പാലക്കാട്: ദീര്ഘകാലാടിസ്ഥാനത്തില് ആദിവാസി സമൂഹത്തിന്റെ ആരോഗ്യ സംരക്ഷണം ഉറപ്പാക്കുകയാണ് സര്ക്കാരിന്റെ ലക്ഷ്യമെന്ന് ആരോഗ്യമന്ത്രി വീണാ ജോര്ജ് . ഇത് മുന്നില്ക്കണ്ട് അട്ടപ്പാടിയ്ക്കായി സ്പെഷ്യല് ഇന്റര്വെന്ഷന് പ്ലാന് തയ്യാറാക്കുന്നതാണ്. സ്ത്രീകള്, കുട്ടികള്, കൗമാരപ്രായക്കാര് എന്നിവരെ പ്രത്യേകം ശ്രദ്ധിക്കും. പ്രാദേശികമായി അങ്കണവാടി വര്ക്കര്മാര്, ഹെല്പര്മാര്, ആശാപ്രവര്ത്തകര്, അഭ്യസ്ഥവിദ്യരായ സ്ത്രീകള് എന്നിവരെ ഉള്ക്കൊള്ളിച്ച് 175 അങ്കണവാടികളുമായി ബന്ധപ്പെട്ട് 'പെണ്ട്രിക കൂട്ട' എന്ന കൂട്ടായ്മ ഉണ്ടാക്കും. ഉത്തരവാദിത്ത സാമൂഹിക ഇടപെടലിന് ഈ കൂട്ടായ്മ സഹായിക്കും.
ഇന്ന് രാവിലെ 9 മണിയോടെയാണ് അട്ടപ്പാടിയില് എത്തിയത്. ഫീല്ഡ് പ്രവര്ത്തനങ്ങള് നേരിട്ട് കാണുക എന്നതായിരുന്നു പ്രധാന ഉദ്ദേശം. ഒപ്പം കോട്ടത്തറ ട്രൈബല് ഹോസ്പിറ്റലും അഗളി സാമൂഹികാരോഗ്യ കേന്ദ്രവും സന്ദര്ശിക്കുക എന്നതും. ബോഡിചാള ഊരിലെ പാട്ടിയമ്മ മൂപ്പന്, വെള്ളമാലി ഊരിലെ ഗര്ഭിണിയായ കാളി മറ്റ് സ്ത്രീകള് , കുഞ്ഞുങ്ങള് പലരുമായും സംസാരിച്ചു.
ദീര്ഘകാലാടിസ്ഥാനത്തില് ആദിവാസി സമൂഹത്തിന്റെ ആരോഗ്യ സംരക്ഷണം ഉറപ്പാക്കുകയാണ് സര്ക്കാരിന്റെ ലക്ഷ്യം. ഇത് മുന്നില്ക്കണ്ട് അട്ടപ്പാടിയ്ക്കായി സ്പെഷ്യല് ഇന്റര്വെന്ഷന് പ്ലാന് തയ്യാറാക്കുന്നതാണ്. സ്ത്രീകള്, കുട്ടികള്, കൗമാരപ്രായക്കാര് എന്നിവരെ പ്രത്യേകം ശ്രദ്ധിക്കും. പ്രാദേശികമായി അങ്കണവാടി വര്ക്കര്മാര്, ഹെല്പര്മാര്, ആശാപ്രവര്ത്തകര്, അഭ്യസ്ഥവിദ്യരായ സ്ത്രീകള് എന്നിവരെ ഉള്ക്കൊള്ളിച്ച് 175 അങ്കണവാടികളുമായി ബന്ധപ്പെട്ട് 'പെണ്ട്രിക കൂട്ട' എന്ന കൂട്ടായ്മ ഉണ്ടാക്കും. ഉത്തരവാദിത്ത സാമൂഹിക ഇടപെടലിന് ഈ കൂട്ടായ്മ സഹായിക്കും.
അട്ടപ്പാടിയില് 426 ഗര്ഭിണികളാണുള്ളത്. അതില് 218 പേര് ആദിവാസി വിഭാഗത്തില്പ്പെട്ടവരാണ്. ഇവരില് ഹൈ റിസ്ക് വിഭാഗത്തിലുള്ളവരുമുണ്ട്. രക്തസമ്മര്ദം, അനീമിയ, തൂക്കക്കുറവ്, സിക്കിള് സെല് അനീമിയ തുടങ്ങിയ പല രോഗങ്ങളുള്ളവരുമുണ്ട്. ഇവര്ക്ക് വ്യക്തിപരമായി ആരോഗ്യ പരിചരണം ഉറപ്പാക്കും.