Gulf

കേരള പ്രീമിയര്‍ ലീഗ് : കേരള ഹിറ്റേര്‍സ് ജേതാക്കള്‍

യാസര്‍ അര്‍ഫാത്ത്

Published

on

കേരള പ്രീമിയര്‍ ലീഗിന്റെ സീസണ്‍ 3 പോരാട്ടത്തില്‍ ശക്തരായ കാസ്‌കിനെ തോല്‍പ്പിച്ച് കേരള ഹിറ്റേര്‍സ് ജേതാക്കളായി.ആദ്യം ബാറ്റ് ചെയ്ത കാസ്‌കിന്റെ ഇന്നിംഗ്‌സ് 8 ഓവറില്‍ 7 വിക്കറ്റിന് 54 റണ്‍സില്‍ അവസാനിച്ചപ്പോള്‍ മറുപടി ബാറ്റിംഗിനിറങ്ങിയ കേരള ഹിറ്റേര്‍സ് 7.2 ഓവറില്‍ 6 വിക്കറ്റ് കൈയ്യിലിരിക്കെ വിജയലക്ഷ്യം മറികടന്നു.

ഫൈനലില്‍ ടോസിന്റെ ആനുകൂല്യം ലഭിച്ച കേരള ഹിറ്റേര്‍സ് കാസ്‌കിനെതിരെ ബൗള്‍ ചെയ്യാന്‍ തീരുമാനിക്കുകയായിരുന്നു. ആദ്യ ഓവറില്‍ തന്നെ തകര്‍ത്തടിച്ച് തുടങ്ങിയ കാസ്‌കിനെ പിന്നീടങ്ങോട്ട് കേരള ഹിറ്റേര്‍സ് ബൗളര്‍മാര്‍ വരിഞ്ഞു കെട്ടുകയായിരുന്നു. ആദ്യ വിക്കറ്റില്‍ റാഷിയും ജെനുവും ചേര്‍ന്ന് 5.4 ഓവറില്‍ 51 റണ്‍സ് ആണ് അടിച്ചുകൂട്ടിയത്. എന്നാല്‍ അന്‍സര്‍ അലി എറിഞ്ഞ ആറാം ഓവര്‍ മുതല്‍ കാസ്‌കിന്റെ പതനം ആരംഭിച്ചു. റാഷി 25(23), ജെനു 19(12), ബാലു 0(1), സമദ് 0(1) എന്നീ മുന്‍നിര വിക്കറ്റുകള്‍ 51 റണ്‍സില്‍ തന്നെ കാസ്‌കിന് നഷ്ടമായി. പിന്നീട് വന്ന ഷാട്ടു 1(7), അന്‍സാരി 1(1), ബൊവാസ് 1(1), വൈശാഖ് 0(1) എന്നിവര്‍ക്കും കാര്യമായ സംഭാവന നല്‍കാന്‍ കഴിഞ്ഞില്ല. കേരള ഹിറ്റേര്‍സിന് വേണ്ടി അന്‍സര്‍ അലി 2 ഓവറില്‍ വെറും 4 റണ്‍സ് മാത്രം വഴങ്ങി 4 വിക്കറ്റുകള്‍ സ്വന്തമാക്കി. ഷെഹീര്‍ 2 വിക്കറ്റും നേടി.

താരതമ്യേന ചെറിയ ടോട്ടല്‍ പിന്തുടരാനിറങ്ങിയ ഹിറ്റേര്‍സിന് ആദ്യ ഓവറില്‍ തന്നെ ഓപ്പണര്‍ അന്‍സര്‍ അലിയുടെ വിക്കറ്റ് നഷ്ടമായി. റസാഖ് എറിഞ്ഞ മനോഹരമായ ഒരു യോര്‍ക്കര്‍ ബൗളില്‍ അന്‍സര്‍ ക്ലീന്‍ ബൗള്‍ഡ് ആയി മടങ്ങുമ്പോള്‍ ടീം സ്‌കോര്‍ ഒരു റണ്‍ മാത്രം. പിന്നീട് വന്ന ബിനിലും 2 (4), ഹസ്സനും 0(3) വേഗം കൂടാരം കയറി. വിജയം തങ്ങളുടെ കൈയ്യില്‍ നിന്നും വഴുതി പോകുമോ എന്ന് തോന്നിയ ഘട്ടത്തില്‍ നിന്നും ഹിറ്റേര്‍സിനെ തിരികെ കൊണ്ട് വന്നത് നാസില്‍ 12(13), അനസ് 17(14), ഹഫീസ് 13(9) എന്നിവരുടെ ചെറുത്ത് നില്‍പ്പായിരുന്നു. അവസാന ഓവറില്‍ 4 ബോള്‍ ശേഷിക്കെ ഹഫീസ് തങ്ങളുടെ വിജയ റണ്‍ നേടുകയായിരുന്നു.

