ടികളും, പുരുഷന്മാരും, സ്‌ത്രീകളൂം ഉള്‍പ്പെടെയുള്ള ക്രൈസ്‌തവവിശ്വാസികള്‍ പൊതുവായ ഒരു സ്ഥലത്ത്‌ ഒത്തുകൂടി സാര്‍വലൗകികസ്‌നേഹത്തിന്റേയും, സൗഹാര്‍ദ്ദത്തിന്റെയും പ്രതീകമായി ക്രിസ്‌തീയ പ്രാര്‍ത്ഥനാമന്ത്രങ്ങള്‍ ഉരുവിട്ടുകൊണ്ട്‌ ലോകനന്മക്കായി കൈകോര്‍ക്കുന്നു.

വനിതകള്‍ നേതൃത്വം നല്‍കി മുമ്പോട്ടു പോകുന്ന ഈ പ്രാര്‍ത്ഥനാകൂട്ടായ്‌മ വര്‍ഷത്തില്‍ ഒരു ദിവസം ആഗോളതലത്തില്‍ പൊതുവായ പ്രാര്‍ത്ഥനാ ദിനാചരണം എന്ന ആശയത്തിലൂടെ പല ജാതി, ഭാഷ, വര്‍ഗ, പ്രാദേശിക വ്യത്യാസങ്ങളുള്ള വനിതകള്‍ക്കു തമ്മില്‍ സ്‌നേഹത്തിലൂന്നിയ നല്ലൊരു കൂട്ടായ്‌മ ഉണ്ടാക്കുന്നതിനും, പരസ്‌പരം കൂടുതല്‍ അറിയുന്നതിനും, ഒന്നിച്ചു പ്രവര്‍ത്തിക്കുന്നതിനും ലക്ഷ്യമിടുന്നു. അന്നേദിവസം ആദ്യത്തെ സൂര്യോദയം ദൃശ്യമാക്കുന്ന രാജ്യത്തു തുടങ്ങി അവസാനമായി സൂര്യന്‍ അസ്‌തമിക്കുന്ന രാജ്യം വരെ സൂര്യന്റെ ഗതിയനുസരിച്ചു മാറി മാറി ഒരു പ്രാര്‍ത്ഥനാചങ്ങല തീര്‍ക്കുന്നു.

വിവിധ രാജ്യങ്ങളിലുള്ള വനിതകള്‍ യേശുക്രിസ്‌തുവിലുള്ള അവരുടെ വിശ്വാസം ഊട്ടിയുറപ്പിക്കുകയും, അവരുടെ പ്രയാസങ്ങളും, പ്രതീക്ഷകളും, സന്തോഷങ്ങളും, ആവശ്യങ്ങളും മറ്റുള്ളവരുമായി പങ്കുവയ്‌ക്കുകയും, തങ്ങളില്‍ അന്തര്‍ലീനമായ കഴിവുകള്‍ സമൂഹനന്മയ്‌ക്കുവേണ്ടി ഉപയോഗിക്കുകയും, മറ്റുരാജ്യക്കാരുടെ വിശ്വാസതീവ്രത ഉള്‍ക്കൊള്ളുകയും ചെയ്യുന്നു.

ഓരോ രാജ്യത്തെയും വനിതാകമ്മിറ്റികള്‍ മാറിമാറിയാണ്‌ പ്രാര്‍ത്ഥന എഴുതിതയാറാക്കുന്നത്‌. ഈജിപ്‌റ്റിലെ വനിതാകമ്മിറ്റി എഴുതിതയാറാക്കിയ 2014 ലെ വര്‍ഷിപ്പ്‌ സര്‍വീസിന്റെ ചിന്താവിഷയം `പാഴ്‌മലകളില്‍ നദികളും, താഴ്‌വരകളുടെ മധ്യേ ഉറവകളും, ഞാന്‍ ഉണ്ടാകും; മരുഭൂമിയെ ജലാശയവൂം വരണ്ട പ്രദേശത്തെ നീരുറവയുമാക്കും' (ഏശ 41:18, യോ 4:4-42) എന്ന ബൈബിള്‍വാക്യങ്ങളെ ആധാരമാക്കിയുള്ളതാണ്‌.

