കൊല്ലം :മനസാക്ഷിയെ ഞെട്ടിച്ച ഉത്ര വധക്കേസില് ഇന്ന് വിധി പറയും. കൊല്ലം ആറാം അഡീഷനല് സെഷന്സ് കോടതി ജഡ്ജി എം മനോജാണ് വിധി പറയുന്നത്. ഉത്ര ഉറങ്ങിക്കിടക്കുമ്പോള് ഭര്ത്താവ് സൂരജ് പാമ്പിനെക്കൊണ്ടു കടിപ്പിച്ചു കൊലപ്പെടുത്തി എന്നാണ് കേസ്. അഞ്ചല് ഏറം ‘വിഷു’വില് (വെള്ളശ്ശേരില്) വിജയസേനന്റെ മകള് ഉത്ര(25)യ്ക്ക് 2020 മേയ് ആറിനു രാത്രിയാണ് പാമ്പുകടിയേറ്റത്. ഏഴിനു പുലര്ച്ചെ മരിച്ച നിലയില് കണ്ടെത്തുകയായിരുന്നു.
പ്രതി സൂരജ് അതിസമര്ഥനും ക്രൂരനുമെന്ന് അന്വേഷണ ഉദ്യോഗസ്ഥന് എസ്പി ഹരിശങ്കര് പറഞ്ഞു. അന്വേഷണത്തില് ഇത് വ്യക്തമായി. ദൃക്സാക്ഷികളില്ലാത്തതിനാല് പരമാവധി ശാസ്ത്രീയ സാഹചര്യ തെളിവുകള് ശേഖരിച്ചു. പ്രതിക്ക് പരമാവധി ശിക്ഷ പ്രതീക്ഷിക്കുന്നതായും എസ്.പി ഹരിശങ്കര് പറഞ്ഞു.
കൊലപാതകമാണെന്ന പരാതിയുമായി മാതാപിതാക്കള് കൊല്ലം റൂറല് എസ്പി ഹരിശങ്കറിനെ കണ്ടതോടെയാണ്, ലോക്കല് പൊലീസ് എഴുതിത്തള്ളിയ കേസിനു വഴിത്തിരിവ് ഉണ്ടായത്. ജില്ലാ െ്രെകം ബ്രാഞ്ചിനു കേസ് കൈമാറി. സാക്ഷികള് ഇല്ലാത്ത കേസില് ശാസ്ത്രീയ തെളിവുകള് ശേഖരിച്ചായിരുന്നു അന്വേഷണം. ഉത്രയുടെ പോസ്റ്റ്മോര്ട്ടം റിപ്പോര്ട്ട്, കടിച്ച പാമ്പിന്റെ പോസ്റ്റ്മോര്ട്ടം റിപ്പോര്ട്ട്, രാസപരിശോധനാ ഫലങ്ങള്, മൊബൈല് ഫോണുകളുടെ ഫൊറന്സിക് പരിശോധന, ഡമ്മി പരീക്ഷണം എന്നിവ നടത്തി.
ഗൂഢാലോചനയോടെയുള്ള കൊലപാതകം (302), നരഹത്യാശ്രമം (307), കഠിനമായ ദേഹോപദ്രവം (326), വനം വന്യ ജീവി ആക്ട് (115) എന്നിവ പ്രകാരമാണു കേസ്. 90 ദിവസത്തിനകം കുറ്റപത്രം നല്കാന് പൊലീസിനു കഴിഞ്ഞു. കോടതി വിധി പറയുന്നതോടെ കേസിലെ മാപ്പുസാക്ഷിയും പാമ്പുപിടുത്തക്കാരനുമായ കല്ലുവാതുക്കല് ചാവരുകാവ്! സുരേഷിനെ വിട്ടയയ്ക്കാനുള്ള ഉത്തരവും ഉണ്ടാകും. സുരേഷിന്റെ കയ്യില്നിന്നാണു സൂരജ് പാമ്പിനെ വാങ്ങിയത്. സൂരജിനെ അറസ്റ്റ് ചെയ്തതിനു പിന്നാലെ പൊലീസ് പിടികൂടിയ സുരേഷ് അന്നു മുതല് ജുഡീഷ്യല് കസ്റ്റഡിയിലാണ്.