ആഡംബര കപ്പലിലെ ലഹരിമരുന്ന് പാര്‍ട്ടിയുമായി ബന്ധപ്പെട്ടാണ് നടി അനന്യ പാണ്ഡെയുടെ പേര് കൂടുതല്‍ ചര്‍ച്ചയായത്. കഴിഞ്ഞ ദിവസങ്ങളില്‍ അനന്യയെ എന്‍സിബി ചോദ്യം ചെയ്യുകയും അനന്യയുടെ ആര്യന്‍ ഖാനുമായുള്ള വാട്‌സപ്പ് ചാറ്റുകള്‍ പുറത്ത് വരികയും ചെയ്തതോടെ സോഷ്യല്‍ മീഡിയയില്‍ അനന്യയാണ് ചര്‍ച്ചാ വിഷയം

സ്റ്റുഡന്റ് ഓഫ് ദിയ ഇയര്‍ 2 എന്ന സിനിമയിലൂടെയായിരുന്നു നടന്‍ ചങ്കി പാണ്ഡെയുടെ മകളായ അനന്യയുടെ സിനിമയിലെ അരങ്ങേറ്റം. തുടര്‍ന്ന് പതി പത്നി ഔര്‍ വോ, ഖാലി പീലി എന്നീ സിനിമകളില്‍ അനന്യ അഭിനയിച്ചെങ്കിലും ഈ ചിത്രങ്ങള്‍ക്ക് ബോക്സ് ഓഫീസില്‍ കാര്യമായ ചലനങ്ങള്‍ ഒന്നും തന്നെ ഉണ്ടാക്കാന്‍ കഴിഞ്ഞില്ല.

ഒരു സിനിമയില്‍ അഭിനയിക്കുന്നതിന് രണ്ട് കോടി രൂപവരെ അനന്യ വാങ്ങിയിരുന്നു. മൂന്ന് ചിത്രങ്ങളില്‍ മാത്രം അഭിനയിച്ചിട്ടുള്ള അനന്യയുടെ ആസ്തി ഏകദേശം 72 കോടി രൂപയാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. 

സിനിമകളില്‍ പ്രവര്‍ത്തിക്കുന്നതിനു പുറമേ അനന്യ നിരവധി ബ്രാന്‍ഡ് എന്‍ഡോര്‍സ്മന്റ്‌റുകളിലൂടെയും പണം സമ്പാദിക്കുന്നു. നടിക്ക് ഇന്‍സ്റ്റാഗ്രാമില്‍ മാത്രം 20.3 ദശലക്ഷം ഫോളോവേഴ്‌സാണ് ഉള്ളത്. ബ്രാന്‍ഡ് പ്രമോഷന്‍ നടത്തുമ്പോഴും അനന്യയ്ക്ക് വന്‍ തുക ലഭിക്കുന്നുണ്ട്.