സെന്തില് കൃഷ്ണയെ നായകനാക്കി കണ്ണന് താമരക്കുളം സംവിധാനം ചെയ്യുന്ന പുതിയ ചിത്രമായ ഉടുമ്ബ് ഉടന് പ്രദര്ശനത്തിന് എത്തും.
ആടുപുലിയാട്ടം, അച്ചായന്സ്, പട്ടാഭിരാമന് എന്നീ ചിത്രങ്ങളിലൂടെ ശ്രദ്ധേയനായ കണ്ണന് താമരക്കുളം ഒരു ഡാര്ക്ക് ത്രില്ലറായി ഒരുക്കുന്ന ചിത്രത്തില് സെന്തിലിനൊപ്പം അലന്സിയര് ലോപ്പസ്, ഹരീഷ് പേരാടി, ധര്മ്മജന് ബോള്ഗാട്ടി, സാജല് സുദര്ശന്, മന്രാജ്, മുഹമ്മദ് ഫൈസല്, വി.കെ ബൈജു,ജിബിന് സാഹിബ്, എല്ദോ ടി.ടി, പുതുമുഖങ്ങളായ ആഞ്ചലീന, യാമി, ശ്രേയ അയ്യര് തുടങ്ങിയവരും അഭിനയിക്കുന്നു.
ത്രില്ലര് പശ്ചാത്തിലൊരുക്കുന്ന ചിത്രത്തിന്റെ തിരക്കഥ ഒരുക്കുന്നത് അനീഷ് സഹദേവനും ശ്രീജിത്ത് ശശിധരനും ചേര്ന്നാണ്.രവിചന്ദ്രനാണ് ഛായാഗ്രഹണം നിര്വഹിക്കുന്നത്. 24 മോഷന് ഫിലിംസും കെ.റ്റി മൂവി ഹൗസും ചേര്ന്നാണ് ചിത്രത്തിന്റെ നിര്മാണം.
പ്രൊഡക്ഷന് കണ്ട്രോളര് ബാദുഷ ചിത്രത്തിന്റെ ലൈന് പ്രൊഡ്യൂസറാവുന്നു. സാനന്ദ് ജോര്ജ് ഗ്രേസ് ആണ് സംഗീതം. നിരവധി ചിത്രങ്ങളിലൂടെ ശ്രദ്ദേയനായ വി.ടി ശ്രീജിത്ത് എഡിറ്റിങ് നിര്വഹിക്കുന്നു.ഏറെ വൈലന്സിന് പ്രാധാന്യമുള്ള ചിത്രത്തില് ബ്രൂസ്ലീ രാജേഷ് ആക്ഷന് കൈകാര്യം ചെയ്യുന്നു. ഷിജു മുപ്പത്തേടം, ശ്രീജിത്ത് ശിവനന്ദന് എന്നിവര് ചേര്ന്ന് കൊറിയോഗ്രഫി നിര്വഹിക്കുന്നു