ന്യൂ​ഡ​ല്‍​ഹി: ആശങ്ക ഉയര്‍ത്തുന്ന മു​ല്ല​പ്പെ​രി​യാ​ര്‍ ഡാ​മി​ന്‍റെ സു​ര​ക്ഷ അതീവ പ്ര​ധാ​ന​മെ​ന്ന് സു​പ്രീം കോ​ട​തി. 2016 ല്‍ ​നി​ന്ന് 2021ല്‍ ​എ​ത്തി​യ​പ്പോ​ള്‍ ഡാ​മി​ന്‍റെ സു​ര​ക്ഷ​യി​ല്‍ ഒ​രു​പാ​ട് മാ​റ്റ​ങ്ങ​ള്‍ വ​ന്നി​ട്ടു​ണ്ടാ​വാ​മെ​ന്നും കോ​ട​തി നി​രീ​ക്ഷി​ച്ചു.

അ​തേ​സ​മ​യം, മു​ല്ല​പ്പെ​രി​യാ​റി​ല്‍ അ​നു​വ​ദി​ക്ക​പ്പെ​ട്ട ജ​ല​നി​ര​പ്പി​ല്‍ മാ​റ്റം വ​രു​ത്തേ​ണ്ട​തി​ല്ലെ​ന്ന് മേ​ല്‍​നോ​ട്ട സ​മി​തി അ​റി​യി​ച്ചു. എ​ന്നാ​ല്‍ ഈ ​തീ​രു​മാ​ന​ത്തോ​ട് കേ​ര​ളം വി​യോ​ജി​പ്പ് അറിയിച്ചു .

മേ​ല്‍​നോ​ട്ട സ​മി​തി​യു​ടെ റി​പ്പോ​ര്‍​ട്ടി​ല്‍ മ​റു​പ​ടി ന​ല്‍​കാ​ന്‍ കേ​ര​ളം സ​മ​യ​വും തേ​ടി. വ്യാ​ഴാ​ഴ്ച മ​റു​പ​ടി അ​റി​യി​ക്കു​മെ​ന്നാ​ണ് കേ​ര​ളം അ​റി​യി​ച്ച​ത്. അ​ണ​ക്കെ​ട്ടി​ലെ ജ​ല​നി​ര​പ്പ് 139 അ​ടി​യാ​യി നി​ജ​പ്പെ​ടു​ത്ത​ണ​മെ​ന്നാ​ണ് കേ​ര​ള​ത്തി​ന്‍റെ ആ​വ​ശ്യം.

അതെ സമയം മു​ല്ല​പ്പെ​രി​യാ​ര്‍ ഡാം ​പൊ​ളി​ക്ക​ണ​മെന്നാവ​ശ്യ​പ്പെ​ട്ട ന​ട​ന്‍ പൃ​ഥ്വി​രാ​ജി​നെ​തി​രേ ത​മിഴ് നാ​ട്ടി​ല്‍ വ്യാ​പ​ക പ്ര​തി​ഷേ​ധമാണുയര്‍ന്നത് . തേ​നി ജി​ല്ല​യി​ല്‍ ക​ള​ക്‌ട്രേ​റ്റി​ന് മു​ന്നി​ല്‍ നടന്റെ കോ​ലം ക​ത്തി​ച്ചു. ത​മി​ഴ്നാ​ട്ടി​ല്‍ സ​മൂ​ഹ​മാ​ധ്യ​മ​ങ്ങ​ളി​ലും പൃ​ഥ്വി​രാ​ജി​നെ​തി​രേ കടുത്ത വി​മ​ര്‍​ശ​ന​മാ​ണ് ഉ​യ​രു​ന്ന​ത്. മു​ല്ല​പ്പെ​രി​യാ​ര്‍ ഡാം ​പൊ​ളി​ച്ചു​ക​ള​യ​ണ​മെ​ന്നാ​വ​ശ്യ​പ്പെ​ട്ടാ​ണ് പൃ​ഥ്വിരാജ് ക​ഴി​ഞ്ഞ ദി​വ​സം ഫേ​സ്ബു​ക്ക് പോ​സ്റ്റി​ട്ട​ത്.