തിരുവനന്തപുരം: ഇടുക്കിയിലെ എസ്എഫ്ഐ പ്രവര്ത്തകന് ധീരജിന്റെ മരണത്തില് താന് ദുഖിച്ചില്ലെന്ന് പറയുന്നത് തെറ്റാണെന്നും ധീരജിന്റെ വീട്ടില് പോകണമെന്നുണ്ടെന്നും കെപിസിസി അധ്യക്ഷന് കെ.
സുധാകരന്. തന്റെ മനസ് ഇരുമ്ബോ കമ്ബോ അല്ല. ധാരാളം മനുഷ്യത്വം കാത്തുസൂക്ഷിക്കുന്ന സാധാരണ കോണ്ഗ്രസുകാരനാണ് താനെന്നും സുധാകരന് പറഞ്ഞു.
ധീരജിന്റെ കുടുംബത്തെ തള്ളിപ്പറയില്ല. സിപിഎമ്മിന്റെ അക്രമരാഷ്ടിയത്തിന്റെ ഇരയാണ് ധീരജ്. മരണം നടന്നപ്പോള് തിരുവാതിര നടത്തി പിണറായിയെ പുകഴ്ത്തി. ധീരജ് മരിച്ച ഉടന് ശവകുടീരം കെട്ടാന് സ്ഥലം വാങ്ങി ആഘോഷമാക്കാന് സിപിഎം ശ്രമിച്ചുവെന്നും സുധാകരന് കുറ്റപ്പെടുത്തി.
ധീരജിനെ കുത്തിയതാരാണെന്ന് ദൃസാക്ഷികള്ക്ക് പറയാനാകുന്നില്ല. ഇടികൊണ്ടു വീണുവെന്നാണ് മൊഴി. കൊലപാതകം കെഎസ്യുവിന്റെ തലയില് വന്നത് എങ്ങനെയാണ്. ധീരജിനെ ആശുപത്രിയില് എത്തിക്കാത്തതിന് പോലീസ് മറുപടി പറയണമെന്നും സുധാകരന് ആവശ്യപ്പെട്ടു.