മത്സരശേഷം നടന്ന സമ്മാനദാന ചടങ്ങില്‍ വിജയികള്‍ക്കുള്ള ട്രോഫി ടൂര്‍ണ്ണമെന്റ് സ്‌പോണ്‍സര്‍ ബദര്‍ മെഡിക്കല്‍ ഗ്രൂപ്പിന്റെ ചെയര്‍മാന്‍ ശ്രീ. നിഹാലില്‍ നിന്നും കേരള ഹിറ്റേര്‍സ് ടീം ഏറ്റുവാങ്ങി. കെ പി എല്‍ പ്രസിഡന്റ് പ്രദീപ് കുമാര്‍ വിജയികള്‍ക്കുള്ള ക്യാഷ് പ്രൈസ് നല്‍കി. റണ്ണര്‍ അപ്പ് ആയ കാസ്‌കിന് കോ-സ്‌പോണ്‍സര്‍ ആയ നോര്‍ത്ത് പസഫിക് എം.ഡി ശ്രീ അബ്ദുല്‍ റസാഖ് ട്രോഫിയും കെ പി എല്‍ ജനറല്‍ സെക്രട്ടറി ശ്രീ സുരേഷ് ക്യാഷ് പ്രൈസും സമ്മാനിച്ചു. ഫൈനലിലെ മാന്‍ ഓഫ് ദി മാച്ച് ആയി അന്‍സര്‍ അലി (കേരള ഹിറ്റേര്‍സ് ), മാന്‍ ഓഫ് ദി സീരീസായി ബാലു ബിജു (കാസ്‌ക്), ബെസ്റ്റ് ബാറ്റ്‌സ്മാന്‍ ബിനില്‍ (കേരള ഹിറ്റേര്‍സ് ), ബെസ്റ്റ് ബൗളര്‍ അന്‍സര്‍ അലി (കേരള ഹിറ്റേര്‍സ്), ബെസ്റ്റ് വിക്കറ്റ് കീപ്പര്‍ ജോബിന്‍ (കേരള ഹിറ്റേര്‍സ് ) എന്നിവരെയും തിരഞ്ഞെടുത്തു. ഫേവറിറ്റ് ടീം ആയി കണ്ണൂര്‍ ബ്രദേര്‍സിനെ ആരാധകര്‍ ഓണ്‍ലൈനിലൂടെ തിരഞ്ഞെടുത്തു. ഫെയര്‍ പ്ലേ ടീമിനുള്ള അവാര്‍ഡ് ഈഗിള്‍ സ്റ്റാര്‍സും കരസ്ഥമാക്കി.

ഒക്ടോബര്‍ 21,22 തീയതികളില്‍ അല്‍ ഖോബാറിലെ സബ്‌സ ഫ്‌ലഡ്ലൈറ്റ് സ്റ്റേഡിയത്തില്‍ വെച്ച് നടന്ന കേരള പ്രീമിയര്‍ ലീഗ് മൂന്നാം പതിപ്പില്‍ 12 ടീമുകളാണ് മാറ്റുരച്ചത്. ടൂര്‍ണ്ണമെന്റ് മികച്ചൊരു അനുഭവമായിരുന്നുവെന്നും കായിക മേഖലയ്ക്ക് ഒട്ടേറെ പ്രതീക്ഷകളാണ് ഇത്തരം ക്രിക്കറ്റ് ടൂര്‍ണ്ണമെന്റുകള്‍ നല്‍കുന്നതെന്നും വിജയ ശേഷം കേരള ഹിറ്റേര്‍സ് ടീം ഓണര്‍ നജീം ബഷീര്‍ പ്രതികരിച്ചു. കേരള പ്രീമിയര്‍ ലീഗിന്റെ മൂന്നാം പതിപ്പ് തങ്ങളുടെ സാന്നിദ്ധ്യം കൊണ്ട് വന്‍ വിജയമാക്കി തീര്‍ത്ത എല്ലാ ടീമിനും കാണികള്‍ക്കും സംഘാടകര്‍ നന്ദി അറിയിച്ചു.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ജോലി നഷ്ടമായി രോഗവും ബന്ധിച്ചു ദുരിതത്തിലായ മലയാളിയ്ക്ക്  നവയുഗം തുണയായി

ജോലി നഷ്ടമായി രോഗവും ബാധിച്ചു ദുരിതത്തിലായ മലയാളിയ്ക്ക് നവയുഗം തുണയായി.

തൂലികയുടെ മാന്ത്രികതയാല്‍ മലയാളികളെ മയക്കിയ അപൂര്‍വ്വപ്രതിഭയായിരുന്നു ബിച്ചു തിരുമല: നവയുഗം

ലാല്‍കെയേഴ്‌സ് ''എന്റെ നാട് എന്റെ കേരളം'' സമ്മാനദാനം നടത്തി

നവയുഗം സനീഷ് കുടുംബസഹായ ഫണ്ട് കൈമാറി.

