America

ഇരുട്ടിലാട്ടം ( കവിത: ശ്രീ പട്ടാമ്പി)

Published

on

അഥവാ
ആയിരം തവണ
ആത്മഹത്യ ചെയ്തവളുടെ കഥ...
ഇരുട്ടിലോട്ടവുമാവാം...
അവൾ പറഞ്ഞ് തുടങ്ങി,
ഒരു അരസികന്റെ
ജീവിതപങ്കാളിയാവുക
എന്നതിനോളം
ആത്മാഹുതി എന്തുണ്ട്?
ചിലങ്കയണിഞ്ഞ്,
ആടി തിമിർത്ത്
വേദികളെ പ്രകമ്പനം
കൊള്ളിച്ചവളോട്
കാലുകളെ
നിശ്ചലമാക്കാനും
ഇഷ്ട ഭക്ഷണം നിഷേധിച്ച്
കണ്ഠശുദ്ധി സൂക്ഷിച്ച്
പാട്ടിനെ
ഭ്രാന്തമായാരാധിച്ചവളോട്
മേലാൽ മൂളിപ്പാട്ട് പോലും
ഇവിടെ
കേട്ട് പോകരുതെന്നും
വാറോല പുറപ്പെടുവിച്ച
അരസികനോട്
പ്രണയം തോന്നുമോ?
അതോ വിധേയത്വമോ?
രണ്ടുമല്ല,അടിമത്തം.
വാറോലയിലൊപ്പിട്ട്
ജീവിതം തുടങ്ങിയ
അന്ന് മുതൽ
പഠിച്ചെടുത്ത്
നടത്തി പോന്നതാണ്
ഇരുട്ടിലാട്ടം.
ലളിതമാണ് പാഠഭാഗം.
കണ്ണും കാതും മനവും
കൊട്ടിയടയ്ക്കാനായാൽ
മികച്ച ഇരുട്ടിലാട്ടക്കാരിയാവാം.
നേരം പുലർന്നാൽ
പത്ത് തലയും
ഇരുപത് കൈയ്യും പേറി
രാവണാവതാരം
ആടി തീർക്കുന്നതിനിടയിൽ,
കൈയ്യിലെത്തിച്ച നീലഷർട്ടിലെ
ചുളിവുകളെക്കാൾ
മുഖം ചുളിച്ച്
മുഖത്തേയ്ക്കെറിയപ്പെട്ട
തുണി കഷ്ണത്തിൽ
ചൂളിച്ചുരുങ്ങി ആത്മാഹുതി ചെയ്യുന്നവളോട്
നിനക്ക് പുച്ഛമാണെന്നറിയാം.
എങ്കിലും അങ്ങിനെയും
എത്രയെത്ര ആത്മഹത്യകൾ.....
മുഖത്തേയ്ക്കെറിയപ്പെട്ടവയുടെ_
ചൂട് കുറവെന്ന പഴി കേട്ട ചായഗ്ലാസ്,
ഉപ്പില്ലെന്ന പഴിയിൽ കറി പാത്രം,
ബട്ടൺ പൊട്ടിയ പാന്റ്സുകൾ,ഷർട്ടുകൾ,
കാണാതെ പോവുന്ന
പേപ്പറുകൾക്ക് പകരം,
തലകീഴായ് മറിച്ച
 മേശയിലേയും
അലമാരയിലേയും വസ്തുവകകൾ,
അങ്ങനെയങ്ങനെ
എത്രയെത്ര വസ്തുക്കളുടെ
 നീണ്ട നിര.....
അവ എന്നെ തന്നെ
കളിയാക്കി ചിരിയ്ക്കാറുണ്ട്.
ഞാനവരോടും ചിരിയ്ക്കും.
പാവങ്ങൾ,
കണ്ണടച്ചാലും ഇരുട്ടാവുമെന്നവയ്ക്കറിയില്ലല്ലോ???
ഗ്യാസ് ഓഫ് ചെയ്തെന്നും
വെള്ളംടാപ്പുകൾ പൂട്ടിയെന്നും
അനാവശ്യമായെരിയുന്ന ബൾബുകളും,
കറങ്ങുന്ന ഫാനുകളും
ഓഫ് ചെയ്തെന്നും
ഉറപ്പ് വരുത്തി,
കുട്ടികളുടെ പാരന്റ്സ് മീറ്റിംഗിൽ
പങ്കെടുക്കാൻ തിടുക്കപ്പെട്ടിറങ്ങുമ്പോൾ മറന്ന,
 മടക്ക വഴിയിൽ വാങ്ങേണ്ട
പച്ചക്കറി,പലവ്യഞ്ജന ലിസ്റ്റെടുക്കാനായി
തിരിച്ച് കയറുമ്പോൾ
"അവൾക്കോ പണിയൊന്നുമില്ല''
എന്ന് സെൻസസെടുക്കാൻ
 വന്നവനോട് പറയുന്നത്
കേൾക്കേണ്ടി വരുന്നതിനോളം
ആത്മാഹുതി വേറെയുണ്ടാവില്ല.

