പാലക്കാട്: ആര്എസ്എസ് പ്രവര്ത്തകന് സഞ്ജിത്തിന്റെ കൊലപാതകത്തില് ഒരാള് അറസ്റ്റില്. കൊലപാതകത്തില് നേരിട്ട് പങ്കെടുത്ത ആളെയാണ് പോലീസ് അറസ്റ്റ് ചെയ്തതെന്നാണ് റിപ്പോര്ട്ട്. അറസ്റ്റിലായത് പോപ്പുലര് ഫ്രണ്ട് നേതാവാണ്. ദൃക്സാക്ഷികള് തിരിച്ചറിയേണ്ടതിനാല് പ്രതിയുടെ പേര് വെളിപ്പെടുത്താനാവില്ലെന്ന് എസ്പി ആര് വിശ്വനാഥ് അറിയിച്ചു. കൂടുതല് അറസ്റ്റുകള് വരും ദിവസങ്ങളില് ഉണ്ടാകുമെന്നും അദ്ദേഹം പറഞ്ഞു.
അതേസമയം ഇന്നലെ കൊലപാതകവുമായി ബന്ധപ്പെട്ട് മൂന്നു പേരെ പോലീസ് കസ്റ്റഡിയിലെടുത്തിരുന്നു. നെന്മാറ സ്വദേശികളായ സലാം, ഇസ്ഹാക്ക്, പാലക്കാട് സ്വദേശി സുബൈര് എന്നിവരെയാണ് പോലീസ് പിടികൂടിയത് .കോട്ടയം മുണ്ടക്കയത്ത് ബേക്കറി തൊഴിലാളിയാണ് സുബൈര്. ഇയാളുടെ മുറിയില്നിന്നാണ് ഇവരെ പിടികൂടിയത്.