ഫീനിക്‌സ്‌: കേരള ഹിന്ദൂസ്‌ ഓഫ്‌ അരിസോണയുടെ ഓണാഘോഷത്തിന്റെ തയാറെടുപ്പുകള്‍ ദ്രുതഗതിയില്‍ പുരോഗമിക്കുന്നതായി സുധീര്‍ കൈതവന അറിയിച്ചു. സെപ്‌റ്റംബര്‍ 11-ന്‌ സ്‌കോട്ട്‌ഡെയിലിലെ പ്രശസ്‌തമായ ഹൊറിസോണ്‍ പാര്‍ക്ക്‌ ഓഡിറ്റോറിയമാണ്‌ ആഘോഷങ്ങള്‍ക്ക്‌ വേദിയാകുന്നത്‌.

അരിസോണയിലെ മലയാളി സമൂഹത്തിനെന്നും ഓര്‍മ്മയില്‍ സൂക്ഷിക്കാനുതകുന്ന രീതിയില്‍ ഓണാഘോഷം ഒരു സുവര്‍ണ്ണ വിസ്‌മയമാക്കി മാറ്റാനാണ്‌ സംഘാടകര്‍ ശ്രമിക്കുന്നത്‌. ഇതിന്റെ ഭാഗമായി വിജയന്‍ ദിവാകരന്‍, ബാബു തിരുവല്ല എന്നിവരുടെ നേതൃത്വത്തില്‍ വിവിധ കമ്മിറ്റികള്‍ രൂപംകൊണ്ട്‌ പ്രവര്‍ത്തനം ആരംഭിച്ചു. അരിസോണയിലെ വിവിധ നാട്യകലാക്ഷേത്രങ്ങളുടെ സഹകണത്തോടുകൂടി ദിലീപ്‌ എസ്‌. പിള്ളയുടേയും അരണ്യ ശ്രീജിത്തിന്റേയും നേതൃത്വത്തില്‍ പരിശീലന ക്യമ്പുകള്‍ സജീവമാണ്‌. പ്രസിദ്ധമായ ആറന്മുള വഞ്ചിപ്പാട്ടാണ്‌ ആഘോഷത്തിലെ മറ്റൊരു ആകര്‍ഷണം.

ഈ മഹാമേളയുടെ ഭാഗമാകാന്‍ മലയാളത്തെ സ്‌നേഹിക്കുന്ന എല്ലാവരേയും സഹര്‍ഷം സ്വാഗതം ചെയ്യുന്നതായി സംഘാടകര്‍ അറിയിച്ചു. കൂടുതല്‍ വിവരങ്ങള്‍ക്ക്‌: ദിലീപ്‌ എസ്‌ പിള്ള (480 516 7964), സുധീര്‍ കൈതവന (480 246 7546) എന്നിവരുമായി ബന്ധപ്പെടുക. കേരള ഹിന്ദൂസ്‌ ഓഫ്‌ അരിസോണയ്‌ക്കുവേണ്ടി മനു നായര്‍ അറിയിച്ചതാണിത്‌.