രാവേറെ ചെല്ലുമ്പോൾ
അവൻ കടന്ന് വരുന്നതും കാത്ത്
നീണ്ട കണ്ണിണകളിൽ മയ്യെഴുതി,
മുട്ടോളമെത്തും മുടി മെടഞ്ഞ്
മുല്ല മാല ചൂടി
ആലസ്യത്തോടെ
അവനെ കാത്തിരുന്ന്
അവനെത്തും നേരം
നീയാണെന്റെ ലഹരിയെന്ന്
ചെവിയിലോതുമ്പോൾ
ചിലങ്കയാണെൻ്റെ ലഹരിയെന്നുള്ളിലുയരുമ്പഴും
അവന്റെ കുസൃതികൾക്ക്
വശംവദയായി ഇക്കിളി പൂണ്ട്
പുണരേണ്ടി വരുന്നത്
ആത്മാഹുതിയല്ലാതെന്താണ്?
ഇന്ന്
ഇരുട്ടിലോടിയോടി
പഞ്ചേന്ദ്രിയങ്ങളിൽ
ഇരുൾ മൂടിയതിനാലാവാം
ജാലകപഴുതിലൂടെത്തി നോക്കുന്ന
ഒരു തരി വെളിച്ചക്കീറിന്
നേരെ പോലും
കണ്ണ് തുറക്കാനാവാതെ,
അങ്ങകലെ നിന്നെങ്ങാൻ
അരിച്ചെത്തുന്ന സംഗീതത്തിന് നേരെ
ചെവി കൊട്ടിയടച്ച്
ഇരുട്ടിൽ തപ്പി തപ്പി ഞാൻ കഴിയുന്നത്
ഇതിലും വലിയ
ആത്മാഹുതി വേറെയുണ്ടോ?
ഇന്നും
ഞാൻ ആട്ടക്കാരിയാണ്....
മുന്ത്യേ ഇരുട്ടിലാട്ടക്കാരി.......
ആയിരം തവണ
ആത്മഹത്യ ചെയ്തവളുടെ
ആത്മക്കുറിപ്പിവിടെ തീരുന്നില്ല,
അവൾക്കിനിയും
അനേകായിരം തവണ
ആത്മഹത്യ ചെയ്യാനുള്ളതാണ്.....


Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഛായാമുഖി (കവിത: ശ്രീദേവി മധു)

ഓർമ്മയിൽ എന്റെ ഗ്രാമം (എം കെ രാജന്‍)

ഒഴിവുകാല സ്വപ്നങ്ങൾ (കവിത : ബിജു ഗോപാൽ)

പൊട്ടുതൊടാൻ ( കഥ: രമണി അമ്മാൾ)

ഒരു നറുക്കിനു ചേരാം (ശ്രീ മാടശ്ശേരി നീലകണ്ഠന്‍ എഴുതിയ 'പ്രപഞ്ചലോട്ടറി' ഒരു അവലോകനം) (സുധീര്‍ പണിക്കവീട്ടില്‍)

ഷാജൻ ആനിത്തോട്ടത്തിന്റെ 'പകര്‍ന്നാട്ടം' (ജോണ്‍ മാത്യു)

സങ്കീര്‍ത്തനം: 2021 (ഒരു സത്യവിശ്വാസിയുടെ വിലാപം) - കവിത: ജോയ് പാരിപ്പള്ളില്‍

ആശംസകൾ (കവിത: ഡോ.എസ്.രമ)

പാലിയേറ്റീവ് കെയർ (കഥ : രമേശൻ പൊയിൽ താഴത്ത്)

അവൾ (കവിത: ഇയാസ് ചുരല്‍മല)

ഉല(കവിത: രമ പ്രസന്ന പിഷാരടി)

ചിതൽ ( കവിത: കുമാരി എൻ കൊട്ടാരം )

നോക്കുകൂലി (കഥ: സാം നിലമ്പള്ളില്‍)

ഒന്നും കൊണ്ടുപോകുന്നില്ല, ഞാന്‍......(കവിത: അശോക് കുമാര്‍.കെ.)

കാഴ്ച്ച (കഥ: പി. ടി. പൗലോസ്)

ഉറുമ്പുകൾ (തൊടുപുഴ കെ ശങ്കർ മുംബൈ)

ജീവിതപുസ്തകം (രാജൻ കിണറ്റിങ്കര)

ലോലമാം ക്ഷണമേ വേണ്ടു... (കഥ രണ്ടാം ഭാഗം: ജോസഫ്‌ എബ്രഹാം)

ആട്ടവിളക്ക് (പുസ്തകപരിചയം : സന്ധ്യ എം)

കർഷകൻ (ദീപ ബിബീഷ് നായർ)

മെസ്സഞ്ചറിലെ മെസേജുകൾ (കഥ: രമണി അമ്മാൾ)

ഇന്നും ലഭിക്കുന്ന ഊരുവിലക്ക് ( കവിത:ജയ്മോൻ ജേക്കബ് പുറയംപള്ളിൽ)

മുത്തി: കവിത, പെരുങ്കടവിള വിൻസൻറ്

Besant Nagar (Silicon castles novel : Chapter-7-Prof: Sreedevi Krishnan)

ഡോ.ഫെബി ബിജോയ് രചിച്ച പുസ്തകം പ്രകാശനം ചെയ്തു

കാലികം..(കഥ: നൈന മണ്ണഞ്ചേരി)

വേരുകൾ പച്ച ( കവിത : സിന്ധു സതീഷ്)

ലോലമാം ക്ഷണമേ വേണ്ടു... (കഥ : ജോസഫ്‌ എബ്രഹാം)

മഹാമാരികാലത്ത് സാബു കഥ എഴുതുമ്പോൾ ( കഥയിടങ്ങൾ: ഡോ. അജയ് നാരായണൻ)

ആമോദിനി എന്ന ഞാൻ : പുഷ്പമ്മ ചാണ്ടി (നോവൽ പൂർണ്ണമാകുന്നു ...)

View More