തിരുവനന്തപുരം രാജ്യാന്തര വിമാനത്താവളം അദാനി ഗ്രൂപ്പിനു കൈമാറി. ഇതിന്്റെ ഭാഗമായി അവരുടെ കളര് കോഡിലേക്ക് എയര്പോര്ട്ട് ദീപലങ്കാരം പൂര്ത്തിയാക്കി. പുലര്ച്ചെ 12 മണിക്ക് രാജ്യാന്തര ടെര്മിനലില് എയര്പോര്ട്ട് ഡയറക്ടറര് സി വി രവീന്ദ്രനില് നിന്ന് അദാനി ഗ്രൂപ്പ് ചീഫ് എയര്പോര്ട്ട് ഓഫീസര് ജി മധുസൂദന റാവൂ ചുമതലയേറ്റെടുത്തു.
മധുസൂദന റാവൂ ചുമതലയേറ്റ ചടങ്ങില് എയര്പോര്ട്ട് അതോറിറ്റിയും, അദാനി എയര്പോര്ട്ട് ഉദ്യോഗസ്ഥരും, എയര്ലൈന് ഉദ്യോഗസ്ഥരും പങ്കെടുത്തു. മൂന്ന് വര്ഷത്തേക്ക് എയര്പോര്ട്ട് അതോറിറ്റി ഓഫ് ഇന്ത്യയുമായി സഹകരിച്ചാവും നടത്തിപ്പ്.
എയര്പോര്ട്ട് പൂര്ണ സജ്ജമാകുന്നതുവരെ ആറു മാസത്തേക്ക് നിലവിലെ താരിഫ് നിരക്ക് തുടരും.
എയര്പോര്ട്ട് അതോറിറ്റിയും അദാനി ഗ്രൂപ്പും തമ്മില് കഴിഞ്ഞ ജനുവരിയിലാണ് കൈമാറ്റം സംബന്ധിച്ച കരാര് ഒപ്പിട്ടത്. ആറ് മാസത്തിനകം ഏറ്റെടുക്കാനായിരുന്നു നിര്ദ്ദേശം. എന്നാല് വ്യോമയാന നിയന്ത്രണങ്ങളെ തുടര്ന്ന് സമയം നീട്ടി ആവശ്യപ്പെടുകയായിരുന്നു.
അതേസമയം തിരുവനന്തപുരം ഇന്റര്നാഷണല് എയര്പോര്ട്ട് എന്ന പേര് മാറ്റേണ്ടതില്ലെന്നാണ് അദാനി ഗ്രൂപ്പിന്റെ തീരുമാനം. എയര്പോര്ട്ട് അതോറിറ്റി ജീവനക്കാരുടെ പങ്കാളിത്തത്തോടെയാകും വിമാനത്താവളത്തിന്റെ പ്രവര്ത്തനമെന്ന് അദാനി ഗ്രൂപ്പ് നേരത്തെ വ്യക്തമാക്കിയിരുന്നു. നിലവിലുള്ള ജീവനക്കാര്ക്ക് മൂന്ന് വര്ഷം ഇവിടെ തന്നെ തുടരാം. 300 ജീവനക്കാരാണ് വിമാനത്താവളത്തില് ഉള്ളത്. അതിന് ശേഷം ഇവര് എയര്പോര്ട്ടിന്റെ ഭാഗമാകുകയോ എയര്പോര്ട്ട് അതോറിറ്റിയുടെ മറ്റേതെങ്കിലും വിമാനത്താവളത്തിലേക്ക് മാറുകയോ ചെയ്യണം.