ഇംഗ്ലീഷിലും, മലയാളത്തിലുമുള്ള പ്രാര്‍ത്ഥനാസര്‍വീസുകള്‍, ക്രിസ്‌തീയ ഭക്തിഗാനശുശ്രൂഷ, മുഖ്യാതിഥിയുടെ സന്ദേശം, ഫോക്കസ്‌ രാജ്യമായ ഈജിപ്‌റ്റിനെക്കുറിച്ചുള്ള പവര്‍പോയിന്റ്‌ പ്രസന്റേഷന്‍, ബൈബിള്‍ സ്‌കിറ്റ്‌, സ്‌നേഹവിരുന്ന്‌ എന്നിവയായിരിക്കും ദിനാചരണത്തിന്റെ പ്രധാന ഇനങ്ങള്‍. ഡെലവെയര്‍ സെ. മേരിസ്‌ കോപ്‌റ്റിക്‌ ഓര്‍ത്തഡോക്‌സ്‌ പള്ളിയിലെ ഫാ. മിന മിന, ന്യൂയോര്‍ക്ക്‌ സ്റ്റാറ്റന്‍ ഐലന്‍ഡിലെ പ്രശസ്‌ത ബൈബിള്‍ പ്രഭാഷക മിസിസ്‌. ലിജി അലക്‌സ്‌ എന്നിവരാണ്‌ മുഖ്യാതിഥികള്‍.

ആഗോളപ്രാര്‍ത്ഥനാദിനം സമുചിതമായി ആചരിക്കുന്നതിനുവേണ്ടി ചെയര്‍മാന്‍ റവ. ഫാ. കെ. കെ. ജോണ്‍, കോ ചെയര്‍മാന്‍ റവ. ഡോ. അഗസ്റ്റിന്‍ പാലക്കാപറമ്പില്‍, റലിജിയസ്‌ ആക്ടിവിറ്റീസ്‌ ചെയര്‍പേഴ്‌സണ്‍ റവ. ഷാജന്‍ വി. ദാനിയേല്‍, സെക്രട്ടറി ചെറിയാന്‍ കോശി, വേള്‍ഡ്‌ ഡേ ഓഫ്‌ പ്രെയര്‍ കോര്‍ഡിനേറ്റര്‍ നിര്‍മ്മല എബ്രാഹം, വിമന്‍സ്‌ ഫോറം കോര്‍ഡിനേറ്റര്‍മാരായ മെര്‍ളി ജോസ്‌, സൂസന്‍ വര്‍ഗീസ്‌, ലൈലാ അലക്‌സ്‌ എന്നിവരടങ്ങുന്ന വിപുലമായ കമ്മിറ്റി പ്രവര്‍ത്തിക്കുന്നു. പ്രാര്‍ത്ഥന, പരസ്‌പര സഹകരണം, സമൂഹസേവനം, ആഘോഷങ്ങള്‍ എന്നിവയിലൂടെ വനിതകളുടെ നീതിയും, തുല്യതയും ഉറപ്പുവരുത്തുക എന്നുള്ള ദൗത്യമാണ്‌ വേള്‍ഡ്‌ ഡേ പ്രെയര്‍ യു.എസ്‌. എ കമ്മിറ്റി ലക്ഷ്യമിടുന്നത്‌.

കൂടുതല്‍ വിവരങ്ങള്‍ക്ക്‌: റവ. ഫാ. കെ. കെ. ജോണ്‍ 267 679 66853, റവ. ഷാജന്‍ വി. ദാനിയേല്‍ 215 266 8921, ചെറിയാന്‍ കോശി 201 286 9169, നിര്‍മ്മല എബ്രാഹം 302 239 7119, മെര്‍ളി ജോസ്‌ 267 307 6914, സൂസന്‍ വര്‍ഗീസ്‌ 215 673 5007.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ടി.പി വധക്കേസ്; രാഷ്ട്രീയ ഒത്തുകളിയുടെ ബാക്കിപത്രം -ജയമോഹനന്‍ എം

ഈപ്പന്‍ മാത്യുവിന്‌ കമ്യൂണിറ്റി സര്‍വീസ്‌ അവര്‍ഡ്‌

പ്രകൃതിയുടെ നിഴലുകള്‍ തേടി -1 (ജോര്‍ജ്‌ തുമ്പയില്‍)

പ്രമുഖ ഇറ്റാലിയന്‍ സംഗീതജ്ഞന്‍ ക്ളോഡിയോ അബാഡോ അന്തരിച്ചു

ടൈറ്റാനികിലെ ‘അവസാന നിഗൂഢത’യും ചുരുളഴിഞ്ഞു

ഭാഷയുടെ ചൈതന്യവും ശക്തിയുമായി ഒരു തമിഴ് സാഹിത്യകാരന്‍ (അഭിമുഖം: അബ്ദുള്‍ പുന്നയൂര്‍ക്കുളം)

നയാഗ്രയുടെ മനോഹാരിതയില്‍ മാര്‍ത്തോമ്മാ ദേശീയ യുവജന കോണ്‍ഫറന്‍സ്

ദുരൂഹതകള്‍ ബാക്കിവെച്ച് സുനന്ദ പുഷ്‌കര്‍..

സുനന്ദ തരൂരിന്റെ മരണം: അസ്വഭാവികയില്ലെന്ന്‌ പോലീസ്‌, സബ്‌ ഡിവിഷണല്‍ മജസ്‌ട്രേറ്റ്‌ അന്വേഷിക്കും

പ്രകൃതിയുടെ നിഴലുകള്‍ തേടി (ജോര്‍ജ്‌ തുമ്പയില്‍ എഴുതുന്നു)

എന്‍.ബി.എ. സെന്ററില്‍ നടന്നു വന്ന മണ്ഡലകാല ഭജന അവസാനിച്ചു

അഴിമതിരഹിത ഭരണം വരണം (ചാരുംമൂട്‌ ജോസ്‌)

എന്‍എസ്എ പ്രതിദിനം ചോര്‍ത്തുന്നത് 200 മില്യണ്‍ സന്ദേശങ്ങള്‍

മാധ്യമങ്ങള്‍ പൊതുനന്മ ലക്ഷ്യമാക്കി സ്വയം നിയന്ത്രിക്കണം: മാര്‍ പവ്വത്തില്‍

`ശ്രേഷ്‌ഠഭാഷാ' ചര്‍ച്ചകള്‍ ലാനാസമ്മേളനത്തില്‍ (ജോണ്‍മാത്യു)

പ്രവാസികളുടെ ഓണ്‍ലൈന്‍ വോട്ടിംഗ്; രാജീവ് ജോസഫിനോട് ഈ ചതി ചെയ്യരുതായിരുന്നു.

മറഞ്ഞിട്ടും മായാതെ മനസ്സില്‍ -മീട്ടു റഹ്മത്ത് കലാം

ദേവയാനി ഒളിച്ചോടി, നയതന്ത്രങ്ങള്‍ക്ക് മാന്ത്രികപ്പൂട്ട്!

നിരാഹാരം പതിനൊന്നാം ദിവസം : രാജീവ് ജോസഫിന്റെ നില ഗുരുതരം

മുട്ടത്ത് വര്‍ക്കിയുടെ മകന്‍ മാത്യൂ മുട്ടത്ത് ന്യൂയോര്‍ക്കില്‍ നിര്യാതനായി

റോയി ജേക്കബും അലക്‌സ്‌ ജോണും ഫോമ കണ്‍വെന്‍ഷന്‍ കണ്‍വീനര്‍മാര്‍

ഷിക്കാഗോ മലയാളി അസോസിയേഷന്‍ വനിതാദിനം ആഘോഷിക്കുന്നു

ഐ.എന്‍.ഒ.സി കേരളാ ചാപ്‌റ്റര്‍ പെന്‍സില്‍വാനിയ ഇന്ത്യന്‍ റിപ്പബ്ലിക്‌ ദിനാഘോഷങ്ങള്‍ ജനുവരി 25-ന്‌

ക്രിസ്റ്റിയാനോയും മെസ്സിയും പരസ്‌പരം വോട്ട് ചെയ്തില്ല

ഇന്ത്യയില്‍നിന്ന് മോഷണംപോയ അപൂര്‍വ്വ കല്‍പ്രതിമകള്‍ യു.എസ് തിരികെ നല്കി

മഞ്‌ജുഷയ്‌ക്കൊരു കൃഷ്‌ണവേണി: ഉത്സവ നാളുകളില്‍ ഉണരുന്ന മധുരസ്വപ്‌നങ്ങള്‍ (രചന, ചിത്രങ്ങള്‍: കുര്യന്‍ പാമ്പാടി)

12 വയസുകാരന്‍ സ്‌കൂളില്‍ നടത്തിയ വെടിവെപ്പില്‍ രണ്ട് വിദ്യാര്‍ഥികള്‍ക്ക് ഗുരുതരമായി പരിക്കേറ്റു

ഫ്‌ളൂ വ്യാപകമാകുന്നു; ഡാളസ് കൗണ്ടിയില്‍ മരണം 26 കവിഞ്ഞു

ഇന്ത്യയില്‍ നിന്ന് മോഷ്ടിച്ച് കടത്തിയ പുരാതന ശില്‍പങ്ങള്‍ യുഎസ് തിരിച്ചു നല്‍കി

അന്വേഷണവുമായി സഹകരിക്കുമെന്ന് ക്രിസ് ക്രിസ്റ്റി

View More