#വിഷസർപ്പങ്ങൾ ഇഴഞ്ഞു തകർക്കുന്ന #കുടുംബബന്ധങ്ങൾ:

#ആധുനിക സമൂഹത്തിന്റെ അകത്തളങ്ങളിൽ പതുങ്ങിയിരിക്കുന്ന ചതിക്കുഴികളെയും ധാർമ്മികച്യുതിയെയും പൊള്ളിക്കുന്ന ഭാഷയിൽ തുറന്നുകാട്ടുന്ന രചന. വായനക്കാരന്റെ ഉള്ളിൽ ഒരുതരം അസ്വാസ്ഥ്യം നിറച്ചുകൊണ്ടാണ് ഈ ആസ്വാദനം മുന്നോട്ട് പോകുന്നത്.

  #കുടുംബം എന്ന പവിത്രമായ കോട്ടയ്ക്കുള്ളിൽ വിഷം ചീറ്റാൻ വരുന്ന 'സർപ്പങ്ങളെയും', ചില്ലറ പ്രശസ്തിക്കും ലാഭത്തിനും വേണ്ടി സ്വന്തം അന്തസ്സ് പണയം വെക്കുന്ന 'ഹവ്വമാരെയും' ഈ കഥ വിചാരണ ചെയ്യുന്നു. മുംബൈ നഗരത്തിലെ തിരക്കിനിടയിൽ, ആത്മാർത്ഥമായ സ്നേഹബന്ധങ്ങളുടെയും കാപട്യം നിറഞ്ഞ അവിഹിത ബന്ധങ്ങളുടെയും രണ്ട് വിരുദ്ധ ധ്രുവങ്ങളെ രചയിതാവ് ഇവിടെ വരച്ചുകാട്ടുന്നു.

1. #ഉരഗരൂപിയായ വഞ്ചകൻ
കഥയിലെ 'ഉരകേഷ്' എന്ന കഥാപാത്രം കേവലം ഒരു മനുഷ്യനല്ല; അത് സമൂഹത്തിൽ മാന്യതയുടെ മുഖംമൂടി അണിഞ്ഞുനടക്കുന്ന നട്ടെല്ലില്ലാത്ത വിഷജന്തുക്കളുടെ പ്രതിരൂപമാണ്. സാഹിത്യത്തിന്റെയും സാങ്കേതിക വിദ്യയുടെയും മറവിൽ പെൺമനസ്സുകളിൽ മോഹവലയം തീർക്കുന്ന ഇവർ, യഥാർത്ഥത്തിൽ കുടുംബങ്ങളെ കാർന്നുതിന്നുന്ന രാജ്യദ്രോഹികൾക്ക് തുല്യരാണ്. ഭാരതീയ സംസ്കാരം കെട്ടിപ്പടുത്തിരിക്കുന്നത് സുശക്തമായ കുടുംബബന്ധങ്ങളിലാണ്. ആ അടിത്തറ ഇളക്കുന്ന ഇത്തരം 'കാട്ടുമാക്കന്മാരെ” ' സമൂഹത്തിൽ നിന്ന് അകറ്റി നിർത്തേണ്ടത് അത്യന്താപേക്ഷിതമാണ്.

2. #പ്രശസ്തിക്ക് പിന്നാലെ പോകുന്ന ഹവ്വമാർ
സ്വന്തം കഴിവിൽ വിശ്വസിക്കാതെ, കുറുക്കുവഴികളിലൂടെ പ്രശസ്തിയും അവാർഡുകളും നേടാൻ വെമ്പുന്ന സ്ത്രീകൾക്ക് ഈ കഥ ഒരു താക്കീതാണ്. സാഹിത്യം ഒരു തപസ്യയാകേണ്ടതിന് പകരം, ശരീരം കൊണ്ട് വിലപേശാനുള്ള ഉപാധിയായി കാണുന്നവർ സ്വന്തം വീടിന്റെ വിളക്കാണ് കെടുത്തുന്നത്. പാമ്പ് നൽകുന്ന 'പ്രലോഭന ഫലങ്ങളിൽ' മയങ്ങി, അന്യന്റെ തൂലികയിൽ വിരിയുന്ന അക്ഷരങ്ങൾ സ്വന്തമെന്ന് അവകാശപ്പെടുമ്പോൾ അവർ സ്വന്തം ആത്മാവിനെത്തന്നെയാണ് വഞ്ചിക്കുന്നത്. മറ്റുള്ളവരുടെ മുന്നിൽ സ്വന്തം അന്തസ്സ് വസ്ത്രമുരിയുന്ന ഇത്തരം പ്രവർത്തികൾ ഒരു കുലസ്ത്രീക്കും ചേർന്നതല്ല.

3. #സ്നേഹത്തിന്റെ മണവും വഞ്ചനയുടെ ദുർഗന്ധവും
കഥാനായകൻ തന്റെ ഷർട്ടിലെ മുലപ്പാൽ മണത്തെയും കുഞ്ഞിന്റെ ഉമ്മയെയും കുറിച്ച് പറയുമ്പോൾ അവിടെ വിശുദ്ധമായ കുടുംബബന്ധത്തിന്റെ സുഗന്ധമുണ്ട്. എന്നാൽ, ട്രെയിനിലെ ആ 'സർപ്പവും' ഹവ്വയും തമ്മിലുള്ള ഇടപഴകലിൽ അവിഹിതത്തിന്റെ ദുർഗന്ധമാണുള്ളത്. പനിനീർപ്പൂക്കൾ വിരിഞ്ഞ പാതകൾ ഉപേക്ഷിച്ച് അഴുക്കുചാലിലൂടെ നീന്താൻ തയ്യാറാകുന്നവർ ചെന്നുനിൽക്കുന്നത് വലിയൊരു ഗർത്തത്തിലേക്കാണ്.

  #പാമ്പ് അവളെ നിർദ്ദോഷമായി ചുറ്റിപ്പിടിച്ച് കിന്നാരങ്ങൾ പറയുന്നുണ്ട്. പാമ്പിനോട് വെറുപ്പ് തോന്നിയെങ്കിലും സുന്ദരിപ്പെണ്ണ് പ്രലോഭിപ്പിച്ചുകൊണ്ടിരുന്നു."
ഈ വരികൾ സൂചിപ്പിക്കുന്നത് വഞ്ചന തിരിച്ചറിഞ്ഞിട്ടും അതിൽ ആനന്ദം കണ്ടെത്തുന്ന വിനാശകരമായ മനോഭാവത്തെയാണ്.

#കുടുംബം തകർക്കുന്ന ഇത്തരം ഈനാംപേച്ചികളെയും സർപ്പങ്ങളെയും തിരിച്ചറിയാൻ വൈകിയാൽ, കഥാന്ത്യത്തിൽ സൂചിപ്പിക്കുന്നത് പോലെ 'ഡെഡ് പാർക്കുകളിൽ' ഉപേക്ഷിക്കപ്പെടുന്ന വെറും ജഡങ്ങളായി ഇവർ മാറും. ഓരോ സ്ത്രീയും തന്റെ അന്തസ്സ് തിരിച്ചറിയണമെന്നും, ഇത്തരം 'ഉരകേഷുമാരുടെ' വിഷപ്പല്ലുകൾക്ക് ഇരയാകാതിരിക്കാൻ ജാഗ്രത പാലിക്കണമെന്നും ഈ കഥ നമ്മെ ഓർമ്മിപ്പിക്കുന്നു.

സുധീറിന്റെ "സർപ്പം" എന്ന കഥ ഈ ലിങ്കിൽ വായിക്കാം.. https://www.emalayalee.com/vartha/360626
******************