അഷ്‌റഫ്‌ താമരശ്ശേരിക്ക് ഗള്‍ഫ്‌ മലയാളി ഫെഡറേഷന്‍ ഡോ: എ പി ജെ അബ്ദുല്‍കലാം കര്‍മശ്രേഷ്ഠ പുരസ്ക്കാരം  സമ്മാനിച്ചു

ഓ.ഐ.സി.സി കുവൈറ്റ് ഇന്ദിര അനുസ്മരണം നടത്തി

മറ്റൊരു സൃഷ്ടികൂടി പിറവിയെടുത്തു....

മൂന്നു ലക്ഷത്തിലേറെ വിദേശികളുടെ താമസരേഖ നഷ്ടപ്പെട്ടതായി ആഭ്യന്തര മന്ത്രാലയം

സുമനസുകള്‍ കൈകോര്‍ത്തു, മുഹമ്മദുണ്ണി തുടര്‍ചികിത്സയ്ക്കായി സ്വന്തം നാട്ടിലേക്ക്

നാടുകടത്തുന്നവരുടെ ബാങ്ക് അക്കൗണ്ട് റദ്ദാക്കണമെന്ന് കുവൈറ്റ് അഭ്യന്തര മന്ത്രാലയം

കോവിഡ് മരണധനസഹായം: പ്രവാസികുടുംബങ്ങളെയും ഉള്‍പ്പെടുത്തണമെന്നാവശ്യപ്പെട്ടു മുഖ്യമന്ത്രിക്ക് നിവേദനം

കുവൈറ്റില്‍ 60 വയസ് പൂര്‍ത്തിയായ വിദേശികളുടെ താമസരേഖ പുതുക്കല്‍ പുരോഗമിക്കുന്നു

ലാല്‍ കെയേഴ്‌സ് ''എന്റെ നാട് എന്റെ കേരളം'' വിജയികളെ പ്രഖ്യാപിച്ചു

''ഊമക്കുയില്‍ പാടുമ്പോള്‍'' മുനവ്വറലി ശിഹാബ് തങ്ങള്‍ പ്രകാശനം ചെയ്തു.

നിയമക്കുരുക്കിലായ രണ്ടു വനിതകൾ  നവയുഗത്തിന്റെ സഹായത്തോടെ   മടങ്ങി

കേരള ദിനാഘോഷവും മലയാള മാസാചരണ വിളംബരവും സംഘടിപ്പിച്ചു

ഇന്ത്യന്‍ എംബസിയില്‍ ആയുര്‍വേദ ദിനവും ദീപാവലിയും ആഘോഷിച്ചു

ഫോക്കിന്റെ പതിനാറാമത് വാര്‍ഷികാഘോഷം കണ്ണൂര്‍ മഹോത്സവം നവംബര്‍ 5 ന്

ഒഐസിസി കുവൈറ്റ് കണ്ണൂര്‍ ജില്ല കാരുണ്യസ്പര്‍ശം സാന്ത്വന പരിപാടി ഉദ്ഘാടനം ചെയ്തു

ബൂസ്റ്റര്‍ ഡോസിന് മുന്‍കൂര്‍ ബുക്കിംഗില്ലാതെ ലഭ്യമാണെന്ന് ആരോഗ്യ മന്ത്രാലയം

നിയമക്കുരുക്കിൽപ്പെട്ട തമിഴ്‌ പ്രവാസി നാട്ടിലേയ്ക്ക് മടങ്ങി 

മടങ്ങുന്ന പ്രവാസികളെ ദ്രോഹിയ്ക്കുന്ന നിർദേശങ്ങൾ കേന്ദ്രസർക്കാർ പിൻവലിയ്ക്കുക: നവയുഗം

കുവൈറ്റില്‍ മഴക്ക് സാധ്യതയെന്ന് കാലാവസ്ഥ നിരീക്ഷകന്‍

ഷാര്‍ജയില്‍ വിദ്യാര്‍ഥികളുടെ സ്‌കൂള്‍ യാത്ര, ഹാജര്‍ നില അറിയാന്‍ പുതിയ ആപ്ലിക്കേഷന്‍

പ്രവാസി മലയാളി ഫൗണ്ടേഷന്റെ പ്രവര്‍ത്തനങ്ങള്‍ക്ക് സൗദിയില്‍ തുടക്കം കുറിച്ചു

ഫഹാഹീലില്‍ കണ്ടെത്തിയ മൃതദേഹം കോട്ടയം സ്വദേശിയുടേതെന്ന് തിരിച്ചറിഞ്ഞു

ഫോക്കസ് ഇന്റര്‍നാഷനല്‍ ദമാം ഡിവിഷന്‍ പുതിയ കമ്മിറ്റി നിലവില്‍വന്നു

കേരളപ്പിറവി 2021 എന്റെ നാട് എന്റെ കേരളം മത്സരം

കെ പി എ ബഹ്റൈന്‍ ബ്രസ്റ്റ് ക്യാന്‍സര്‍ അവയര്‍നസ് സെമിനാര്‍ ശ്രെദ്ധേയമായി

View More