നിയന്ത്രണ രേഖയില് ഏറ്റുമുട്ടല്: വീരമൃത്യു വരിച്ചവരില് മലയാളി സൈനീകനും
Published on 11 October, 2021
ശ്രീനഗര്: ജമ്മു കശ്മീരിലെ പൂഞ്ച് ജില്ലയില് ഭീകരരുമായുള്ള ഏറ്റുമുട്ടലില് മലയാളി ജവാന് വീരമൃത്യു. കൊട്ടാരക്കര ഓടനാവട്ടം സ്വദേശി വൈശാഖ് ആണ് കൊല്ലപ്പെട്ടത്. പൂഞ്ച് ജില്ലയില് ഭീകരരുമായുള്ള ഏറ്റുമുട്ടലില് ജൂനിയര് കമ്മീഷന് ഓഫീസര് ഉള്പ്പെടെ അഞ്ച് സൈനികരാണ് വീരമൃത്യു വരിച്ചത്.
അതിര്ത്തിയില് ഭീകരവാദികള് നുഴഞ്ഞു കയറിയിട്ടുണ്ട് എന്ന ഇന്റലിജന്സ് റിപ്പോര്ട്ടിന്റെ അടിസ്ഥാനത്തില് ഇന്ന് രാവിലെയാണ് സുരക്ഷാ സേന പൂഞ്ച് ജില്ലയില് തിരച്ചില് ആരംഭിച്ചത്. എന്നാല് തിരച്ചിലിനിടെ സൈനികര്ക്ക് നേരെ ഭീകരവാദികള് വെടിയുതിര്ക്കുകയായിരുന്നു. ഏറ്റുമുട്ടലില് പരിക്കേറ്റ വൈശാഖ് അടക്കമുള്ള അഞ്ചു പേരെ ആശുപത്രിയില് പ്രവേശിപ്പിച്ചു. ചികിത്സയ്ക്കിടെ ആയിരുന്നു മരണം.
നാല് തീവ്രവാദികളാണ് പ്രദേശത്ത് ഉണ്ടായിരുന്നതെന്നും രണ്ട് തീവ്രവാദികളെ ഏറ്റുമുട്ടലില് വധിച്ചതായുമാണ് വിവരം. ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല. ഭീകരര്ക്ക് വേണ്ടിയുള്ള തിരച്ചില് ഇപ്പോഴും തുടരുകയാണ്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല