America

ശില്പങ്ങൾ ഉണ്ടാകുന്നത് (കവിത -ലീഷാ മഞ്ജു )

Published

on

വായിക്കുന്ന, കേൾക്കുന്ന, കാണുന്ന,
കാണാത്തതിനെ കല്പിക്കുന്ന
പെണ്ണിന്റെ ദിവസങ്ങൾ ദുരിതമാണ്.
ഒരുപാടു ജന്മങ്ങൾ കെട്ടുപിണഞ്ഞു,
ചുറ്റിവരിഞ്ഞു, ശ്വാസം മുട്ടിച്ച്‌,
നെറുതലയിൽ നിന്ന്
തൊണ്ട വഴി വയറുവരെ നീളുന്ന
പഴുത്ത ചരട് പോലെ നിമിഷങ്ങൾ.

ശ്വാസമൊന്നെടുത്താൽ പൊള്ളും.
ഒരു തലക്കെട്ട് കണ്ടാൽ മതി, ഘോഷയാത്രയാണ്..
ചോരയിറ്റുന്ന യോനികളുടെ,
കീറിപ്പറിഞ്ഞ മുലകളുടെ,
മുറിഞ്ഞുണങ്ങിയ ചുണ്ടുകളുടെ പടങ്ങളുമായി
കടുത്ത വേദനയുടെ, അപമാനത്തിന്റെ,
അറപ്പിന്റെ, പേടിയുടെ
അട്ടകൾ കൂട്ടത്തോടെ പൊതിയും.

അധികാരയുദ്ധങ്ങളിൽ, അതിർത്തിത്തർക്കങ്ങളിൽ,
ഭൂമി കയ്യേറലിൽ, കടന്നു കയറ്റങ്ങളിൽ
കാലങ്ങളോളം ദിനരാത്രികൾ
ചവിട്ടി മെതിക്കപ്പെടുന്ന
പെൺശരീരങ്ങളുടെ കീറലുകൾ
രക്തമിറ്റിക്കും തലച്ചോറിൽ.

മതത്തിന്റെ, വംശത്തിന്റെ,
നിറത്തിന്റെ പകകൾ
കടിച്ചു ചതച്ചു  തീർക്കാൻ കണ്ടെത്തിയ
കുഞ്ഞുങ്ങളുടെ,
അത് കണ്ടു നിൽക്കുന്ന അമ്മമാരുടെ,
നിലവിളികൾ
ഉറക്കത്തിന്റെ വാതിലിൽ
ഉറക്കെ ഇടിച്ചു സ്വൈര്യം കെടുത്തും.

തൊടാൻ മടിക്കുന്ന ജാതിമതവംശ
അടയാളങ്ങളോടെ
പെൺകുഞ്ഞുങ്ങൾ പിറന്നിരുന്നെങ്കിൽ എന്ന് ആശിക്കും.
തട്ടിയെടുത്ത ഭൂമിയും മക്കളും
സ്വത്വവും വീണ്ടെടുക്കാൻ
അഴികൾക്കുള്ളിൽ അരയ്ക്കപ്പെട്ട ആയുസ്സുകൾ
ഗതികിട്ടാതെ ഓർമകളിൽ അലയും.

ഒളിക്കാൻ വീടിന്റെ കോണോ,
കട്ടിലിന്റെ മറവോ
അമ്മയുടെ മുണ്ടോ ഇല്ലാതെ,
കാക്കേണ്ട കൈകൾ ഉടുപ്പുരിയുന്ന
നിസ്സാഹയതയും ദൈന്യവും അമർഷവും
പാന്പുകൾ പോലെ കൊത്തും പുതപ്പിനുള്ളിലും.

കാരണമില്ലാത്ത കുറ്റബോധത്തോടൊപ്പം
കുടഞ്ഞിട്ട പുതപ്പിന്റെ സുഖത്തിൽ ചുരുളുന്നതോടെ
നിസ്സഹായതയും നിസ്സംഗതയും
പതിയെപ്പതിയെ അവളെ കീഴ്പ്പെടുത്തും.  
വീണ്ടുമൊരു ശില്പം ഉണ്ടാവും.


Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഛായാമുഖി (കവിത: ശ്രീദേവി മധു)

ഓർമ്മയിൽ എന്റെ ഗ്രാമം (എം കെ രാജന്‍)

ഒഴിവുകാല സ്വപ്നങ്ങൾ (കവിത : ബിജു ഗോപാൽ)

പൊട്ടുതൊടാൻ ( കഥ: രമണി അമ്മാൾ)

ഒരു നറുക്കിനു ചേരാം (ശ്രീ മാടശ്ശേരി നീലകണ്ഠന്‍ എഴുതിയ 'പ്രപഞ്ചലോട്ടറി' ഒരു അവലോകനം) (സുധീര്‍ പണിക്കവീട്ടില്‍)

ഷാജൻ ആനിത്തോട്ടത്തിന്റെ 'പകര്‍ന്നാട്ടം' (ജോണ്‍ മാത്യു)

സങ്കീര്‍ത്തനം: 2021 (ഒരു സത്യവിശ്വാസിയുടെ വിലാപം) - കവിത: ജോയ് പാരിപ്പള്ളില്‍

ആശംസകൾ (കവിത: ഡോ.എസ്.രമ)

പാലിയേറ്റീവ് കെയർ (കഥ : രമേശൻ പൊയിൽ താഴത്ത്)

അവൾ (കവിത: ഇയാസ് ചുരല്‍മല)

ഉല(കവിത: രമ പ്രസന്ന പിഷാരടി)

ചിതൽ ( കവിത: കുമാരി എൻ കൊട്ടാരം )

നോക്കുകൂലി (കഥ: സാം നിലമ്പള്ളില്‍)

ഒന്നും കൊണ്ടുപോകുന്നില്ല, ഞാന്‍......(കവിത: അശോക് കുമാര്‍.കെ.)

കാഴ്ച്ച (കഥ: പി. ടി. പൗലോസ്)

ഉറുമ്പുകൾ (തൊടുപുഴ കെ ശങ്കർ മുംബൈ)

ജീവിതപുസ്തകം (രാജൻ കിണറ്റിങ്കര)

ലോലമാം ക്ഷണമേ വേണ്ടു... (കഥ രണ്ടാം ഭാഗം: ജോസഫ്‌ എബ്രഹാം)

ആട്ടവിളക്ക് (പുസ്തകപരിചയം : സന്ധ്യ എം)

കർഷകൻ (ദീപ ബിബീഷ് നായർ)

മെസ്സഞ്ചറിലെ മെസേജുകൾ (കഥ: രമണി അമ്മാൾ)

ഇന്നും ലഭിക്കുന്ന ഊരുവിലക്ക് ( കവിത:ജയ്മോൻ ജേക്കബ് പുറയംപള്ളിൽ)

മുത്തി: കവിത, പെരുങ്കടവിള വിൻസൻറ്

Besant Nagar (Silicon castles novel : Chapter-7-Prof: Sreedevi Krishnan)

ഡോ.ഫെബി ബിജോയ് രചിച്ച പുസ്തകം പ്രകാശനം ചെയ്തു

കാലികം..(കഥ: നൈന മണ്ണഞ്ചേരി)

വേരുകൾ പച്ച ( കവിത : സിന്ധു സതീഷ്)

ലോലമാം ക്ഷണമേ വേണ്ടു... (കഥ : ജോസഫ്‌ എബ്രഹാം)

മഹാമാരികാലത്ത് സാബു കഥ എഴുതുമ്പോൾ ( കഥയിടങ്ങൾ: ഡോ. അജയ് നാരായണൻ)

ആമോദിനി എന്ന ഞാൻ : പുഷ്പമ്മ ചാണ്ടി (നോവൽ പൂർണ്ണമാകുന്നു ...)

View More