കൊക്കയാറിലെ ഉരുള്പൊട്ടലില് കാണാതായവരില് മൂന്ന് കുട്ടികളുടെ മൃതദേഹങ്ങള് കണ്ടെത്തി. അഫ്ന ഫൈസല് (8), അഫിയാന് ഫൈസല് (4), അംന (7) എന്നിവരുടെ മൃതദേഹങ്ങളാണ് കണ്ടെത്തിയത്. മൃതദേഹങ്ങള് പൂര്ണ്ണമായി മണ്ണില് പൊതിഞ്ഞ് കിടക്കുന്ന നിലയിലായിരുന്നു.
ജെസിബി ഉപയോഗിച്ച് മണ്ണ് നീക്കം ചെയ്ത് പരിശോധിക്കുന്നതിന് ഇടയിലാണ് മൃതദേഹങ്ങള് കണ്ടെത്തിയത്. രാവിലെ ഏഴുമണി മുതല് എന്ഡിആര്എഫും പൊലീസും പ്രദേശത്ത് തിരച്ചില് നടത്തുകയാണ്. ഇനി അഞ്ചുപേരെയാണ് ഇവിടെ കണ്ടെത്താനുള്ളത്. കൊക്കയാര് പഞ്ചായത്തിന് സമീപം ഒഴിക്കില്പ്പെട്ട് കാണാതായ ആന്സി എന്ന വീട്ടമ്മയെയും കണ്ടെത്താന് കഴിഞ്ഞിട്ടില്ല.
അതേസമയം പെരുവന്താനം നിര്മലഗിരിയില് മലവെള്ളപാച്ചിലില് കാണാതായ ആളുടെ മൃതദേഹം കണ്ടെത്തി. വടശ്ശേരിയില് ജോജോയുടെ മൃതദേഹമാണ് കണ്ടെത്തിയത്. വീടിന് സമീപത്തെ മണ്ണും ചെളിയും നീക്കം ചെയ്യുന്നതിനിടെയാണ് ജോജോ മലവെള്ളപാച്ചിലില്പ്പെട്ടത്