വിസ്മയ കേസില് പ്രതി കിരണ് കുമാറിന് ഹൈക്കോടതി ജാമ്യ ഹര്ജി തള്ളി. കുറ്റ പത്രം സമര്പ്പിച്ച കേില് കസ്റ്റഡിയില് ഇനി വെക്കേണ്ട ആവശ്യമില്ലെന്നും 105 ദിവസത്തിലധികമായി ജയിലിലാണെന്നും പ്രതിയുടെ വാദം.
വിസ്മയ ടിക് ടോക് അടക്കമുള്ള സമൂഹ മാധ്യമങ്ങള്ക്ക് അടിമയായിരുന്നുവെന്നും വിസ്മയയുടെ ഫേസ്ബുക്ക് അക്കൗണ്ട് ഡിലീറ്റ് ചെയ്തത് പഠനത്തില് ശ്രദ്ധിക്കാന് വേണ്ടിയായിരുന്നു എന്നും കിരണ് കോടതിയില് വാദിച്ചു. എന്നാല്, കിരണ് വിസ്മയയെ നിരന്തരം പീഡിപ്പിച്ചതിനു തെളിവ് ഉണ്ടെന്നും ജാമ്യം അനുവദിക്കരുതെന്നും പ്രോസിക്യൂഷന് കോടതിയെ അറിയിച്ചു.
സ്ത്രീധന പീഡനം മൂലം വിസ്മയ ആത്മഹത്യ ചെയ്ത കേസില് ഭര്ത്താവ് കിരണ് കുമാറിന് കുരുക്കായത് വാട്ട്സ്ആപ്പ് വഴി വിസ്മയ നടത്തിയ ചാറ്റുകളാണ്. പ്രതി കിരണ് നിരന്തരം വിസ്മയെ സ്ത്രീധനത്തിനായി പീഡിപ്പിച്ചിരുന്നു എന്നതിന്റെ സാക്ഷ്യമാണ് പൊലീസ് കണ്ടെത്തിയ ഡിജിറ്റല് തെളിവുകള്. പ്രതി കിരണിന്റെ സഹോദരി കീര്ത്തിയുടെ ഫോണില് നിന്നും വിസ്മയ രക്ഷിക്കണമെന്നാവശ്യപ്പെടുന്ന ചാറ്റും പൊലീസ് കണ്ടെത്തിയിട്ടുണ്ട്